Sports News
കേരളത്തിനു ട്രി​പ്പി​ള്‍ ഹാ​ട്രി​ക്
കേരളത്തിനു ട്രി​പ്പി​ള്‍ ഹാ​ട്രി​ക്
Tuesday, July 18, 2017 12:05 PM IST
ഗു​ണ്ടൂ​ര്‍: അ​ന്ത​ര്‍ സം​സ്ഥാ​ന സീ​നി​യ​ര്‍ അ​ത്‌​ല​റ്റി​ക് ചാ​മ്പ്യ​ന്‍ഷി​പ്പി​ല്‍ കേ​ര​ള​ത്തി​നു ട്രി​പ്പി​ള്‍ ഹാ​ട്രി​ക്. അ​മ്പ​ത്തി​യേ​ഴാ​മ​ത് ദേ​ശീ​യ അ​ന്ത​ര്‍ സം​സ്ഥാ​ന അ​ത്ല​റ്റി​ക്സ് ചാ​മ്പ്യ​ന്‍ഷി​പ്പി​ല്‍ തു​ട​ര്‍ച്ച​യാ​യ ഒ​മ്പ​താം ത​വ​ണ​യും കേ​ര​ളം ഓ​വ​റോ​ള്‍ കി​രീ​ടം നി​ല​നി​ര്‍ത്തി. 159 പോ​യി​ന്‍റു​മാ​യാ​ണ് കേ​ര​ളം കി​രീ​ടം നി​ല​നി​ര്‍ത്തി​യ​ത്. ക​ഴി​ഞ്ഞ ത​വ​ണ 164 പോ​യി​ന്‍റ് നേ​ടി​യ കേ​ര​ള​ത്തി​ന് ഇ​ത്ത​വ​ണ അ​ഞ്ച് പോ​യി​ന്‍റി​ന്‍റെ കു​റ​വു​ണ്ടാ​യി.

110 പോ​യി​ന്‍റു​മാ​യി ത​മി​ഴ്നാ​ട് ര​ണ്ടാ​മ​തും 101.5 പോ​യി​ന്‍റു​മാ​യി ഹ​രി​യാ​ന മൂ​ന്നാ​മ​തും എ​ത്തി. പു​രു​ഷ വി​ഭാ​ഗ​ത്തി​ല്‍ 79.5 പോ​യി​ന്‍റു​മാ​യി ഹ​രി​യാ​ന​യാ​ണ് ഒ​ന്നാ​മ​ത്. 65 പോ​യി​ന്‍റു​മാ​യി ത​മി​ഴ്നാ​ട് ര​ണ്ടാ​മ​തും 54 പോ​യി​ന്‍റു​മാ​യി കേ​ര​ളം മൂ​ന്നാ​മ​തു​മെ​ത്തി. വ​നി​താ വി​ഭാ​ഗ​ത്തി​ല്‍ കേ​ര​ളം ഒ​ന്നാ​മ​താ​ണ്, 105 പോ​യി​ന്‍റ്. 56 പോ​യി​ന്‍റു​മാ​യി ഉ​ത്ത​ര്‍പ്ര​ദേ​ശ് ര​ണ്ടാ​മ​തും 55 പോ​യി​ന്‍റു​മാ​യി പ​ശ്ചി​മ ബം​ഗാ​ള്‍ ര​ണ്ടാ​മ​തും.

മീ​റ്റി​ന്‍റെ അ​വ​സാ​ന ദി​ന​മാ​യ ഇ​ന്ന​ലെ കേ​ര​ളം നാ​ലു സ്വ​ര്‍ണ​വും അ​ഞ്ചു വെ​ള്ളി​യും ഒ​രു വെ​ങ്ക​ല​വും നേ​ടി. ഇ​തോ​ടെ ചാ​മ്പ്യ​ന്‍ഷി​പ്പി​ലെ ആ​കെ നേ​ട്ടം 11 സ്വ​ര്‍ണവും ഏ​ഴു വെ​ള്ളി​യും മൂ​ന്ന് വെ​ങ്ക​ല​വു​മാ​യി.

മെ​ര്‍ലി​ന്‍ വേ​ഗ​റാ​ണി

സ്പ്രി​ന്‍റി​ല്‍ കേ​ര​ള​ത്തി​ന്‍റെ മെ​ര്‍ലി​ന്‍ ജോ​സ​ഫും ത​മി​ഴ്നാ​ടി​ന്‍റെ ഏ​ല​ക്യ​ദാ​സ​നും അ​തി​വേ​ഗ​ക്കാ​ര്‍. 100 മീ​റ്റ​റി​ന്‍റെ അ​തി​വേ​ഗ​പ്പോ​രി​ല്‍ എ​തി​രാ​ളി​ക​ളെ 11.65 സെ​ക്ക​ന്‍ഡി​ലാ​യി​രു​ന്നു മെ​ര്‍ലി​ന്‍റെ സ്വ​ര്‍ണ വേ​ട്ട. പ​ശ്ചി​മ​ബം​ഗാ​ളി​ന്‍റെ ഹി​മ​ശ്രീ റോ​യി (12.07) വെ​ള്ളി​യും ത​മി​ഴ്നാ​ടി​ന്‍റെ ച​ന്ദ്ര​ലേ​ഖ (12.23) വെ​ങ്ക​ല​വും നേ​ടി. കേ​ര​ള​ത്തി​ന്‍റെ മ​റ്റൊ​രു താ​രം ര​മ്യ രാ​ജ​ന് എ​ട്ടാം സ്ഥാ​ന​ത്ത് എ​ത്താ​നേ ക​ഴി​ഞ്ഞു​ള്ളൂ. 100 മീ​റ്റ​റി​ലെ സൂ​പ്പ​ര്‍ താ​ര​ങ്ങ​ളാ​യ ദ്യു​തി ച​ന്ദും ശ്ര​ബാ​നി ന​ന്ദ​യും മീ​റ്റി​ല്‍ പ​ങ്കെ​ടു​ത്തി​ല്ല. പു​രു​ഷ വി​ഭാ​ഗം 100 മീ​റ്റ​റി​ല്‍ 10.56 സെ​ക്ക​ന്‍ഡി​ല്‍ ഫി​നി​ഷ് ചെ​യ്താ​ണ് ഏ​ല​ക്യ​ദാ​സ​ന്‍ വേ​ഗ​താ​ര​മാ​യ​ത്. കേ​ര​ള​ത്തി​ന്‍റെ അ​നു​രൂ​പ് ജോ​ണ്‍( 10.72) വെ​ള്ളി നേ​ടി. തെ​ലു​ങ്കാ​ന​യു​ടെ സി.​എ​ച്ച്. സു​ധാ​ക​ര്‍ 10.72 സെ​ക്ക​ന്‍ഡി​ല്‍ ഫി​നി​ഷ ്ചെ​യ്തെ​ങ്കി​ലും ഫോ​ട്ടോ​ഫി​നി​ഷി​ല്‍ വെ​ങ്ക​ല​ത്തി​ലേ​ക്ക് ചു​രു​ങ്ങി.

400-ല്‍ അ​നി​ല്‍ഡ​യും അ​നു​വും

400 മീറ്ററിൽ‍ അ​നി​ല്‍ഡ തോ​മ​സ് കേ​ര​ള​ത്തി​ന് സ്വ​ര്‍ണ​വും അ​നു​രാ​ഘ​വ​ന്‍ വെ​ങ്ക​ല​വും സ​മ്മാ​നി​ച്ച​പ്പോ​ള്‍ പു​രു​ഷ വി​ഭാ​ഗ​ത്തി​ല്‍ നി​രാ​ശ. 53.20 സെ​ക്ക​ന്‍ഡി​ല്‍ അ​നി​ല്‍ഡ 400 മീ​റ്റ​ര്‍ പൂ​ര്‍ത്തി​യാ​ക്കി. അ​നു​രാ​ഘ​വ​ന്‍ 53.68 സെ​ക്ക​ന്‍ഡി​ല്‍ ഫി​നി​ഷ് ചെ​യ്ത് വെ​ങ്ക​ലം നേ​ടി. ഒ​ഡി​ഷ​യു​ടെ ജു​വാ​ന മു​ര്‍മു​വി​നാ​ണ് (53.52) വെ​ള്ളി. പു​രു​ഷ​ന്‍മാ​രു​ടെ 400 മീ​റ്റ​റി​ല്‍ മ​ല​യാ​ളി താ​ര​ങ്ങ​ള്‍ ത​ന്നെ​യാ​ണ് ആ​ദ്യ ര​ണ്ടു സ്ഥാ​ന​ങ്ങ​ളി​ല്‍ ഫി​നി​ഷ് ചെ​യ്ത​ത്. അ​മോ​ജ് ജേ​ക്ക​ബ് ഡ​ല്‍ഹി​ക്കാ​യി 46.50 സെ​ക്ക​ന്‍ഡി​ല്‍ സ്വ​ര്‍ണ​വും അ​ത്‌​ല​റ്റി​ക് ഫെ​ഡ​റേ​ഷ​ന്‍ ഓ​ഫ് ഇ​ന്ത്യ​യു​ടെ ജേ​ഴ്സി​യി​ലി​റ​ങ്ങി​യ കു​ഞ്ഞു​മു​ഹ​മ്മ​ദ് വെ​ള്ളി​യും (46.71) നേ​ടി. ത​മി​ഴ്നാ​ടി​ന്‍റെ മോ​ഹ​ന്‍മാ​ര്‍ (46.73) വെ​ങ്ക​ലം നേ​ടി. കേ​ര​ള​ത്തി​നാ​യി ട്രാ​ക്കി​ലി​റ​ങ്ങി​യ സ​ച്ചി​ന്‍ റോ​ബി ഏ​ഴാം സ്ഥാ​ന​ത്തേ​ക്ക് പി​ന്ത​ള്ള​പ്പെ​ട്ടു.


സ്വ​ര്‍ണ​മി​ല്ലാ​തെ ജി​ന്‍സ​ണും ചി​ത്ര​യും

1500 മീ​റ്റ​റി​ല്‍ സ്വ​ര്‍ണം കൈ​വി​ട്ടു പി.​യു. ചി​ത്ര​യും ജി​ന്‍സ​ണ്‍ ജോ​ണ്‍സ​ണും. പു​രു​ഷ​ന്‍മാ​രു​ടെ 1500 മീ​റ്റ​റി​ല്‍ 3:45.88 എ​ന്ന സ​മ​യ​ത്ത് ഫി​നി​ഷ് ചെ​യ്ത ഉ​ത്ത​ര്‍പ്ര​ദേ​ശി​ന്‍റെ അ​ജ​യ്കു​മാ​ര്‍ സ​രോ​ജി​നാ​ണ് സ്വ​ര്‍ണം. കേ​ര​ള​ത്തി​ന്‍റെ ജി​ന്‍സ​ണ്‍ ജോ​ണ്‍സ​ണ് (3:46.30) വെ​ള്ളി നേ​ടാ​നെ ക​ഴി​ഞ്ഞു​ള്ളൂ. ഹ​രി​യാ​ന​യു​ടെ മ​ഞ്ജി​ത് സിം​ഗ് (3:49.30) വെ​ങ്ക​ലം നേ​ടി. വ​നി​ത​ക​ളു​ടെ പോ​രി​ല്‍ ഏ​ഷ്യ​ന്‍ ചാ​മ്പ്യ​ന്‍ പി.​യു. ചി​ത്ര​യെ അ​ട്ടി​മ​റി​ച്ച് പ​ശ്ചി​മ​ബം​ഗാ​ളി​ന്‍റെ ലി​ലി ദാ​സ് (4:28.00) സ്വ​ര്‍ണം നേ​ടി. നാ​ലു മി​നി​റ്റ് 28.87 സെ​ക്ക​ന്‍ഡി​ല്‍ ഫി​നി​ഷ് ചെ​യ്താ​ണ് ചി​ത്ര വെ​ള്ളി നേ​ടി​യ​ത്. ഉ​ത്ത​ര്‍പ്ര​ദേ​ശി​ന്‍റെ പ്ര​മീ​ള യാ​ദ​വ് (4:29.33) വെ​ങ്ക​ലം നേ​ടി.

റി​ലേ​യി​ല്‍ മി​ക​വ് ആ​വ​ര്‍ത്തി​ച്ച് കേ​ര​ളം

4-400 റി​ലേ​യി​ലും സ്വ​ര്‍ണ​വും വെ​ള്ളി​യും നേ​ടി കേ​ര​ളം തി​ള​ങ്ങി. വ​നി​ത ടീം ​സ്വ​ര്‍ണം സ​മ്മാ​നി​ച്ച​പ്പോ​ള്‍ പു​രു​ഷ​ന്‍മാ​രു​ടെ പോ​രാ​ട്ടം വെ​ള്ളി​യി​ല്‍ ഒ​തു​ങ്ങി. മൂ​ന്നു മി​നി​റ്റ് 42.36 സെ​ക്ക​ന്‍ഡി​ലാ​യി​രു​ന്നു വ​നി​ത​ക​ള്‍ കേ​ര​ള​ത്തി​ന് സ്വ​ര്‍ണം സ​മ്മാ​നി​ച്ച​ത്. ജെ​റി​ന്‍ ജോ​സ​ഫ്, വി.​കെ. വി​സ്മ​യ, അ​നി​ല്‍ഡ തോ​മ​സ്, അ​നു​രാ​ഘ​വ​ന്‍ എ​ന്നി​വ​രാ​ണ് കേ​ര​ള​ത്തി​നാ​യി ഓ​ടി​യ​ത്.

ക​ര്‍ണാ​ട​ക വെ​ള്ളി​യും ത​മി​ഴ്നാ​ട് വെ​ങ്ക​ല​വും നേ​ടി. പു​രു​ഷ റി​ലേ​യി​ല്‍ മൂ​ന്നു മി​നി​റ്റ് 11.52 സെ​ക്ക​ന്‍ഡി​ല്‍ ഫി​നി​ഷ് ചെ​യ്ത ത​മി​ഴ്നാ​ട് കേ​ര​ള​ത്തെ അ​ട്ടി​മ​റി​ച്ച് സ്വ​ര്‍ണം നേ​ടി. മൂ​ന്നു മി​നി​റ്റ് 11.65 സെ​ക്ക​ന്‍ഡി​ലാ​ണ് വെ​ള്ളി നേ​ടി​യ കേ​ര​ളം ഫി​നി​ഷിം​ഗ് ലൈ​ന്‍ ക​ട​ന്ന​ത്. ഹ​രി​യാ​ന വെ​ങ്ക​ലം നേ​ടി.

ഹെ​പ്റ്റാ​ത്ത​ല​ണി​ല്‍ ലി​ക്സി ജോ​സ​ഫും നി​ക്സി ജോ​സ​ഫും കേ​ര​ള​ത്തി​ന് സ്വ​ര്‍ണ​വും വെ​ള്ളി​യും സ​മ്മാ​നി​ച്ചു. 2149 പോ​യി​ന്‍റു നേ​ടി​യാ​ണ് ലി​ക്സി സ്വ​ര്‍ണം നേ​ടി​യ​ത്. 2051 പോ​യി​ന്‍റു​മാ​യി നി​ക്സി വെ​ള്ളി​യും സ്വ​ന്ത​മാ​ക്കി.

റി​ക്കാ​ര്‍ഡ് തി​ള​ക്ക​ത്തി​ല്‍ സി​ദ്ധാ​ന്ത്

പു​രു​ഷ​ന്മാ​രു​ടെ 110 മീ​റ്റ​ര്‍ ഹ​ര്‍ഡി​ല്‍സി​ല്‍ ദേ​ശീ​യ ചാ​മ്പ്യ​ന്‍ ക​ര്‍ണാ​ട​ക​യു​ടെ സി​ദ്ധാ​ന്ത് തി​ങ്ക​ലാ​യ മീ​റ്റ് റി​ക്കാ​ര്‍ഡോ​ടെ സ്വ​ര്‍ണം നേ​ടി. 13.76 സെ​ക്ക​ന്‍ഡി​ല്‍ സി​ദ്ധാ​ന്ത് സ്വ​ര്‍ണ​ത്തി​ലേ​ക്ക് പ​റ​ന്നു​ക​യ​റി​യ​പ്പോ​ള്‍ ത​ക​ര്‍ന്ന​ത് ത​ന്‍റെ ത​ന്നെ പേ​രി​ലു​ള്ള റി​ക്കാ​ര്‍ഡാ​ണ്. 2010-ല്‍ ​പ​ട്യാ​ല മീ​റ്റി​ല്‍ സ്ഥാ​പി​ച്ച 13.81 സെ​ക്ക​ന്‍ഡി​ന്‍റെ റി​ക്കാ​ര്‍ഡാ​ണ് സി​ദ്ധാ​ന്ത് തി​രു​ത്തി​യ​ത്. ത​മി​ഴ്നാ​ടി​ന്‍റെ സു​രേ​ഷ് 14.41 സെ​ക്ക​ന്‍ഡി​ല്‍ വെ​ള്ളി​യും പ​ശ്ചി​മ ബം​ഗാ​ളി​ന്‍റെ ദേ​ബാ​ര്‍ജ​ന്‍ മു​ര്‍മു 14.64 സെ​ക്ക​ന്‍ഡി​ല്‍ വെ​ങ്ക​ല​വും നേ​ടി. ഛത്തീ​സ്ഗ​ഡി​ന്‍റെ മ​ല​യാ​ളി താ​രം മെ​യ്മോ​ന്‍ പൗ​ലോ​സ് നാ​ലാ​മ​തും കേ​ര​ള​ത്തി​ന്‍റെ സ​ച്ചി​ന്‍ ബി​നു അ​ഞ്ചാ​മ​തും ഫി​നി​ഷ് ലൈ​ന്‍ ക​ട​ന്നു.

വ​നി​ത​ക​ളു​ടെ 100 മീ​റ്റ​ര്‍ ഹ​ര്‍ഡി​ല്‍സി​ല്‍ ഒ​ഡീ​ഷ​യു​ടെ പൂ​ര്‍ണി​മ ഹെം​ബ്രാം 13.72 സെ​ക്ക​ന്‍ഡി​ല്‍ സ്വ​ര്‍ണ​വും ജാ​ര്‍ഖ​ണ്ഡി​ന്‍റെ അ​നു​രൂ​പ കു​മാ​രി 13.88 സെ​ക്ക​ന്‍ഡി​ല്‍ വെ​ള്ളി​യും പ​ശ്ചി​മ ബം​ഗാ​ളി​ന്‍റെ സ്വ​പ്ന ബ​ര്‍മ​ന്‍ 14.06 സെ​ക്ക​ന്‍ഡി​ല്‍ വെ​ങ്ക​ല​വും നേ​ടി. കേ​ര​ള​താ​രം എം. ​സു​ഗി​ന എ​ട്ടാ​മ​താ​ണ് ഫി​നി​ഷ് ചെ​യ്ത​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.