ബു​ഷ് സീ​നി​യ​ർ വീ​ണ്ടും വി​വാ​ദത്തിൽ​; "16 വ​യ​സു​കാ​രി​യെ' മോ​ശ​മാ​യി സ്പ​ർ​ശി​ച്ചെ​ന്നു ആ​ക്ഷേ​പം
Tuesday, November 14, 2017 7:46 AM IST
വാ​ഷിം​ഗ്ട​ൺ: യു​എ​സ് മു​ൻ പ്ര​സി​ഡ​ന്‍റ് ജോ​ർ​ജ് ബു​ഷ് സീ​നി​യ​റി​നെ​തി​രെ പ​രാ​തി​യു​മാ​യി ഒ​രു വ​നി​ത കൂ​ടി രം​ഗ​ത്ത്. 2003ൽ ​ബു​ഷ് സീ​നി​യ​റി​ന്‍റെ ഒ​പ്പ​മെ​ടു​ത്ത ചി​ത്ര​മ​ട​ക്കം റോ​സ​ലി​ൻ കോ​റി​ഗ​ൻ എ​ന്ന സ്ത്രീ​യാ​ണ് ആ​രോ​പ​ണ​മു​ന്ന​യി​ച്ച​ത്. കൗ​മാ​ര​പ്രാ​യ​ത്തി​ൽ ബു​ഷി​നൊ​പ്പം ഫോ​ട്ടോ​യെ​ടു​ക്കാ​ൻ നോ​ക്കി​യ​പ്പോ​ഴാ​ണ് മോ​ശം അ​നു​ഭ​വ​മു​ണ്ടായതെ​ന്നാ​ണ് ആ​രോ​പ​ണം.

2003ൽ ​ടെ​ക്സ​സി​ൽ സി​ഐ​എ ഓ​ഫീ​സ​ർ​മാ​രു​ടെ യോ​ഗ​ത്തി​നി​ടെ ബു​ഷ് സീ​നി​യ​റി​നൊ​പ്പം താ​നും അ​മ്മ​യും ഫോ​ട്ടോ എ​ടു​ത്തി​രു​ന്നു. അ​ന്ന് 16 വ​യ​സു​ണ്ടാ​യി​രു​ന്ന ത​ന്‍റെ ശ​രീ​ര​ത്തി​ൽ മോ​ശ​മാ​യി സ്പ​ർ​ശി​ച്ച് ബു​ഷ് സീ​നി​യ​ർ കോ​മ​ഡി പ​റ​യു​ക​യാ​യി​രു​ന്നു. വ​ലി​യ ന​ടു​ക്ക​മാ​ണ് അ​ന്നു​ണ്ടാ​യ​തെ​ന്ന് റോ​സ​ലി​ൻ വെ​ളി​പ്പെ​ടു​ത്തി.

ബു​ഷ് സീ​നി​യ​റി​നെ​തി​രെ പ​രാ​തി​യു​മാ​യി രം​ഗ​ത്തെ​ത്തു​ന്ന ആ​റാ​മ​ത്തെ സ്ത്രീ​യാ​ണ് റോ​സ​ലി​ൻ. 2014ൽ ​ബു​ഷ് ത​ന്നോ​ട് മോ​ശ​മാ​യി പെ​രു​മാ​റി​യെ​ന്നാ​രോ​പി​ച്ച് ന​ടി ഹേ​ത​ർ ലി​ൻ​ഡാ​ണ് ആ​ദ്യം പ​രാ​തി​യു​ന്ന​യി​ച്ച​ത്.