പൂജ്യം ചതിച്ചു, പെയ്സിന്‍റെ മുൻ ഭാര്യക്കു നഷ്ടപ്പെട്ടത് 90 ലക്ഷം രൂപ!
Wednesday, September 13, 2017 12:09 PM IST
മും​ബൈ: പൂ​ജ്യ​ത്തി​നു വി​ല​യി​ല്ലെ​ന്നു മ​റ്റാ​രോ​ടു പ​റ​ഞ്ഞാ​ലും ലിയാൻഡർ പെയ്സിന്‍റെ മുൻ ഭാര്യ റി​യ പി​ള്ള​യോ​ടു പ​റ​യ​രു​ത്. കാ​ര​ണം വ​ര്‍ഷ​ങ്ങ​ളു​ടെ നി​യ​മ​പോ​രാ​ട്ട​ത്തി​നു​ശേ​ഷം കോ​ട​തി​യി​ല്‍ പൂ​ജ്യം ഒ​ഴി​വാ​യ​പ്പോ​ള്‍ റി​യ പി​ള്ള​യ്ക്കു ന​ഷ്ട​പ്പെ​ട്ട​ത് 90 ല​ക്ഷം രൂ​പ​യാ​ണ്.

സം​ഭ​വം ഇ​ങ്ങ​നെ: ദാ​ന്പ​ത്യ​പ്ര​ശ്‌​ന​ങ്ങ​ളെ​ത്തു​ട​ന്ന് ടെ​ന്നീ​സ് താ​രം ലി​യാ​ന്‍ഡ​ര്‍ പെയ്​സു​മാ​യു​ള്ള ബ​ന്ധം വേ​ര്‍പി​രി​ഞ്ഞ റി​യ പി​ള്ള 2014ല്‍ ​ഒ​രു കോ​ടി രൂ​പ ന​ഷ്ട​പ​രി​ഹാ​രം ആ​വ​ശ്യ​പ്പെ​ട്ട് കോ​ട​തി​യി​ല്‍ ഹ​ര്‍ജി ന​ല്‍കി​യി​രു​ന്നു. പീ​ഡ​ന​ത്തി​ന് ഒ​രു കോ​ടി രൂ​പ ന​ഷ്ട​പ​രി​ഹാ​രം ന​ല്‍ക​ണ​മെ​ന്ന് ആ​വ​ശ്യ​പ്പെ​ട്ടാ​യി​രു​ന്നു ഇ​വ​ര്‍ ഹ​ര്‍ജി സ​മ​ര്‍പ്പി​ച്ച​ത്. അ​തു​വ​രെ എ​ല്ലാം ക​റ​ക്ടാ​യി​രു​ന്നു. പ​ക്ഷേ, റി​യ കേ​സ് ഏ​ല്‍പ്പി​ച്ച വ​ക്കീ​ല്‍മാ​ര്‍ക്കു വ​ന്‍ പി​ഴ​വു പ​റ്റി. ഒ​രു കോ​ടി രൂ​പ എ​ന്നെ​ഴു​തി​യ​പ്പോ​ള്‍ ഒ​രു പൂ​ജ്യം ചേ​ര്‍ക്കാ​ന്‍ വ​ക്കീ​ല്‍ മ​റ​ന്നു പോ​യി. ഇ​തോ​ടെ തു​ക വെ​റും പ​ത്തു​ ല​ക്ഷ​മാ​യി.

ഹ​ര്‍ജി​യി​ല്‍ ക​ഴി​ഞ്ഞ​ദി​വ​സം വാ​ദം കേ​ട്ട​പ്പോ​ള്‍ ന​ഷ്ട​പ​രി​ഹാ​രം വെ​റും 10 ല​ക്ഷം ആ​യി ചു​രു​ങ്ങി​യ​തു​ക​ണ്ട് റി​യ​യും അ​ഭി​ഭാ​ഷ​ക​രും ഞെ​ട്ടി. ഉ​ട​ന്‍ത​ന്നെ അ​ഭി​ഭാ​ഷ​ക​രാ​യ ഗു​ഞ്ജ​ന്‍ മം​ഗ​ള​യും അം​ന ഉ​സ്മാ​നും ആ​വ​ശ്യ​പ്പെ​ട്ട തു​ക​യി​ല്‍ ഒ​രു പൂ​ജ്യം എ​ഴു​താ​ന്‍ മ​റ​ന്നു പോ​യ​താ​യി ജ​ഡ്ജി മ​ഹേ​ഷ് ജ​ത്‌മ​ലാ​നി​യോ​ട് ബോ​ധി​പ്പി​ച്ചു. കോ​ട​തി​യു​ടെ അ​ന്വേ​ഷ​ണ​ത്തി​ല്‍ റി​യ പി​ള്ള​യ്ക്ക് ഒ​രു കോ​ടി​യു​ടെ ന​ഷ്ട​പ​രി​ഹാ​രം ക​ണ​ക്കാ​ക്കി​യി​രു​ന്നു. എ​ന്താ​യാ​ലും ഒ​രു പൂ​ജ്യം എ​ഴു​തി ചേ​ര്‍ക്കാ​ന്‍ വി​ട്ടു​പോ​യ​താ​ണെ​ന്ന് കാ​ട്ടി അ​ഭി​ഭാ​ഷ​ക​ര്‍ ബാ​ന്ദ്ര മ​ജി​സ്‌​ട്രേ​റ്റ് കോ​ട​തി​യെ സ​മീ​പി​ച്ചി​ട്ടു​ണ്ട്.


കു​ട്ടി​യു​ടെ ആ​വ​ശ്യ​ങ്ങ​ള്‍ സാ​ധി​ച്ചു കൊ​ടു​ക്കു​ന്ന​തി​ല്‍ പെയ്സ് പ​രാ​ജ​യ​പ്പെ​ട്ടു​വെ​ന്നു ചൂ​ണ്ടി​ക്കാ​ട്ടി​യാ​ണ് റി​യ ഹ​ര്‍ജി ന​ല്‍കി​യി​രി​ക്കു​ന്ന​ത്. 2010ല്‍ ​സ്‌​കൂ​ളി​ല്‍ ചേ​ര്‍ത്ത കു​ട്ടി​യു​ടെ ഫീ​സും കാ​ര്യ​ങ്ങ​ളും 2013 മു​ത​ലാ​ണ് പെയ്​സ് വ​ഹി​ച്ചു തു​ട​ങ്ങി​യ​തെ​ന്നും ജ​നി​ച്ച​പ്പോ​ള്‍ മു​ത​ല്‍ അ​തു​വ​രെ​യു​ള്ള കു​ട്ടി​യു​ടെ ചി​ല​വു​ക​ള്‍ താ​ന്‍ ഒ​റ്റ​യ്ക്കാ​ണു വ​ഹി​ച്ച​തെ​ന്നും ഇ​വ​ര്‍ പ​റ​യു​ന്നു. കു​ട്ടി​യെ മാ​ന​സി​ക​മാ​യും സാ​ന്പ​ത്തി​ക​മാ​യും പി​ന്തു​ണ​യ്ക്കാ​ന്‍ പെയ്സ് പ​രാ​ജ​യ​പ്പെ​ട്ടു​വ​ന്നും ഇ​വ​ര്‍ ആ​രോ​പി​ക്കു​ന്നു. ഓ​രോ മാ​സ​വും ത​നി​ക്കും മ​ക​ള്‍ക്കും 2.62 ല​ക്ഷം വീ​തം ന​ല്‍ക​ണ​മെ​ന്നാ​യി​രു​ന്നു ഹ​ര്‍ജി​യി​ല്‍ റി​യ ആ​വ​ശ്യ​പ്പെ​ട്ട​ത്. മാ​ത്ര​മ​ല്ല ടൊ​യോ​ട്ട ഇ​ന്നോ​വ, ടൊ​യോ​ട്ട കൊ​റോ​ള ആ​ള്‍ട്ടി​സ്, ഹോ​ണ്ട സി​റ്റി തു​ട​ങ്ങി​യ കാ​റു​ക​ളി​ല്‍ ഒ​ന്നും പേ​സി​ല്‍നി​ന്ന് ഇ​വ​ര്‍ ആ​വ​ശ്യ​പ്പെ​ടു​ന്നു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.