Sports News
ലി​വ​ര്‍പൂ​ള്‍, പോ​ര്‍ട്ടോ പ്രീ​ക്വാ​ര്‍ട്ട​റി​ല്‍
ലി​വ​ര്‍പൂ​ള്‍, പോ​ര്‍ട്ടോ പ്രീ​ക്വാ​ര്‍ട്ട​റി​ല്‍
Thursday, December 7, 2017 2:03 PM IST
ലി​വ​ര്‍പൂ​ള്‍/ മാഡ്രിഡ്: യു​വേ​ഫ ചാ​മ്പ്യ​ന്‍സ് ലീ​ഗ് പ്രീ​ക്വാ​ര്‍ട്ട​റി​ല്‍ ലി​വ​ര്‍പൂ​ള്‍, സെ​വി​യ്യ, ഷാ​ക്ത​ര്‍, പോ​ര്‍ട്ടോ ടീ​മു​ക​ള്‍ പ്ര​വേ​ശി​ച്ചു. നി​ല​വി​ലെ ചാ​മ്പ്യ​ന്മാ​രാ​യ റ​യ​ല്‍ മാ​ഡ്രി​ഡ്, ടോ​ട്ട​നം ഹോ​ട്‌​സ്പ​ര്‍, മാ​ഞ്ച​സ്റ്റ​ര്‍ സി​റ്റി, ബെ​സി​ക്ടാ​സ് നേ​ര​ത്തേ​ന്നെ പ്രീ​ക്വാ​ര്‍ട്ട​ര്‍ ഉ​റ​പ്പി​ച്ചി​രു​ന്നു. ഈ ​ചാ​മ്പ്യ​ന്‍സ് ലീ​ഗ് ഗ്രൂ​പ്പ് ഘ​ട്ട​ത്തി​ലെ ആ​റു മ​ത്സ​ര​ങ്ങ​ളി​ലും ഗോ​ള്‍ നേ​ടു​ന്ന ആ​ദ്യ ക​ളി​ക്കാ​രനെ​ന്ന റി​ക്കാ​ര്‍ഡ് റ​യ​ലി​ന്‍റെ ക്രി​സ്റ്റി​യാ​നോ റൊ​ണാ​ള്‍ഡോ സ്വ​ന്ത​മാ​ക്കി. ലി​വ​ര്‍പൂ​ളി​നു​വേ​ണ്ടി ഫി​ലി​പ്പെ കു​ടി​ഞ്ഞോ ഹാ​ട്രി​ക് നേ​ടി.

ലി​വ​ര്‍പൂ​ളി​ന്‍റെ സ്വ​ന്തം ആ​ന്‍ഫീ​ല്‍ഡ് സ്‌​റ്റേ​ഡി​യ​ത്തി​ല്‍ ബ്ര​സീ​ലി​യ​ന്‍ താ​രം കു​ടി​ഞ്ഞോ​യു​ടെ ഹാ​ട്രി​ക്, സാ​ദി​യ മാ​നെ​യു​ടെ ഇ​ര​ട്ടഗോ​ള്‍ മി​ക​വി​ലും ലി​വ​ര്‍പൂ​ള്‍ എ​തി​രി​ല്ലാ​ത്ത ഏ​ഴു ഗോ​ളി​ന് സ്പാ​ര്‍ട​ക് മോ​സ്‌​കോ​യെ ത​ക​ര്‍ത്തു. ആ​ദ്യപ​കു​തി​യി​ല്‍ത​ന്നെ ലി​വ​ര്‍പൂ​ള്‍ 3-0ന് ​മു​ന്നി​ലെ​ത്തി. ഇ​തി​ല്‍ ര​ണ്ടെ​ണ്ണം കു​ടി​ഞ്ഞോ​യുടേതായിരുന്നു. നാ​ലാം മി​നി​റ്റി​ല്‍ പെ​നാ​ല്‍റ്റി​യി​ലൂ​ടെ​യും 15-ാം മി​നി​റ്റി​ല്‍ ടീം ​ഒ​രു​ക്കി​യ നീ​ക്ക​വു​മാ​ണ് ഗോ​ളി​ല്‍ ക​ലാ​ശി​ച്ച​ത്. ഒ​ര​ണ്ണം റോ​ബ​ര്‍ട്ടോ ഫി​ര്‍മി​നോ (18) വ​ക​യു​മാ​യി​രു​ന്നു. ര​ണ്ടാം പ​കു​തി​യി​ല്‍ ലി​വ​ര്‍പൂ​ള്‍ കൂ​ടു​ത​ല്‍ ഗോ​ള്‍ നേ​ടു​ന്ന​തി​നാ​യി ആ​ക്ര​മ​ണ​മഴി​ച്ചു​വി​ട്ടു. 47-ാം മി​നി​റ്റി​ല്‍ മാ​നെ​യു​ടെ ഗോ​ളി​ല്‍ ലി​വ​ര്‍പൂ​ള്‍ ലീ​ഡ് നാ​ലാ​യി ഉ​യ​ര്‍ന്നു. മൂ​ന്നു മി​നി​റ്റി​ന് ക​ഴി​ഞ്ഞ് കു​ടി​ഞ്ഞോ ഹാ​ട്രി​ക് പൂ​ര്‍ത്തി​യാ​ക്കി. സ്പാ​ര്‍ട​ക് ഡി​ഫ​ന്‍ഡ​ര്‍ അ​ല​ക്‌​സാ​ണ്ട​ര്‍ സെ​ലി​ഖോ​വി​ന്‍റെ ദേ​ഹ​ത്തു​ ത​ട്ടിയാണ് പ​ന്ത് വ​ല​യി​ലെ​ത്തി​യ​ത്. 75-ം മി​നി​റ്റി​ല്‍ ഡാ​നി​യ​ല്‍ സ്റ്റു​റി​ഡ്ജി​ന്‍റെ പാ​സ് ഗോ​ള്‍മു​ഖ​ത്ത്‌​നി​ന്ന മാ​നെ​യെ തേ​ടി​യെ​ത്തി. പ​ന്ത് വ​ല​യി​ലാ​ക്കി മാ​നെ ര​ണ്ടാം ഗോ​ള്‍ തി​ക​ച്ചു. 86-ാം മി​നി​റ്റി​ല്‍ മു​ഹ​മ്മ​ദ് സാ​ല​ഹ് ലി​വ​ര്‍പൂ​ളി​ന്‍റെ ഗോ​ള്‍ പൂ​ര്‍ത്തി​യാ​ക്കി.

ഗ്രൂ​പ്പി​ലെ ര​ണ്ടാം സ്ഥാ​ന​ക്കാ​രാ​യി സെ​വി​യ്യ പ്രീ​ക്വാ​ര്‍ട്ട​റി​ലെ​ത്തി. മാ​രി​ബ​റു​മാ​യി 1-1ന് ​സ​മ​നി​ല പി​ടി​ച്ചാ​ണ് സെ​വി​യ്യ അ​വ​സാ​ന പ​തി​നാ​റി​ലെ​ത്തി​യ​ത്. 10-ാം മി​നി​റ്റി​ല്‍ മാ​രി​ബ​ര്‍ മാ​ര്‍കോ​സ് ടാ​വാ​റെ​സി​ന്‍റെ ഗോ​ളി​ല്‍ മു​ന്നി​ലെ​ത്തി. എ​ന്നാ​ല്‍ 75-ാം മി​നി​റ്റി​ല്‍ ഗാ​ന്‍സോ സ്പാ​നി​ഷ് ക്ല​ബ്ബി​നു സ​മ​നി​ല സ​മ്മാ​നി​ച്ചു.

സി​റ്റി​യു​ടെ ആ​ദ്യ തോ​ല്‍വി

ഗ്രൂ​പ്പ് എ​ഫി​ല്‍ മാ​ഞ്ച​സ്റ്റ​ര്‍ സി​റ്റി​യെ 2-1ന് ​തോ​ല്‍പ്പി​ച്ച് ഷാ​ക്ത​ര്‍ ഡൊ​ണ​റ്റ്‌​സ്‌​ക് പ്രീ​ക്വാ​ര്‍ട്ട​റി​ല്‍. 2017-18 സീ​സ​ണി​ലെ ഇ​തു​വ​രെ​യു​ള്ള മ​ത്സ​ര​ങ്ങ​ളി​ല്‍നി​ന്ന് സി​റ്റി നേ​രി​ട്ട ആ​ദ്യ തോ​ല്‍വി​യാ​ണ്. 20 മ​ത്സ​ര​ങ്ങ​ള്‍ക്കു​ശേ​ഷം സി​റ്റി നേ​രി​ട്ട ആ​ദ്യ തോ​ല്‍വി​യാ​ണ്. മു​ന്‍ ബ്ര​സീ​ലി​യന്‍ ദേ​ശീ​യ താ​രം ബെ​ര്‍ണാ​ഡി​ന്‍റെ മി​ക​ച്ചൊ​രു ഗോ​ളി​ല്‍ 26-ാം മി​നി​റ്റി​ല്‍ ഷാ​ക്ത​ര്‍ മു​ന്നി​ലെ​ത്തി. 32-ാം മി​നി​റ്റി​ല്‍ ബ്ര​സീ​ലി​ന്‍റെ ത​ന്നെ ഇ​സ്മാ​ലി ഷാ​ക്ത​റി​ന്‍റെ ലീ​ഡ് ഉ​യ​ര്‍ത്തി.

90+2-ാം മി​നി​റ്റി​ല്‍ സെ​ര്‍ജി​യോ അ​ഗ്വേ​റോ​യു​ടെ പെ​നാ​ല്‍റ്റി​ലൂ​ടെ​യാ​ണ് സി​റ്റി ഒ​രു ഗോ​ള്‍ നേ​ടി​യ​ത്. മ​ത്സ​ര​ത്തി​ല്‍ തു​ട​ക്കം മു​ത​ലേ ഷാ​ക്ത​ര്‍ ആ​ക്ര​മ​ണ ഫു​ട്‌​ബോ​ളാണ്‍ കാ​ഴ്ച​വ​ച്ച​ത്. ഗ്രൂ​പ്പി​ലെ മ​റ്റൊ​രു മ​ത്സ​ര​ത്തി​ല്‍ ഫെ​യ​നൂ​ര്‍ദ് റോ​ട്ട​ര്‍ഡം 2-1ന് ​പ​രാ​ജ​യ​പ്പെ​ടു​ത്തി.

ഗ്രൂ​പ്പ് ജി​യി​ല്‍ പ​ത്തു​പേ​രു​മാ​യി ക​ളി​ക്കേ​ണ്ടി​വ​ന്ന എ​ഫ്‌​സി പോ​ര്‍ട്ടോ 5-2ന് ​ക​ഴി​ഞ്ഞ ത​വ​ണ സെ​മി​യി​ലെ​ത്തി​യ മോ​ണ​ക്കോ​യെ ത​ക​ര്‍ത്തു. ആ​ദ്യ പ​കു​തി​യി​ല്‍ വി​ന്‍സ​ന്‍റ് അ​ബൂബ​ക്ക​ര്‍ നേ​ടി​യ ഇ​ര​ട്ട ഗോ​ള്‍ പോ​ര്‍ട്ടോ​യ്ക്ക് പ്രീ​ക്വാ​ര്‍ട്ട​ര്‍ ഉ​റ​പ്പാ​ക്കി. 38-ാം മി​നി​റ്റി​ല്‍ പ​ര​സ്പ​രം കാ​യി​ക​മാ​യി ഏ​റ്റു​മു​ട്ടി​യ​തി​ന് പോ​ര്‍ട്ടോ ഡി​ഫ​ന്‍ഡ​ര്‍ ഫി​ലി​പ്പെ​യും മോ​ണ​ക്കോ​യു​ടെ റാ​ച്ചി​ഡ് ഖെ​സ​ലും ചു​വ​പ്പ് കാ​ര്‍ഡ് ക​ണ്ടു. 45-ാം മി​നി​റ്റി​ല്‍ യാ​സി​ന്‍ ബ്രാ​ഹി​മി പോ​ര്‍ട്ടോ​യു​ടെ ലീ​ഡ് ഉ​യ​ര്‍ത്തി. ര​ണ്ടാം പ​കു​തി​യി​ല്‍ അ​ല​ക്‌​സ് ടെ​ലാ​സ് (65), ടി​ക്വി​നോ സോ​റ​സ് (88) എ​ന്നി​വ​രും ഗോ​ള്‍ നേടി. കാ​മി​ല്‍ ഗ്ലി​ക് (61 പെ​നാ​ല്‍റ്റി), റ​ഡ​മേ​ല്‍ ഫാ​ല്‍ക്കോ​വ (78) എ​ന്നി​വ​രാ​ണ് മോ​ണ​ക്കോ​യു​ടെ ഗോ​ള്‍ സ്‌​കോ​റ​ര്‍മാ​ര്‍. പോ​ര്‍ട്ടോ​യു​ടെ ജ​യ​ത്തോ​ടെ ലീ​പ്‌​സി​ഗ് പു​റ​ത്താ​യി. പ​ത്തു​പേ​രു​മാ​യി ക​ളി​ച്ച ലീ​പ്‌​സി​ഗ് 2-1ന് ​പ്രീ​ക്വാ​ര്‍ട്ട​റി​ലേ​ക്കു ക​ട​ന്ന ബെ​സി​ക്ടാ​സി​നോ​ടു തോ​റ്റു.

റി​ക്കാ​ര്‍ഡ് കു​റി​ച്ച് റൊ​ണാ​ള്‍ഡോ

ഗ്രൂ​പ്പ് ഘ​ട്ട​ത്തി​ല ആ​റു ക​ളി​യി​ലും ഗോ​ള്‍നേ​ടു​ന്ന ആ​ദ്യതാ​ര​മെ​ന്ന അ​പൂ​ര്‍വ റി​ക്കാ​ര്‍ഡ് റ​യ​ലി​ന്‍റെ ക്രി​സ്റ്റ്യാ​നോ റൊ​ണാ​ള്‍ഡോ സ്വ​ന്ത​മാ​ക്കി. ഗ്രൂ​പ്പ് എ​ച്ചി​ലെ മ​ത്സ​ര​ത്തി​ല്‍ റ​യ​ല്‍ 3-2ന് ​ബൊ​റൂ​സി​യ ഡോ​ര്‍ട്ട്മു​ണ്ടി​നെ കീ​ഴ​ട​ക്കി. ടൂ​ര്‍ണ​മെ​ന്‍റി​ലെ ആ​ദ്യ ഗോ​ള്‍ നേ​ടി​യ ബോ​ര്‍ഹ മ​യ്യോ​റ​ല്‍ റ​യ​ലി​നെ എ​ട്ടാം മി​നി​റ്റി​ല്‍ മു​ന്നി​ലെ​ത്തി​ച്ചു. നാ​ലു മി​നി​റ്റ് ക​ഴി​ഞ്ഞ് റൊ​ണാ​ള്‍ഡോ ഗോ​ള്‍ ക​ണ്ടെ​ത്തി​യ​തോ​ടെ പു​തി​യ റി​ക്കാ​ര്‍ഡും പി​റ​ന്നു. ഈ ​ചാ​മ്പ്യ​ന്‍സ് ലീ​ഗ് സീ​സ​ണി​ല്‍ റൊ​ണാ​ള്‍ഡോ​യു​ടെ ഒ​മ്പ​താം ഗോ​ളാ​യി​രു​ന്നു.

ഇ​ട​വേ​ള​യ്ക്കു പി​രി​യു​ന്ന​തി​ന് ര​ണ്ടു മി​നി​റ്റ് മു​മ്പ് പി​യ​റി എ​മ​റി​ക് ഔ​ബ​മെ​യാം​ഗ് ഒ​രു ഗോ​ള്‍ തി​രി​ച്ച​ടി​ച്ചു. ര​ണ്ടാം പ​കു​തി തു​ട​ങ്ങി മൂ​ന്നു മി​നി​റ്റാ​യ​പ്പോ​ള്‍ ഗാ​ബ​ണ്‍ ദേ​ശീ​യ​താ​രം ര​ണ്ടാം ത​വ​ണ​യും റ​യ​ലി​ന്‍റെ വ​ല കു​ലു​ക്കി. 81-ാം മി​നി​റ്റി​ല്‍ ലൂ​കാ​സ് വാ​സ്‌​ക്വ​സി​ന്‍റെ ഗോ​ളി​ല്‍ റ​യ​ല്‍ വി​ജ​യം ഉ​റ​പ്പി​ച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.