ബുള്ളറ്റ് റാഫ
Saturday, September 9, 2017 11:30 AM IST
ന്യൂ​യോ​ര്‍ക്ക്: സീ​സ​ണി​ലെ അ​വ​സാ​ന ഗ്രാ​ന്‍സ്്‌​ലാം സ്വ​ന്ത​മാ​ക്കാ​നു​റ​ച്ച് സ്‌​പെ​യി​നി​ന്‍റെ റാ​ഫേ​ല്‍ ന​ദാ​ല്‍. സ്വി​റ്റി​സ​ര്‍ല​ന്‍ഡി​ന്‍റെ ഇ​തി​ഹാ​സ താ​രം റോ​ജ​ര്‍ ഫെ​ഡ​റ​റെ ത​ക​ര്‍ത്ത​തി​ന്‍റെ ആ​ത്മ​വി​ശ്വാ​സ​വു​മാ​യെ​ത്തി​യ അ​ര്‍ജ​ന്‍റീ​ന​യു​ടെ യു​വാ​ന്‍ മാ​ര്‍ട്ടി​ന്‍ ഡെ​ല്‍ പോ​ട്രോ​യെ ത​ക​ര്‍ത്ത് ന​ദാ​ല്‍ യു​എ​സ് ഓ​പ്പ​ണ്‍ ഫൈ​ന​ലി​ല്‍. ഒ​ന്നി​നെ​തി​രേ മൂ​ന്നു സെ​റ്റു​ക​ള്‍ക്കാ​യി​രു​ന്നു ന​ദാ​ലി​ന്‍റെ വി​ജ​യം. സ്‌​കോ​ര്‍: 4-6, 6-0, 6-3, 6-2. ഫൈ​ന​ലി​ല്‍ ദ​ക്ഷി​ണാ​ഫ്രി​ക്ക​യു​ടെ ആ​റ​ടി എ​ട്ടി​ഞ്ചു​കാ​ര​ന്‍ കെ​വി​ന്‍ ആ​ന്‍ഡേ​ഴ്‌​സ​ണാ​ണ് ന​ദാ​ലി​ന്‍റെ എ​തി​രാ​ളി. ക​രി​യ​റി​ല്‍ ആ​ദ്യ​മാ​യി ഒ​രു ഗ്രാ​ന്‍സ്്‌​ലാം ഫൈ​ന​ലി​ലെ​ത്തി​യ ആ​ന്‍ഡേ​ഴ്‌​സ​ണ്‍ സെ​മി​യി​ല്‍ സ്‌​പെ​യി​നി​ന്‍റെ പാ​ബ്ലോ ക​റേ​നോ ബു​സ്ത​യെ പ​രാ​ജ​യ​പ്പെ​ടു​ത്തി. സ്‌​കോ​ര്‍: 4-6, 7-5, 6-3, 6-4.

പ​വ​ര്‍ഫു​ള്‍ ന​ദാ​ല്‍

എ​ട്ടു വ​ര്‍ഷം മു​മ്പ് ഇ​തേ വേ​ദി​യി​ല്‍ സെ​മി ഫൈ​ന​ലി​ല്‍ ഡെ​ല്‍ പോ​ട്രോ​യോ​ട് പ​രാ​ജ​യ​പ്പെ​ട്ട ന​ദാ​ലി​നെ​യ​ല്ല ക​ഴി​ഞ്ഞ ദി​വ​സം ഫ്ള​ഷിം​ഗ് മെ​ഡോ​സി​ല്‍ ക​ണ്ട​ത്. ആ​ദ്യ​സെ​റ്റി​ല്‍ മാ​ത്ര​മാ​ണ് ന​ദാ​ലി​ന് അ​ല്പം പി​ഴ​ച്ച​ത്. തു​ല്യ ശ​ക്തി​ക​ളു​ടെ പോ​രാ​ട്ടം ക​ണ്ട സെ​റ്റി​ല്‍ ഭാ​ഗ്യം അ​ര്‍ജ​ന്‍റൈ​ന്‍ താ​ര​ത്തി​നൊ​പ്പം നി​ന്നു. ക്രോ​സ് കോ​ര്‍ട്ട് പോ​രാ​ട്ട​ത്തി​ലെ മേ​ല്‍ക്കോ​യ്മ​യാ​ണ് ആ​ദ്യ സെ​റ്റ് സ്വ​ന്ത​മാ​ക്കാ​ന്‍ ഡെ​ല്‍പോ​ട്രോ​യ്ക്ക് തുണയായത്. എ​ന്നാ​ല്‍, ര​ണ്ടാം സെ​റ്റി​ല്‍ ക​ഥ മാ​റി. എ​ങ്ങ​നെ​യാ​ണ് എ​തി​രാ​ളി​യു​ടെ മാ​ന​സി​ക മു​ന്‍തൂ​ക്കം ഇ​ല്ലാ​യ്മ ചെ​യ്യുന്ന​തെ​ന്ന് കാ​ണി​ക്കു​ക​യാ​യി​രു​ന്നു ന​ദാ​ല്‍. തു​ട​ര്‍ച്ച​യാ​യ വി​ന്നേ​ഴ്‌​സു​ക​ള്‍ പാ​യി​ച്ച ന​ദാ​ല്‍ ഡെ​ല്‍ പോ​ട്രോ​യ്ക്കു മേ​ല്‍ വ്യ​ക്ത​മാ​യ ആ​ധി​പ​ത്യം സ്ഥാ​പി​ച്ചു. തു​ട​ര്‍ച്ച​യാ​യി ഒ​മ്പ​തു ഗെ​യി​മു​ക​ള്‍ നേ​ടി 6-0നു ​ര​ണ്ടാം സെ​റ്റു​ നേ​ടി​യ ന​ദാ​ല്‍, വ​രാ​നി​രി​ക്കു​ന്ന​തെ​ന്തെ​ന്ന് ഡെ​ല്‍ പോ​ട്രോ​യെ മ​ന​സി​ലാ​ക്കു​ക​യാ​യി​രു​ന്നു. മൂ​ന്നാം സെ​റ്റി​ല്‍ ഡെ​ല്‍ പോ​ട്രോ​യ്ക്കു വി​ന​യാ​യ​ത് അ​വി​ചാ​രി​ത​മാ​യി സം​ഭ​വി​ക്കു​ന്ന പി​ഴ​വു​ക​ളാ​യി​രു​ന്നു. ന​ദാ​ലി​ന്‍റെ പ​വ​ര്‍ പാ​ക്ഡ് ഫോ​ര്‍ഹാ​ന്‍ഡ് ഷോ​ട്ടു​ക​ള്‍ക്കു മ​റു​പ​ടി ന​ല്‍കാ​നാ​വാ​തെ വി​ഷ​മി​ച്ച​തോ​ടെ മൂ​ന്നും നാ​ലും സെ​റ്റു​ക​ള്‍ ന​ദാ​ലി​ന്. മ​ത്സ​ര​ത്തി​ല്‍ 45 വി​ന്ന​റു​ക​ളാ​ണ് ന​ദാ​ല്‍ പാ​യി​ച്ച​ത്. ഡെ​ല്‍ പോ​ട്രോ​യാ​ക​ട്ടെ, 23 മാ​ത്രം. അനാവശ്യ പി​ഴ​വു​ക​ളാ​ക​ട്ടെ, ഡെ​ല്‍ പോ​ട്രോ​യ്ക്ക് 40ഉം ​ന​ദാ​ലി​ന് 20ഉം. 2010​ലും 2013ലും ​ഇ​വി​ടെ ചാ​മ്പ്യ​നാ​യ ലോ​ക ഒ​ന്നാം ന​മ്പ​ര്‍ താ​രം ന​ദാ​ല്‍ ത​ന്‍റെ 16-ാം ഗ്രാ​ന്‍സ്്‌​ലാ​മാ​ണ് ഉ​റ്റു​നോ​ക്കു​ന്ന​ത്.


ക​രി​യ​റി​ലെ ആ​ദ്യ​ഗ്രാ​ന്‍സ്്‌​ലാ​മി​ല്‍ മു​ത്ത​മി​ടാ​നൊ​രു​ങ്ങു​ന്ന ആ​ന്‍ഡേ​ഴ്‌​സ​ണ്‍ ബു​സ്ത​യെ പ​രാ​ജ​യ​പ്പെ​ടു​ത്തി​യ​ത് അ​ത്ര അ​നാ​യാ​സ​മാ​യി​ട്ടി​ല്ല. ആ​ദ്യ സെ​റ്റ്് ന​ഷ്ട​പ്പെ​ട്ട ശേ​ഷം ശ​ക്ത​മാ​യി തി​രി​ച്ചു​വ​ന്ന ആ​ന്‍ഡേ​ഴ്‌​സ​ണ്‍ എ​തി​രാ​ളി​യെ നി​ഷ്പ്ര​ഭ​നാ​ക്കി മു​ന്നേ​റി. 1973നു ​ശേ​ഷം ആ​ദ്യ​മാ​യാ​ണ് ഒ​രു ദ​ക്ഷി​ണാ​ഫ്രി​ക്ക​ന്‍ താ​രം യു​എ​സ് ഓ​പ്പ​ണ്‍ ഫൈ​ന​ലി​ലെ​ത്തു​ന്ന​ത്. ന​ദാ​ലും ആ​ന്‍ഡേ​ഴ്‌​സ​ണും ഇ​തി​നു മു​മ്പ് നാ​ലു ത​വ​ണ ഏ​റ്റു​മു​ട്ടി​യ​പ്പോ​ഴും വി​ജ​യം ന​ദാ​ലി​നൊ​പ്പ​മാ​യി​രു​ന്നു.

സാനിയ സഖ്യം സെമിയില്‍ തോറ്റു

ന്യൂ​യോ​ര്‍ക്ക്: യു​എ​സ് ഓ​പ്പ​ണ്‍ വ​നി​താ ഡ​ബി​ള്‍സി​ല്‍ ഇ​ന്ത്യ​യു​ടെ സാ​നി​യ മി​ര്‍സ - ചൈ​ന​യു​ടെ ഷു​വാ​യി പെം​ഗ് സ​ഖ്യം സെ​മി​യി​ല്‍ തോ​റ്റു പു​റ​ത്താ​യി. സാ​നി​യ​യു​ടെ മു​ന്‍ കൂ​ട്ടു​കാ​രി സ്വി​റ്റ്‌​സ​ര്‍ല​ൻ‍ഡി​ന്‍റെ മാ​ര്‍ട്ടി​ന ഹിം​ഗി​സ് - ചൈ​നീ​സ് താ​യ്‌​പേ​യി​യു​ടെ യം​ഗ് ജാ​ന്‍ ചാ​ന്‍ സ​ഖ്യം നേ​രി​ട്ടു​ള്ള സെ​റ്റു​ക​ള്‍ക്ക് സാ​നി​യ സ​ഖ്യ​ത്തെ പ​രാ​ജ​യ​പ്പെ​ടു​ത്തു​ക​യാ​യി​രു​ന്നു. സ്‌​കോ​ര്‍: 6-4, 6-4. ആ​ദ്യ സെ​റ്റി​ല്‍ 3-0ന്‍റെ ​ലീ​ഡ് നേ​ടി​യ ശേ​ഷ​മാ​യി​രു​ന്നു സാ​നി​യ സ​ഖ്യ​ത്തി​ന്‍റെ പ​രാ​ജ​യം. ര​ണ്ടാം സെ​റ്റി​ലും തു​ട​ക്ക​ത്തി​ല്‍ മു​ന്‍തൂ​ക്കം നേ​ടി​യ ശേ​ഷം തോൽവി വ​ഴ​ങ്ങു​ക​യാ​യി​രു​ന്നു. 3-1ന്‍റെ ​ലീ​ഡ് ര​ണ്ടാം സെ​റ്റി​ല്‍ സാ​നി​യ സ​ഖ്യം നേ​ടി. യു​എ​സ് ഓ​പ്പ​ണി​ല്‍ ഇ​ന്ത്യ​യു​ടെ പ്ര​തീ​ക്ഷ​ക​ള്‍ സാ​നി​യ​യു​ടെ പ​രാ​ജ​യ​ത്തോ​ടെ അ​വ​സാ​നി​ച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.