ചിരഞ്ജീവി ചിത്രത്തിന് ടിക്കറ്റ് ലഭിച്ചില്ല; ആരാധകൻ ജീവനൊടുക്കാൻ ശ്രമിച്ചു
Wednesday, January 11, 2017 10:03 PM IST
വിശാഖപട്ടണം: തെലുങ്ക് സൂപ്പർസ്റ്റാർ ചിരഞ്ജീവിയുടെ പുതിയ ചിത്രത്തിന് ടിക്കറ്റ് ലഭിക്കാത്തതിനെ തുടർന്ന് ആരാധകൻ ജീവനൊടുക്കാൻ ശ്രമിച്ചു. വിശാഖപട്ടണത്തെ രാമ ടാക്കീസിലായിരുന്നു സംഭവം.

ചിരഞ്ജീവിയുടെ പുതിയ ചിത്രമായ ഖൈദി നമ്പർ 150 എന്ന ചിത്രത്തിന് ടിക്കറ്റ് ലഭിക്കാത്തതിനെ തുടർന്നാണ് ആരാധകൻ ബ്ലേഡ് ഉപയോഗിച്ചു കൈമുറിച്ചു ജീവനൊടുക്കാൻ ശ്രമിച്ചത്. ഇയാളെ ഉടൻതന്നെ ആശുപത്രിയിലെത്തിക്കാൻ തീയറ്റർ അധികൃതർ ശ്രമിച്ചെങ്കിലും ടിക്കറ്റ് ലഭ്യമാക്കി താൻ സിനിമ കണ്ടശേഷം ചികിത്സിച്ചാൽ മതിയെന്ന നിലപാടിൽ ആരാധകൻ ഉറച്ചുനിന്നു. ഇതേതുടർന്ന് തിയറ്റർ അധികൃതർ പോലീസിനെ വിളിച്ചുവരുത്തി ആരാധകനെ ആശുപത്രിയിൽ പ്രവേശിപ്പിക്കുകയായിരുന്നു.

ഇടക്കാലത്ത് സിനിമയിൽനിന്നു വീട്ടുനിന്ന ചിരഞ്ജീവി രാഷ്ട്രീയത്തിൽ സജീവമായിരുന്നു. ഇതിനു വിരാമമിട്ടുകൊണ്ടാണ് ഖൈദി നമ്പർ 150 എത്തിയിരിക്കുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.