ഫ്ര​ഞ്ച് നീ​ലി​മ
Thursday, July 12, 2018 2:34 AM IST
ചൊ​വ്വാ​ഴ്ച രാ​ത്രി​യി​ല്‍ സെ​ന്‍റ് പീ​റ്റേ​ഴ്‌​സ്ബ​ര്‍ഗ് നീ​ല​യി​ല്‍ കു​ളി​ച്ചു. ക​റു​പ്പും മ​ഞ്ഞ​യും ചു​വ​പ്പും പൂ​ശി​യെ​ത്തി​യ​വ​രു​ടെ ക​ണ്ണീ​രാ​ല്‍ ആ ​നി​റ​ങ്ങ​ള്‍ ക​വി​ളി​ലൂ​ടെ ഒ​ഴു​കി​യി​റ​ങ്ങി. ക​ന്നി​ലോ​ക​ക​പ്പ് ഫൈ​ന​ല്‍ പ്ര​തീ​ക്ഷി​ച്ചെ​ത്തി​യ ബെ​ല്‍ജി​യ​ത്തെ ഇ​ഞ്ചോ​ടി​ഞ്ച് പോ​രാ​ട്ട​ത്തി​ല്‍ 1-0നു ​കീ​ഴ​ട​ക്കി ഫ്രാ​ന്‍സ് ഫൈ​ന​ലി​ല്‍. അ​തോ​ടെ ലോ​ക​ക​പ്പ് ഫു​ട്‌​ബോ​ളി​ല്‍ ബെ​ല്‍ജി​യ​ത്തി​ന്‍റെ സ്വ​പ്നതു​ല്യ​മാ​യ കു​തി​പ്പ് സെ​മി ഫൈ​ന​ലി​ല്‍ ത​ക​ര്‍ന്നു. ഇ​തു ര​ണ്ടാം ത​വ​ണ​യാ​ണ് ബെ​ല്‍ജി​യം സെ​മി​യി​ല്‍ വീ​ഴു​ന്ന​ത്. 1998 ജേ​താ​ക്ക​ളാ​യ ഫ്രാ​ന്‍സി​ന്‍റെ മൂ​ന്നാം ലോ​ക​ക​പ്പ് ഫൈ​ന​ലാ​ണ് ഞാ​യ​റാ​ഴ്ച ഇ​ന്ത്യ​ന്‍ സ​മ​യം രാ​ത്രി 8.30ന് ​ന​ട​ക്കാ​നി​രി​ക്കു​ന്ന​ത്.

ഉം​റ്റി​റ്റി​യു​ടെ സ്വ​ര്‍ണ​ത്ത​ല

പ്ര​തി​രോ​ധ​നി​ര താ​രം സാ​മു​വ​ല്‍ ഉം​റ്റി​റ്റി​യു​ടേ വ​ക​യാ​യി​രു​ന്നു ഫ്രാ​ന്‍സി​ന്‍റെ വി​ജ​യ​ഗോ​ള്‍. ഗോ​ള്‍ ര​ഹി​ത​മാ​യ ആ​ദ്യ പ​കു​തി​ക്കു​ശേ​ഷ​മാ​യി​രു​ന്നു ഫ്ര​ഞ്ച് പ​ട​യു​ടെ വി​ജ​യം കു​റി​ച്ച ഗോ​ളെ​ത്തി​യ​ത്.

ബെ​ല്‍ജി​യ​വും ഫ്രാ​ന്‍സും ഒ​പ്പ​ത്തി​നൊ​പ്പ​മാ​ണ് ആ​ദ്യ പ​കു​തി​യി​ല്‍ പൊ​രു​തി​യ​ത്. കൃ​ത്യ​മാ​യ ആ​സൂ​ത്ര​ണ​ത്തോ​ടെ അ​തി​വേ​ഗ മു​ന്നേ​റ്റ​ങ്ങ​ള്‍ സം​ഘ​ടി​പ്പി​ക്കു​ന്ന​തി​നും ഇ​രു ടീ​മു​ക​ള്‍ക്കും ഒ​രു​പോ​ലെ സാ​ധി​ച്ചു.ബെ​ല്‍ജി​യ​ത്തി​ന്‍റെ വ​ല കാ​ക്കും ഭൂ​ത​മാ​യി നി​ന്ന ഗോ​ളി തി​ബൂ​ട്ട് കൂ​ര്‍ട്ട്വോ പു​റ​ത്തെ​ടു​ത്ത മി​ന്നും പ്ര​ക​ട​നം പ​ല​പ്പോ​ഴും ഫ്രാ​ന്‍സി​നെ ഗോ​ളി​ല്‍ നി​ന്നും അ​ക​റ്റി. മ​റു​വ​ശ​ത്ത് ബെ​ല്‍ജി​യ​ത്തി​നു കീ​റാ​മു​ട്ടി​യാ​യി ഫ്ര​ഞ്ച് ഗോ​ളി ഹ്യൂ​ഗോ ലോ​റി​സും നി​ല​കൊ​ണ്ടു.

ഇ​രു​പ​താം മി​നി​റ്റി​ല്‍ ഫ്രാ​ന്‍സ് ഗോ​ള്‍കീ​പ്പ​ര്‍ ഹ്യൂ​ഗോ ലോ​റി​സ് ന​ട​ത്തി​യ അ​ത്യു​ഗ്ര​ന്‍ സേ​വ് ഒ​ന്നാം പ​കു​തി​യു​ടെ ഹൈ​ലൈ​റ്റാ​യി. ബെ​ല്‍ജി​യ​ത്തി​ന്‍റെ സം​ഘ​ടി​ത ആ​ക്ര​മ​ണ​ത്തി​ന് ഒ​ടു​വി​ല്‍ ആ​ല്‍ഡ​ര്‍വി​യേ​ര്‍ഡ് വെ​ട്ടി​ത്തി​രി​ഞ്ഞ് തൊ​ടു​ത്ത ത​ന്ത്ര​പ​ര​മാ​യ ഷോട്ട് ലോ​റി​സ് വ​ല​ത്തോ​ട്ട് ചാ​ടി ത​ട്ടി​യ​ക​റ്റി​യ​പ്പോ​ള്‍ ഗാ​ല​റി​യി​ലെ ബെ​ല്‍ജി​യം ആ​രാ​ധ​ക​ര്‍ക്ക​ത് അ​വി​ശ്വ​സ​നീ​യ നി​മി​ഷ​മാ​യി. ഇ​രു​പ​ത്തി​ര​ണ്ടാം മി​നി​റ്റി​ല്‍ ആ​ല്‍ഡ​ര്‍വ​യ്‌​റ​ല്‍ഡ് തൊ​ടു​ത്ത ത​ന്ത്ര​പ​ര​മാ​യ ഗ​ണ്ണ​ര്‍ ഗോ​ളെ​ന്നു ക​രു​തി​യെ​ങ്കി​ലും ബെ​ല്‍ജി​യ​ത്തെ ഭാ​ഗ്യം തു​ണ​ച്ചി​ല്ല.

അ​വ​സാ​ന പ​ത്തു മി​നി​റ്റി​ലും ബെ​ല്‍ജി​യം നി​ര​ന്ത​രം ആ​ക്ര​മ​ണ​ങ്ങ​ള്‍ സം​ഘ​ടി​പ്പി​ച്ചെ​ങ്കി​ലും ഫ്ര​ഞ്ച് പ്ര​തി​രോ​ധ മ​തി​ലി​ല്‍ ത​ട്ടി ത​രി​പ്പ​ണ​മാ​യി. ഏ​ഡ​ന്‍ അ​സാ​റി​നു സ​ര്‍വ​പി​ന്തു​ണ​യു​മാ​യി ഡി​ബ്രൂ​യി​നും ചാ​ഡ് ലി​യും നി​ല​കൊ​ണ്ടെ​ങ്കി​ലും ഫ്ര​ഞ്ച് പ്ര​തി​രോ​ധ​മോ ലോ​റി​സോ കു​ലു​ങ്ങി​യി​ല്ല. റൊ​മേ​ലു ലു​കാ​ക്കു​വി​ന് ല​ഭി​ച്ച അ​വ​സ​രം ന​ഷ്ട​പ്പെ​ടു​ത്തി​യ​തും ബെ​ല്‍ജി​യ​ത്തി​നു തി​രി​ച്ച​ടി​യാ​യി.

ദേ​ഷാം​പി​ന്‍റെ ത​ന്ത്ര​വി​ജ​യം!

ഫ്ര​ഞ്ച് പ​രി​ശീ​ല​ക​ന്‍ ദി​ദി​യെ ദേ​ഷാം​പി​ന്‍റെ ഇ​ഷ്ട​വി​ഷ​യ​മാ​ണ് പ്ര​തി​രോ​ധം. അ​തു കൈ​വി​ട്ടു​ള്ള ഒ​രു ക​ളി​ക്കും അ​ദ്ദേ​ഹം ഒ​രു​ങ്ങി​ല്ല​താ​നും. ഇ​തു​ത​ന്നെ​യാ​ണ് ബെ​ല്‍ജി​യ​ത്തെ കു​രു​ക്കാ​ന്‍ അ​ദ്ദേ​ഹം പ്ര​യോ​ഗി​ച്ച ത​ന്ത്ര​വും. അ​തി​നെ മ​റി​ക​ട​ക്കാ​ന്‍ മാ​ര്‍ട്ടി​ന​സി​ന്‍റെ ചാ​ണ​ക്യ ത​ന്ത്ര​ങ്ങ​ള്‍ക്കാ​യി​ല്ല. ക​ള​ത്തി​ലി​റ​ക്കി​യ ബെ​ല്‍ജി​യം കു​തി​ര​ക​ള്‍ക്ക് കോ​ച്ചി​ന്‍റെ ഗൃ​ഹ​പാ​ഠം അ​തു​പോ​ലെ പ്രാ​വ​ര്‍ത്തി​ക​മാ​ക്കാ​നും സാ​ധി​ച്ചി​ല്ല. ഫ്രാ​ന്‍സി​ന്‍റെ ഡി​ഫ​ന്‍സ് മി​നി​സ്റ്റ​റാ​യി ത​ന്ത്രം മെ​ന​ഞ്ഞ ദേ​ഷാം​പ് പ​തി​നൊ​ന്നു പ​ട്ടാ​ള​ക്കാ​രെ ഇ​റ​ക്കി ബ്ര​സ​ല്‍സി​ലെ നാ​റ്റോ​പ്പ​ട​യെ ഒ​തു​ക്കു​ന്ന​താ​യി​രു​ന്നു സെ​ന്‍റ് പീ​റ്റേ​ഴ്‌​സ്ബ​ര്‍ഗ് സ്റ്റേ​ഡി​യ​ത്തി​ല്‍ ചൊ​വ്വാ​ഴ്ച രാ​ത്രി ക​ണ്ട​ത്.


ആ​ക്ര​മ​ണ​ത്തി​ന്‍റെ പാ​ത​വി​ട്ട് ബോ​ക്‌​സ് ക​വ​ര്‍ ചെ​യ്തു ഗോ​ളി​നെ ല​ക്ഷ്യം​വ​യ്ക്കു​ന്ന എ​തി​രാ​ളി​ക​ളെ നി​ഷ്പ്ര​ഭ​മാ​ക്കാ​ന്‍ കാ​ന്‍റെ, വാ​റാ​ന്‍, പോ​ഗ്ബ, മറ്റീ​ഡി, ഉം​റ്റി​റ്റി എ​ന്നി​വ​രെ പ്ര​ത്യേ​കം ചു​മ​ത​ല​പ്പെ​ടു​ത്തി​യ​തും ദേ​ഷാ​ംപി​ന്‍റെ ത​ന്ത്ര​ത്തി​ന്‍റെ ഭാ​ഗ​മാ​യി​രു​ന്നു. അ​തി​ല്‍ ബെ​ല്‍ജി​യ​ത്തി​ന്‍റെ പ​ട​ക്കു​തി​ര​യാ​യ ലു​കാ​ക്കു​വി​നെ മാ​ര്‍ക്ക് ചെ​യ്തു നി​ര്‍ത്താ​നും സാ​ധി​ച്ചു.

കൗ​ണ്ട​ര്‍ ആ​ക്ര​മ​ണ​വും വേ​ഗ​ക്ക​ളി​യു​മെ​ന്ന ത​ന്ത്രം പൊ​ളി​ഞ്ഞു​വെ​ന്നു മ​ന​സി​ലാ​ക്കി​യ ബെ​ല്‍ജി​യം പ​രി​ശീ​ല​ക​ന്‍ റോ​ബ​ര്‍ട്ടോ മാ​ര്‍ട്ടി​ന​സ് മൂ​സ ഡെം​ബെ​ലെ​യെ തി​രി​ച്ചു​വി​ളി​ക്കു​ക​യും കാ​ര​സ്‌​കോ​യേ​യും മേ​ര്‍ട്ട​ന്‍സി​നെ​യും ഇ​റ​ക്കി ക​ളി ജ​യി​ക്കാ​ന്‍ അ​വ​സാ​ന ശ്ര​മം ന​ട​ത്തി​യെ​ങ്കി​ലും ഫ​ലം​ക​ണ്ടി​ല്ല.​ക​ളി നി​യ​ന്ത്രി​ച്ച ഉ​റു​ഗ്വേ​ക്കാ​ര​ന്‍ റ​ഫ​റി അ​ന്ത്ര​യാ​സ് കു​ന്‍ഹ ഫ്രാ​ന്‍സി​ന്‍റെ ഫൗ​ളു​ക​ളി​ല്‍ ചി​ല​പ്പോ​ഴൊ​ക്കെ ക​ണ്ണ​ട​ച്ച​തും ബെ​ല്‍ജി​യ​ത്തി​ന്‍റെ വി​ധി നി​ശ്ച​യി​ക്കാ​ന്‍ കാ​ര​ണ​മാ​യി.

ഗോൾ വഴി

ഗോ​ള്‍ 1. സാ​മു​വ​ല്‍ ഉം​റ്റി​റ്റി (ഫ്രാ​ന്‍സ്), 51ാം മി​നി​റ്റ്. ഫ്രാ​ന്‍സി​ന്‍റെ മ​ത്യൂ​ഡി​യും ഗി​റു​വും ന​ല്കി​യ പാ​സ് വി​ന്‍സ​ന്‍റ് കോം​പ​നി ത​ട്ടി​യ​ക​റ്റി​യ​പ്പോ​ള്‍ ല​ഭി​ച്ച കോ​ര്‍ണ​റാ​ണ് ഗോ​ളാ​യി പി​റ​ന്ന​ത്. അ​ള​ന്നു തൂ​ക്കി ആ​ന്‍ത്വാ​ന്‍ ഗ്രീ​സ്മാ​ന്‍ എ​ടു​ത്ത കോ​ര്‍ണ​ര്‍ കി​ക്കി​നെ ത​ട​യാ​ന്‍ ശ്ര​മി​ച്ച ഫെ​ല്ലെ​യ്‌​നി​യേ​ക്കാ​ളും അ​ല്‍പം​കൂ​ടി ഉ​യ​ര്‍ന്നു ചാ​ടി​യ ഉം​റ്റി​റ്റി ഹെ​ഡ​റി​ലൂ​ടെ പ​ന്ത് ബെ​ല്‍ജി​യം വ​ല​യി​ലേ​ക്ക് തി​രി​ച്ചു​വി​ട്ടു. ത​ട​യാ​ന്‍ ശ്ര​മ​ച്ച ബെ​ല്‍ജി​യം ഗോ​ളി തി​ബൂ​ കൂ​ര്‍ട്ട്വാ​യെ ക​ട​ന്ന് പ​ന്ത് വ​ല​യി​ല്‍.

കളിയിലെ കണക്ക്

ഫ്രാ​ന്‍സ് ബെ​ല്‍ജി​യം 36% പ​​ന്ത​​ട​​ക്കം 64%
5 ഗോ​​ൾ ഷോ​​ട്ട് 3
4 കോ​​ർ​​ണ​​ർ 5
346 പാസ് 594
6 ഫൗൾ 16
2 മ​​ഞ്ഞ​​ക്കാ​​ർ​​ഡ് 3
1 ഓഫ് സൈ​​ഡ് 1

ജോ​സ് കു​മ്പി​ളു​വേ​ലി​ല്‍
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.