വിശ്വാസവോട്ടെടുപ്പിൽ രഹസ്യബാലറ്റ് വേണമെന്ന് പനീർശെൽവം ക്യാന്പ്,

Click here for detailed news of all items

വിശ്വാസവോട്ടെടുപ്പിൽ രഹസ്യബാലറ്റ് വേണമെന്ന് പനീർശെൽവം ക്യാന്പ്

Friday, February 17, 2017 7:24 AM IST

ചെന്നൈ: രഹസ്യബാലറ്റിലൂടെ വേണം വിശ്വാസവോട്ടെടുപ്പ് നടത്താനെന്ന് മുൻ മുഖ്യമന്ത്രി ഒ. പനീർശെൽവം ക്യാന്പ്. വെള്ളിയാഴ്ച രാവിലെ പനീർശെൽവത്തിന്‍റെ വീട്ടിൽനടന്ന യോഗത്തിലാണ് വിശ്വാസവോട്ടെടുപ്പിൽ രഹസ്യബാലറ്റ് ആവശ്യപ്പെടാൻ തീരുമാനിച്ചത്. പനീർശെൽവം ക്യാന്പിലെ നേതാക്കൾ ഗവർണർ സി. വിദ്യാസാഗർ റാവുവിനെ കണ്ട് ഇക്കാര്യം ആവശ്യപ്പെടുകയും ചെയ്തു. ശനിയാഴ്ചയാണ് വിശ്വാസവോട്ടെടുപ്പ് നടക്കുന്നത്.

പളനിസ്വാമി ക്യാന്പിലെ എംഎൽഎമാരെ കഴിഞ്ഞ പത്തുദിവസമായി കൂവത്തൂരിലെ റിസോർട്ടിലാണ് താമസിപ്പിച്ചിരിക്കുന്നത്. ശനിയാഴ്ച രാവിലെ മാത്രമേ ഇവരെ പുറത്തിറക്കുകയുള്ളു. റിസോർട്ടിൽ എംഎൽഎമാർക്കും പ്രമുഖ നേതാക്കൾക്കും മാത്രമാണ് പ്രവേശനം അനുവദിച്ചിരിക്കുന്നത്.

വെള്ളിയാഴ്ച മൈലാപ്പൂർ എംഎൽഎ ആർ. നടരാജൻ പനീർശെൽവം പക്ഷത്തേക്കു മാറിയിരുന്നു. 31 അംഗ മന്ത്രിസഭയാണ് പളനിസ്വാമിയുടെ നേതൃത്വത്തിൽ കഴിഞ്ഞ ദിവസം തമിഴ്നാട്ടിൽ അധികാരത്തിലെത്തിയത്. പളനിസ്വാമിക്കു 123 എംഎൽഎമാരുടെ പിന്തുണയാണ് ഇപ്പോൾ ഉള്ളത്. കേവല ഭൂരിപക്ഷത്തിനു 117 എംഎൽഎമാരുടെ പിന്തുണയാണ് വേണ്ടത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.