ജിഷ്ണുവിന്റെ ആത്മഹത്യാ കുറിപ്പ് കെട്ടിച്ചമച്ചതെന്നു ബന്ധുക്കൾ
Wednesday, January 11, 2017 9:44 PM IST
തൃശൂർ: പാമ്പാടി നെഹ്റു കോളജിൽ ജീവനൊടുക്കിയ ജിഷ്ണുവിന്റേതെന്ന പേരിൽ കണ്ടെടുത്ത ആത്മഹത്യാ കുറിപ്പ് കെട്ടിച്ചമച്ചതെന്നു ബന്ധുക്കൾ. സോഷ്യൽ മീഡിയയിൽ സജീവമായ ജിഷ്ണു കത്തെഴുതുമെന്ന് വിശ്വസിക്കുന്നില്ല. കേസ് അട്ടിമറിക്കാനുള്ള മാനേജ്മെന്റിന്റെ ശ്രമമാണിത്. പോലീസ് സീൽ ചെയ്ത റൂമിനടുത്തുനിന്ന് കത്ത് കണ്ടെടുത്തു എന്ന വാദം ദുരൂഹമാണെന്നും ബന്ധുക്കൾ ആരോപിക്കുന്നു.

നേരത്തെ, കോളജ് ഹോസ്റ്റലിൽ നടത്തിയ പരിശോധനയിൽ കുളിമുറിയുടെ ഓവുചാലിൽനിന്നു കത്ത് കണ്ടെടുത്തെന്നാണ് റിപ്പോർട്ടുകൾ പുറത്തുവന്നത്. എന്നാൽ കുറിപ്പ് ജിഷ്ണുവിന്റേത് തന്നെയാണോ എന്ന കാര്യം സ്‌ഥിരീകരിച്ചിട്ടില്ല.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.