കിംഗ്സ് ഇലവൻ ഡെവിൾസിനെ വീഴ്ത്തി പോയിന്‍റ് പട്ടികയിൽ മുന്നിൽ : Deepika.com Sports News |

Click here for detailed news of all items

കിംഗ്സ് ഇലവൻ ഡെവിൾസിനെ വീഴ്ത്തി പോയിന്‍റ് പട്ടികയിൽ മുന്നിൽ

Tuesday, April 24, 2018 12:59 AM IST

ന്യൂഡൽഹി: ക്രിസ് ഗെയ്ൽ ഇല്ലാതെ ഇറങ്ങിയ കിംഗ്സ് ഇലവൻ പഞ്ചാബ് ഡൽഹി ഡെയർ ഡെവിൾസിനെ വീഴ്ത്തി. നാലു റണ്‍സിനായിരുന്നു പഞ്ചാബിന്‍റെ വിജയം. അവസാന ഓവറിൽ ജയിക്കാൻ ആവശ്യമായിരുന്ന 17 റണ്‍സ് നേടാൻ ക്രീസിലുണ്ടായിരുന്ന ഋഷഭ് പന്തിനു കഴിഞ്ഞില്ല. ജയിക്കാൻ അഞ്ചു റണ്‍സ് ആവശ്യമായിരുന്ന അവസാന പന്തിൽ പന്ത് (57) പുറത്തായി.

പൃഥ്വി ഷാ(22), രാഹുൽ തെവാട്ടിയ (24) എന്നിവർ മാത്രമാണ് ഡൽഹി നിരയിൽ പൊരുതാനെങ്കിലും ശ്രമിച്ചത്. പഞ്ചാബിനായി അങ്കിത് രജ്പുത്, ആൻഡ്രൂ ടൈ, മുജീബ് ഉർ റഹ്മാൻ എന്നിവർ രണ്ടു വിക്കറ്റ് വീതം നേടി. ആദ്യം ബാറ്റു ചെയ്ത പഞ്ചാബ് എട്ടു വിക്കറ്റ് നഷ്ടത്തിൽ 143 റണ്‍സാണ് നേടിയത്. മികച്ച കൂട്ടുകെട്ടുകൾ സൃഷ്ടിക്കാൻ കഴിയാതിരുന്നതാണു പഞ്ചാബിനെ വൻ സ്കോർ നേടുന്നതിൽനിന്നു തടഞ്ഞത്.

34 റണ്‍സ് നേടിയ കരുണ്‍ നായർ കിംഗ്സ് ഇലവൻ ടോപ് സ്കോററായി. കെ.എൽ. രാഹുൽ(23), മായങ്ക് അഗർവാൾ(21), ഡേവിഡ് മില്ലർ(26) എന്നിവർ പഞ്ചാബിനായി ഭേദപ്പെട്ട പ്രകടനം കാഴ്ച വച്ചു. വെറ്ററൻതാരം യുവരാജ് സിംഗിനു 14 റണ്‍സ് മാത്രമാണു നേടാൻ കഴിഞ്ഞത്.ആദ്യമായി ഐപിഎൽ മത്സരത്തിനെത്തിയ ലിയാം പ്ലങ്കറ്റ് ഡൽഹിക്കായി 17 റണ്‍സ് വഴങ്ങി മൂന്നു വിക്കറ്റ് നേടി. ട്രൻറ് ബോൾട്ട്, ആവേശ് ഖാൻ എന്നിവർ രണ്ടും ഡാനിയൽ ക്രിസ്റ്റ്യൻ ഒന്നും വിക്കറ്റ് സ്വന്തമാക്കി.

ഐപിഎൽ പോയിന്‍റ് നില

ടീം, മത്സരം, ജയം, തോൽവി, സമനില, പോയിന്‍റ്

കിംഗ്സ് ഇലവൻ 6 5 1 0 10
സൂപ്പർ കിംഗ്സ് 5 4 1 0 8
നൈറ്റ്‌റൈഡേഴ്സ് 6 3 3 0 6
സൺറൈസേഴ്സ് 5 3 2 0 6
രാജസ്ഥാൻ റോയല്‌സ് 6 3 3 0 6
റോയൽ ചലഞ്ചേഴ്സ് 5 2 3 0 4
മുംബൈ ഇന്ത്യൻസ് 5 1 4 0 2
ഡെയർ ഡെവിൾസ് 6 1 5 0 2

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.