Sports News
ടിറ്റെ വഴി ബ്രസീൽ റിട്ടേൺസ്
ടിറ്റെ വഴി ബ്രസീൽ റിട്ടേൺസ്
Thursday, March 30, 2017 12:21 PM IST
ബ്ര​സീ​ലി​ന്‍റെ ലോ​ക​ക​പ്പ് പ്ര​വേ​ശ​നം, ആ ടീമിന്‍റെ വലിയ തിരിച്ചുവരവാണ്. 2014ല്‍ ​സ്വ​ന്തം നാ​ട്ടി​ല്‍ ന​ട​ന്ന ലോ​ക​ക​പ്പി​ല്‍ ബ്ര​സീ​ല്‍ എ​ന്നും മ​റ​ക്കാ​നാ​ഗ്ര​ഹി​ക്കു​ന്ന തോ​ല്‍വി. അ​ന്ന് ക​ര​ഞ്ഞ ബ്ര​സീ​ല്‍ ടീ​മി​ന് പി​ന്നെ ന​ട​ന്ന കോ​പ്പ അ​മേ​രി​ക്ക​യി​ലും കോ​പ്പ അ​മേ​രി​ക്ക സെ​ന്‍റി​നാ​രി​യോ​യി​ലും നി​രാ​ശ​മാ​ത്ര​മാ​ണ് ലഭിച്ച​ത്. പ​രി​ശീ​ല​ക​ര്‍ മാ​റി വ​ന്നെ​ങ്കി​ലും ടീ​മി​ന്‍റെ പ്ര​ക​ട​ന​ത്തി​നു മാ​റ്റ​മു​ണ്ടാ​യി​ല്ല. ഈ ​ടീ​മി​നെ പ​ല​രും എ​ഴു​തി ത​ള്ളി.

റഷ്യൻ ലോകകപ്പിന് ലോ​ക​ക​പ്പി​നു യോ​ഗ്യ​ത ല​ഭി​ക്കു​മോ എ​ന്നു പോ​ലും സം​ശ​യി​ച്ചു. ടി​റ്റെ​യെ പ​രി​ശീ​ല​ക​നാ​ക്കി​യ​ശേ​ഷം ടീ​മി​ലെ പ​ല ക​ളി​ക്കാ​രെ​യും മാ​റ്റി. ഇ​തോ​ടെ ടീ​മി​ന്‍റെ പ്ര​ക​ട​ന​ത്തി​ലും മാ​റ്റം വ​ന്നു. തു​ട​ര്‍ ജ​യ​ങ്ങ​ളു​മാ​യി മു​ന്നോ​ട്ടു നീ​ങ്ങി​യ ടീം ​അ​വ​സാ​നം 2018 ലോ​ക​ക​പ്പി​നു യോ​ഗ്യ​ത നേ​ടു​ന്ന ആ​ദ്യ രാ​ജ്യ​മാ​യി.

2014ല്‍ ​സ്വ​ന്തം നാ​ട്ടി​ല്‍ ന​ട​ന്ന ലോ​ക​ക​പ്പ് ഫു​ട്‌​ബോ​ളി​ല്‍ പ്ര​തീ​ക്ഷ​യോ​ടെ​യെ​ത്തി​യ ബ്ര​സീ​ല്‍ ക​ര​ഞ്ഞു​കൊ​ണ്ടാ​ണ് ക​ളം​വി​ട്ട​ത്. 1950ലെ ​ലോ​ക​ക​പ്പി​ല്‍ ബ്ര​സീ​ലി​നെ സം​ബ​ന്ധി​ച്ച് ഏ​റ്റ​വും വ​ലി​യ ദു​ര​ന്ത​​മാ​യി ക​രു​ത​പ്പെ​ടു​ന്ന മാറക്കാ​ന​യി​ല്‍ ന​ട​ന്ന ഫൈ​ന​ലി​ലേ​റ്റ തോ​ല്‍വി​യേ​ക്കാ​ള്‍ വേ​ദ​ന​യും നാ​ണ​ക്കേ​ടും നി​റ​ഞ്ഞ തോ​ല്‍വി​യാ​യി​രു​ന്നു 2014 ലോ​ക​ക​പ്പി​ല്‍ ബെലോ ഹൊറിസോണ്ടെയിൽ ന​ട​ന്ന സെ​മി ഫൈ​ന​ലി​ല്‍ ജ​ര്‍മ​നി​യോ​ടേ​റ്റ 7-1ന്‍റെ ​തോ​ല്‍വി. ഇ​തേ​ത്തു​ട​ര്‍ന്ന് ലോ​ക​ക​പ്പി​ല്‍ ടീ​മി​ന്‍റെ പ​രി​ശീ​ല​ക​നാ​യി​രു​ന്ന ലൂ​യി ഫി​ലി​പ്പ് സ്‌​കൊളാ​രി​യെ മാ​റ്റി ദും​ഗ​യെ കൊ​ണ്ടു​വ​ന്നു. ബ്ര​സീ​ലി​ന്‍റെ പ​രി​ശീ​ല​ക​നാ​യി​​രു​ന്നി​ട്ടു​ള്ള ദും​ഗ അ​ക്കാ​ല​ത്തും പ​രാ​ജ​യ​മാ​യി​രു​ന്നു. ഒ​രി​ക്ക​ല്‍ പ​രാ​ജ​യ​പ്പെ​ട്ട ദും​ഗ​യെ​ത്തി​യ​ശേ​ഷ​വും ബ്ര​സീ​ലി​ന്‍റെ പ്ര​ക​ട​ന​ത്തി​ല്‍ മാ​റ്റ​മു​ണ്ടാ​യി​ല്ല.

കോ​പ്പ അ​മേ​രി​ക്ക​യി​ല്‍ ചാ​മ്പ്യ​ന്‍മാ​രാ​കാ​ന്‍ ക​ഴി​തി​രു​ന്ന​തു​കൊ​ണ്ട് കോ​ണ്‍ഫ​ഡ​റേ​ഷ​ന്‍സ് ക​പ്പി​നും യോ​ഗ്യ​ത നേ​ടി​യി​ല്ല. 20 വ​ര്‍ഷ​ത്തി​നു ശേ​ഷം ആ​ദ്യ​മാ​യാ​ണ് ബ്ര​സീ​ലി​നു കോ​ണ്‍ഫെ​ഡ​റേ​ഷ​ന്‍സ് ക​പ്പി​ല്‍ യോ​ഗ്യ​ത ല​ഭി​ക്കാ​തെ പോ​കു​ന്ന​ത്. അ​തി​നു​ശേ​ഷം കോ​പ്പ അ​മേ​രി​ക്ക സെ​ന്‍റി​നാ​രി​യോ​യി​ല്‍ ഗ്രൂ​പ്പ് ഘ​ട്ട​ത്തി​ലേ പു​റ​ത്ത്. 1987നു​ശേ​ഷം ആ​ദ്യ​മാ​യാ​ണ് കാ​ന​റി​ക​ള്‍ ഗ്രൂ​പ്പ് ഘ​ട്ട​ത്തി​ല്‍ പു​റ​ത്താ​കു​ന്ന​ത്. ഇ​തോ​ടെ ദും​ഗ​യു​ടെ ര​ണ്ടാ​മൂ​ഴ​ത്തി​ന് വി​രാ​മ​മാ​യി.

ലോ​ക​ക​പ്പ് യോ​ഗ്യ​ത​യി​ല്‍ 14 ക​ളി​യി​ല്‍ 10 ജ​യം, മൂ​ന്നു സ​മ​നി​ല, തോ​റ്റ​ത് ചി​ലി​യോ​ടു​ള്ള ക​ളി​യി​ല്‍ മാ​ത്രം. ബ്ര​സീ​ലി​ന് അ​ന്യ​മാ​യി​ക്കൊ​ണ്ടി​രു​ന്ന സൗ​ന്ദ​ര്യാ​ത്മ​ക ഫു​ട്‌​ബോ​ള്‍ ക​ളി​യു​മാ​യി ടി​റ്റെ ടീ​മി​നെ പ​രി​ശീ​ലി​പ്പി​ച്ച​പ്പോ​ള്‍ ബ്ര​സീ​ലി​നു തോ​ല്‍വി അ​റി​യാ​ത്ത മു​ന്നേ​റ്റം.
ആ​ക്ര​മ​ണ​വും പാ​സിം​ഗി​ലെ ക​ണി​ശ​ത​യും നി​റ​ഞ്ഞ ക​ളി​യി​ലേ​ക്കു ടി​റ്റെ ബ്ര​സീ​ലി​നെ തി​രി​ച്ചെ​ത്തി​ച്ചു. ദും​ഗ സൃ​ഷ്ടി​ച്ച പ്ര​തി​രോ​ധാ​ത്മ​ക ക​ളി​യി​ല്‍നി​ന്നു ബ്ര​സീ​ല്‍ പു​റ​ത്തു​വ​ന്നു.ദ​ക്ഷി​ണ അ​മേ​രി​ക്ക​യി​ലെ മി​ക​ച്ച ഫു​ട്‌​ബോ​ള്‍ ത​ന്ത്ര​ജ്ഞ​നെ​ന്നു വി​ശേ​ഷി​പ്പി​ക്ക​പ്പെ​ടു​ന്ന ടി​റ്റെ​യു​ടെ കൊ​റി​ന്ത്യ​ന്‍സി​നെ കോ​പ്പ ലി​ബ​ര്‍ട്ട​ഡോ​റ​സ് ചാ​മ്പ്യ​ന്മാ​രും ഒ​പ്പം ചെ​ല്‍സി​യെ തോ​ല്‍പ്പി​ച്ച് അ​വ​രെ ക്ല​ബ് ലോ​ക​ക​പ്പ് ചാ​മ്പ്യ​ന്മാ​രു​മാ​ക്കി. ഈ ​മി​ക​വ് ടി​റ്റെ​യെ ദേ​ശീ​യ ടീ​മി​ന്‍റെ പ​രി​ശീ​ല​ക​നാ​ക്കി.

ടി​റ്റെ​യു​ടെ വ​ര​വി​നു​ശേ​ഷം

ടി​റ്റെ​യെ ബ്ര​സീ​ലി​ന്‍റെ കീ​ഴി​ല്‍ ടീ​മി​നു പു​ത്ത​നു​ണ​ര്‍വാ​യി. ടീ​മി​ലെ പ​ല മു​തി​ര്‍ന്ന ക​ളി​ക്കാ​രെ​യും മാ​റ്റി ധാ​രാ​ളം യു​വ​താ​ര​ങ്ങ​ളെ​യെ​ത്തി​ച്ചു. ഒ​രു ക​ളി​ക്കാ​ര​നെ മാ​ത്രം ആ​ശ്ര​യി​ക്കു​ന്ന വ്യ​ക്തി​കേ​ന്ദ്രീ​കൃ​ത സ്വ​ഭാ​വ​ത്തി​ല്‍നി​ന്നു ബ്ര​സീ​ലി​നെ പു​റ​ത്തു​കൊ​ണ്ടു​വ​രാ​ന്‍ അ​ദ്ദേ​ഹ​ത്തി​നാ​യി. ലോ​ക​ക​പ്പി​ലും അ​തി​നു​ശേ​ഷ​വു​മു​ള്ള ടൂ​ര്‍ണ​മെ​ന്‍റു​ക​ളി​ല്‍ നെ​യ്മ​ര്‍ മാ​ത്ര​മാ​യി​രു​ന്നു ബ്ര​സീ​ലി​ന്‍റെ പ്ര​തീ​ക്ഷ​ക​ള്‍. ടി​റ്റെ ആ ​ക​ണ​ക്കു​ക​ള്‍ പൊ​ളി​ച്ചെ​ഴു​തി. ഇ​തു​കൊ​ണ്ട് ബ്ര​സീ​ലി​നു ഗോ​ള​ടി​ക്കാ​നും മു​ന്നേ​റ്റ​നി​ര​യി​ലും പു​തി​യ ക​ളി​ക്കാ​രെ ല​ഭി​ച്ചു.


സ്ഥി​രം നാ​യ​ക​ന്‍മാ​രി​ല്ല

ഒ​രു വ​ര്‍ഷം മു​മ്പ് നെ​യ്മ​ര്‍ താ​ന്‍ ഇ​നി ബ്ര​സീ​ലി​ന്‍റെ സ്ഥി​രം നാ​യ​ക​നാ​കു​ന്നി​ല്ലെ​ന്ന് വെ​ളി​പ്പെ​ടു​ത്തി. ഇ​തി​നു​ശേ​ഷം ടി​റ്റെ പ​ല​രെ​യും നാ​യ​ക​ന്‍മാ​രാ​ക്കി. മി​റാ​ന്‍ഡ, ഡാ​നി ആ​ല്‍വ​സ് എ​ന്നി​വ​രും ആ​സ്ഥാ​ന​ത്തേ​ക്കെ​ത്തി​യി​രു​ന്നു. അ​ഞ്ചു നാ​യ​ക​ന്മാ​രാ​ണ് ടി​റ്റെ​യ്ക്കു​ള്ള​ത്. നാ​യ​ക സ്ഥാ​നം വി​ട്ട നെ​യ്മ​ര്‍ സ​മ്മ​ര്‍ദ​മൊ​ട്ടു​മി​ല്ലാ​തെ​യാ​ണ് ക​ളി​ക്കു​ന്ന​തെ​ന്ന് മ​ത്സ​ര​ങ്ങ​ള്‍ തെ​ളി​യി​ക്കു​ന്നു. പ​രാ​ഗ്വെ​യ്‌​ക്കെ​തി​രേ നെ​യ്മ​ര്‍ ഒ​രു വ​ര്‍ഷ​ത്തി​നു​ശേ​ഷം നാ​യ​ക​ന്‍റെ ആം ​ബാ​ന്‍ഡ് കെ​ട്ടി​യി​റ​ങ്ങി. മ​ത്സ​ര​ത്തി​ല്‍ നാ​യ​ക​നു ചേ​രു​ന്ന പ്ര​ക​ട​നം പു​റ​ത്തെ​ടു​ക്കു​ക​യും ചെ​യ്തു.

ക​ളി എ​തി​രാ​ളി​ക​ളു​ടെ പ​കു​തി​യി​ല്‍

ടി​റ്റെ​യെ​ത്തി പ​ല മാ​റ്റ​ങ്ങ​ള്‍ ഉ​ണ്ടാ​ക്കി​യെ​ന്ന് നെ​യ്മ​ര്‍ ത​ന്നെ വെ​ളി​പ്പെ​ടു​ത്തി. ഒ​രു ക​ളി​ക്കാ​രനും വ്യ​ത്യ​സ്ത​ര​ല്ല-​ഇ​താ​ണ് അ​ദ്ദേ​ഹ​ത്തി​ന്‍റെ ക​ളി​യെ​ന്നാ​ണ് നെ​യ്മ​ര്‍ പ​റ​ഞ്ഞ​ത്. കൂടുതൽ പേരും എ​തി​ര്‍ പ​കു​തി​യി​ല്‍ 20 വാ​ര​യ്ക്കു​ള്ളി​ല്‍ ക​ളി​ക്കു​ന്ന​വ​രാ​യി ടീ​മി​നെ മാ​റ്റി. ദും​ഗ പി​ന്തു​ട​ര്‍ന്ന പ്ര​തി​രോ​ധാ​ത്മ​ക ഫു​ട്‌​ബോ​ളി​നു പ​ക​രം ആ​ക്ര​മ​ണ ത​ന്ത്രം ടി​റ്റെ കൊ​ണ്ടു​വ​ന്നു.

പ​ക്ഷേ ഇ​തു​കൊ​ണ്ട് കൂ​ടു​ത​ല്‍ അ​പ​ക​ട​ക​ര​മാ​യ സ്ഥാ​ന​ങ്ങളിൽ ആ​ളെ കൊ​ണ്ടു​വ​രാ​ന്‍ ഈ ​ത​ന്ത്ര​ത്തി​നാ​യി. ക​ളി​മെ​ന​യാ​നും ആ​ക്ര​മ​ണം ശ​ക്ത​മാ​ക്കാ​നും ഇ​ത് ഉ​പ​ക​രി​ച്ചു.

പ്ര​തി​രോ​ധം ശ​ക്ത​മാ​ക്കി

തി​യാ​ഗോ സി​ല്‍വ, മാ​ഴ്‌​സ​ലോ എ​ന്നി​വ​രെ വേ​ഗം കൊ​ണ്ടു​വ​ന്ന​താ​ണ് ദും​ഗ ഇ​റ​ങ്ങി​യ​ശേ​ഷം ടി​റ്റെ ചെ​യ്ത​ത്. ഇ​തോ​ടെ പ്ര​തി​രോ​ധം ശ​ക്ത​മാ​യി. ഇ​തു​കൊ​ണ്ട് പ്ര​തി​രോ​ധ​മാ​യെ​ന്നു മാ​ത്ര​മ​ല്ല അ​വ​രു​ടെ വേ​ഗ​വും പ​രി​ച​യ​സ​മ്പ​ത്തും ക​ളി​യെ മ​ന​സി​ലാ​ക്കാ​നു​ള്ള ക​ഴി​വും ബ്ര​സീ​ലി​നു വ​ള​രെ നി​ര്‍ണാ​യ​ക​മാ​യി.

ഭാ​വ​നാ​ത്മ​ക ക​ളി

ദും​ഗ​യു​ടെ ബ്ര​സീ​ല്‍ ടീ​മി​ന്‍റെ പ്ര​തി​രോ​ധം ശ​ക്ത​മാ​യി​രു​ന്നു. അ​തു​കൊ​ണ്ട് എ​തി​രാ​ളി​ക​ള്‍ക്ക് ഗോ​ള്‍ നേ​ടു​ക​യെ​ന്ന​ത് ബു​ദ്ധി​മു​ട്ടു​മാ​യി​രു​ന്നു. ടി​റ്റെ ആ ​ത​ന്ത്രം മാ​റ്റി. മ​ധ്യ​നി​ര​യി​ല്‍ നി​ന്ന് ഭാ​വ​നാ​ത്മ​ക​മാ​യ ക​ളി വ​ന്നു. ഫി​ലി​പ്പെ കു​ട്ടി​ഞ്ഞോ​യി​ല്‍നി​ന്ന് മി​ക​ച്ച പ്ര​ക​ട​നം വ​ന്ന​തോ​ടെ മു​ന്നേ​റ്റ​നി​ര​യി​ല്‍ വേ​ഗ​വും ക​രു​ത്തും വ​ന്നു. റെ​ന​റ്റോ അ​ഗ​സ്‌​റ്റോ മ​ധ്യ​നി​ര​യി​ല്‍ വ​ഹി​ക്കു​ന്ന പ​ങ്ക് ടീ​മി​ന്‍റെ മു​ന്നേ​റ്റ​ത്തി​നു വ​ലി​യ പ​ങ്കാ​ണ് വ​ഹി​ക്കു​ന്ന​ത്.

പ്ര​തി​രോ​ധ​ത്തി​ലെ​യും മു​ന്നേ​റ്റ​നി​ര​യി​ലെ​യും ക​ണ്ണി​യാ​യി ക​ളി​ക്കു​ന്ന ക​സേ​മി​റോ​യ്ക്കു ക​ളി​ക്കാ​ന്‍ യ​ഥേ​ഷ്ടം സ്ഥ​ലം അ​നു​വ​ദി​ക്കു​ക കൂ​ടി ചെ​യ്ത​തോ​ടെ മ​ധ്യ​നി​ര​യും പ്ര​തി​രോ​ധ​വും ശ​ക്ത​മാ​യി. ഇ​തു​വ​ഴി എ​തി​ര്‍ പ്ര​തി​രോ​ധ​ത്തി​ലെ വി​ള്ള​ലു​ക​ള്‍ മ​ന​സി​ലാ​ക്കി വേ​ഗം കു​തി​ച്ചെ​ത്താ​ന്‍ ബ്ര​സീ​ലി​ന്‍റെ മു​ന്നേ​റ്റ​ക്കാ​ര്‍ക്കു വ​ഴി തു​റ​ന്നു.

ആ​ത്മ​വി​ശ്വാ​സം നി​റ​ച്ചു

സ്‌​കൊ​ളാ​രി​യും ദും​ഗ​യും ക​ളി​ക്കാ​രോ​ടു പി​ന്തു​ട​ര്‍ന്ന പ​ട്ടാ​ള ചി​ട്ട​യ്ക്കു പ​ക​രം ടി​റ്റെ ക​ളി​ക്കാ​ര്‍ക്കി​ട​യി​ല്‍ സൗ​ഹാ​ര്‍ദാ​ന്ത​രീ​ക്ഷം സൃ​ഷ്ടി​ച്ചു. ഇ​ത് ക​ളി​ക്കാ​ര്‍ക്ക് ആ​ത്മ​വി​ശ്വാ​സം ന​ല്‍കി. ടി​റ്റെ​യു​ടെ ലോ​ക​ക​പ്പ് യോ​ഗ്യ​ത​യി​ലെ ആ​ദ്യ എ​വേ മ​ത്സ​രം ഇ​ക്വ​ഡോ​റി​നെ​തി​രേ​യാ​യി​രു​ന്നു. ബ്ര​സീ​ലി​നും ടി​റ്റെ​യ്ക്കു ക​ഠി​ന​മേ​റി​യ മ​ത്സ​ര​മാ​ണ് അ​വി​ടെ നേ​രി​ടേ​ണ്ടി​വ​ന്ന​ത്. മ​ത്സ​ര​ത്തി​ല്‍ 3-0ന്‍റെ ​ജ​യം കാ​ന​റി​ക​ള്‍ക്ക് ആ​ത്മ​വി​ശ്വാ​സം തി​രി​ച്ചു​കൊ​ണ്ടു​വന്നു.
നി​ല​വി​ലെ പ്ര​ക​ട​നം ക​ണ്ടു നോ​ക്കി​യാ​ല്‍ ബ്ര​സീ​ല്‍ ടീം ​ പ​രി​ശീ​ല​ക​ന്‍റെ ത​ന്ത്ര​ങ്ങള്ള എ​ത്ര​മാ​ത്രം ആ​ശ്ര​യി​ക്കു​ന്നു​ണ്ടെ​ന്നു വ്യ​ക്ത​മാ​കും. ഇ​പ്പോ​ഴ​ത്തെ അ​വ​സ്ഥ​യി​ല്‍ നോ​ക്കി​യാ​ല്‍ ബ്ര​സീ​ലി​ന് എ​ന്തു​കൊ​ണ്ടും ബ്ര​സീ​ലാ​ണ് ലോ​ക റാ​ങ്കിം​ഗി​ല്‍ ഒ​ന്നാം സ്ഥാ​ന​ത്തി​ന് അ​ര്‍ഹ​രെ​ന്ന് വ്യ​ക്ത​മാ​കും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.