ബിസ്മില്ലാ ഖാന്റെ വെള്ളി ഷെഹനായി കവർന്ന സംഭവം: കൊച്ചുമകൻ അറസ്റ്റിൽ
Tuesday, January 10, 2017 12:03 PM IST
വാരാണസി: ഷെഹനായി മാന്ത്രികൻ ഉസ്താദ് ബിസ്മില്ലാ ഖാന്റെ വെള്ളി ഷെഹനായി കവർന്ന സംഭവത്തിൽ കൊച്ചുമകനും മറ്റു രണ്ടു പേരും അറസ്റ്റിലായി. ബിസ്മില്ലാ ഖാന്റെ കൊച്ചുമകൻ നസറേ ഹുസൈൻ, ജ്വല്ലറി ഉടമ ശങ്കർ സേട്ട്, ഇയാളുടെ മകൻ സുജിത്ത് സേട്ട് എന്നിവരാണ് അറസ്റ്റിലായത്. നാലു വെള്ളി ഷെഹനായിയും തടിയും വെള്ളിയും ഉപയോഗിച്ചു നിർമിച്ച ഒരു ഷെഹനായിയുമാണ് മോഷണംപോയത്. കഴിഞ്ഞ ഡിസംബർ നാലിന് ബിസ്മില്ലാ ഖാന്റെ മകൻ കാസിം ഹുസൈന്റെ വീട്ടിൽനിന്നാണ് സംഗീതോപകരണങ്ങൾ മോഷ്ടിക്കപ്പെട്ടത്.

ശങ്കർ സേട്ടിന്റെ ജ്വല്ലറിയിൽനിന്നും വെള്ളി ഉരുക്കിയെടുത്ത നിലയിലാണ് ഷെഹനായികണ്ടെത്തിയത്. കാസിം ഹുസൈന്റെ മകൻ നസറേ ഈ ഷെഹനായികൾ ഉരുക്കി വെള്ളി എടുക്കുന്നതിനായി ജ്വല്ലറിയിൽ നൽകുകയായിരുന്നു. ഉരുക്കിയെടുത്ത ഒരു കിലോ വെള്ളിയും പോലീസ് പിടിച്ചെടുത്തു. നസറേ ഈ ഷെഹനായികൾ 17,000 രൂപയ്ക്കാണ് വ്യാപാരികൾക്ക് വിറ്റത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.