മന്ദസ്മിതം ഓസീസ്
Thursday, March 16, 2017 10:07 PM IST
റാ​ഞ്ചി: തു​ട​ക്ക​ത്തി​ലെ ത​ക​ര്‍ച്ച​യി​ല്‍നി​ന്ന് ത​ള​രാ​തെ, മ​ന്ദ​സ്മി​ത​ത്തോ​ടെ നാ​യ​ക​ന്‍ സ്റ്റീ​വ​ന്‍ സ്മി​ത്ത്. വി​വാ​ദ​ങ്ങ​ളും ആ​രോ​പ​ണ​ങ്ങ​ളും ക്രീ​സി​നു പു​റ​ത്തു​വ​ച്ച് ബാ​റ്റിം​ഗി​നി​റ​ങ്ങി​യ സ്റ്റീ​വ​ന്‍ സ്മി​ത്തി​ന്‍റെ മി​ക​വി​ല്‍ ഇ​ന്ത്യ​ക്കെ​തി​രാ​യ മൂ​ന്നാം ടെ​സ്റ്റി​ല്‍ ഓ​സ്‌​ട്രേ​ലി​യ മി​ക​ച്ച സ്‌​കോ​റി​ലേ​ക്ക്. സ്മി​ത്തി​ന്‍റെ അ​പ​രാ​ജി​ത സെ​ഞ്ചു​റി​യു​ടെ​യും (117*) മാ​ക്‌​സ്‌​വെ​ലി​ന്‍റെ അ​ര്‍ധ​സെ​ഞ്ചു​റി​യു​ടെ​യും (82*) മി​ക​വി​ല്‍ ഒ​ന്നാം ദി​നം ക​ളി നി​ര്‍ത്തു​മ്പോ​ള്‍ ഓ​സ്‌​ട്രേ​ലി​യ നാ​ലു വി​ക്ക​റ്റ് ന​ഷ്ട​ത്തി​ല്‍ 299 റ​ണ്‍സ് എ​ന്ന മി​ക​ച്ച നി​ല​യി​ലാ​ണ്. ടെ​സ്റ്റ് ക​രി​യ​റി​ല്‍ ത​ന്‍റെ 19-ാം സെ​ഞ്ചു​റി തി​ക​ച്ച സ്മി​ത്ത് ഈ ​പ​ര​മ്പ​ര​യി​ല്‍ നേ​ടു​ന്ന ര​ണ്ടാ​മ​ത്തെ സെ​ഞ്ചു​റി കൂ​ടി​യാ​ണി​ത്. ഇ​ന്ത്യ​ക്കെ​തി​രേ ആ​റു സെ​ഞ്ചു​റി​യാ​ണ് സ്മി​ത്ത് ഇ​തു​വ​രെ ക​ണ്ടെ​ത്തി​യ​ത്.

ക​രി​യ​റി​ലെ നാ​ലാ​മ​ത്തെ ടെ​സ്റ്റും മൂ​ന്നു വ​ര്‍ഷ​ത്തി​നു ശേ​ഷം ആ​ദ്യ​ടെ​സ്റ്റും ക​ളി​ക്കു​ന്ന മാ​ക്‌​സ്‌​വെ​ലി​നും ഈ ​മ​ത്സ​രം മി​ക​ച്ച ഓ​ര്‍മ പ​ക​രു​ന്നു. ഇ​ന്ത്യ​ക്കു വേ​ണ്ടി ഉ​മേ​ഷ് യാ​ദ​വ് ര​ണ്ടു വി​ക്ക​റ്റ് നേ​ടി​യ​പ്പോ​ള്‍ ആ​ര്‍. അ​ശ്വി​നും ര​വീ​ന്ദ്ര ജ​ഡേ​ജ​യും ഓ​രോ വി​ക്ക​റ്റ് വീ​തം നേ​ടി.

ടോ​സി​ലെ ഭാ​ഗ്യം ഓ​സീ​സി​ന്

തു​ട​ര്‍ച്ച​യാ​യ ര​ണ്ടാം ടെ​സ്റ്റി​ലും ടോ​സി​ന്‍റെ ഭാ​ഗ്യം ഓ​സീ​സി​നാ​യി​ര​ുന്നു. ബാ​റ്റിം​ഗി​ന് അ​നു​കൂ​ല​മാ​യ പി​ച്ചി​ല്‍ ആ​ദ്യം ബാ​റ്റ് ചെ​യ്യാ​ന്‍ സ്മി​ത്തി​നു ര​ണ്ടാ​മ​തൊ​ന്ന് ആ​ലോ​ചി​ക്കേ​ണ്ടി​വ​ന്നി​ല്ല. എ​ന്നാ​ല്‍, നാ​യ​ക​ന്‍റെ തീ​രു​മാ​നം തെ​റ്റെ​ന്നു തോ​ന്നി​പ്പി​ച്ചു​കൊ​ണ്ട് ആ​ദ്യ സെ​ഷ​നി​ല്‍ത്ത​ന്നെ മൂ​ന്നു വി​ക്ക​റ്റു​ക​ളാ​ണ് ഓ​സീ​സിനു ന​ഷ്ട​മാ​യ​ത്.

ഇ​ന്ത്യ​യി​ലെ 26-ാമ​ത്തെ ടെ​സ്റ്റ് വേ​ദി​യാ​യ റാ​ഞ്ചി​യി​ലെ ക​ന്നി ടെ​സ്റ്റി​ല്‍ മി​ക​ച്ച രീ​തി​യി​ല്‍ പ​ന്തെ​റി​ഞ്ഞ ഉ​മേ​ഷ് യാ​ദ​വും ആ​ര്‍. അ​ശ്വി​നും ജ​ഡേ​ജ​യും ഓ​സീ​സ് ബാ​റ്റ്‌​സ്മാ​ന്മാ​രെ വ​രി​ഞ്ഞു​മു​റു​ക്കി. ഭേ​ദ​പ്പെ​ട്ട രീ​തി​യി​ല്‍ ബാ​റ്റ്‌​ചെ​യ്ത ഡേ​വി​ഡ് വാ​ര്‍ണ​റെ (19) സ്വ​ന്തം പ​ന്തി​ല്‍ പി​ടി​ച്ചു പു​റ​ത്താ​ക്കി​ക്കൊ​ണ്ട് ജ​ഡേ​ജ​യാ​ണ് ഓ​സീ​സ് ത​ക​ര്‍ച്ച​യ്ക്കു തു​ട​ക്ക​മി​ട്ട​ത്. തൊ​ട്ടു​പി​ന്നാ​ലെ റെ​ന്‍ഷോ​യെ ഉ​മേ​ഷ് യാ​ദ​വ് കോ​ഹ്‌​ലി​യു​ടെ കൈ​ക​ളി​ലെ​ത്തി​ച്ചു. ര​ണ്ടു റ​ണ്‍സെ​ടു​ത്ത ഷോ​ണ്‍ മാ​ര്‍ഷി​നെ അ​ശ്വി​നും പു​റ​ത്താ​ക്കി​യ​തോ​ടെ ഓ​സ്‌​ട്രേ​ലി​യ മൂ​ന്നി​ന് 89 എ​ന്ന നി​ല​യി​ല്‍ ത​ക​ര്‍ന്നു. ല​ഞ്ചി​നു ശേ​ഷം ഹാ​ന്‍ഡ്‌​സ്‌​കോ​മ്പി​നെ വി​ക്ക​റ്റി​നു മു​ന്നി​ല്‍കുടു​ക്കി ഉ​മേ​ഷ് യാ​ദ​വ് ഒ​രി​ക്ക​ല്‍കൂടി ഓ​സീ​സി​നെ ഞെ​ട്ടി​ച്ചു. ഇ​തോ​ടെ ഓ​സീ​സ് ഇ​ന്നിം​ഗ്‌​സി​ന് അ​ധി​കം ആ​യു​സ് കാ​ണി​ല്ല എ​ന്ന പ്ര​തീ​തി ജ​നി​ച്ചു.


സ്മി​ത്ത് - മാ​ക്സ്‌​വെ​ല്‍

നാ​യ​ക​ന്‍ സ്മി​ത്തി​നൊ​പ്പം ഏ​ക​ദി​ന​ത്തി​ലെ​യും ട്വ​ന്‍റി-20​യി​ലെ​യും വെ​ടി​ക്കെ​ട്ട് ബാ​റ്റ്‌​സ്മാ​ന്‍ മാ​ക്‌​സ് വെ​ല്‍ കൂ​ടി​ എ​ത്തി​യ​തോ​ടെ ഓ​സീ​സി​ന്‍റെ നി​റം മാ​റി. മി​ക​ച്ച സ്‌​ട്രോ​ക് പ്ലേ​യി​ലൂ​ടെ ഓ​സ്‌​ട്രേ​ലി​യ​ന്‍ സ്‌​കോ​ര്‍ ഇ​രു​വ​രു​മു​യ​ര്‍ത്തി. 2014നു ​ശേ​ഷം ആ​ദ്യ​ടെ​സ്റ്റ് ക​ളി​ക്കു​ന്ന മാ​ക്‌​സ് വെ​ലി​നു പ​ക്ഷേ, കാ​ല​യ​ള​വ് യാ​തൊ​രു ത​ട​സ​മേ ആ​യി​രു​ന്നി​ല്ല. മി​ന്നും ഫോ​മി​ലാ​യി​രു​ന്നു മാ​ക്‌​സ് വെ​ല്‍ ഒ​രു​ഘ​ട്ട​ത്തി​ല്‍ സ്മി​ത്തി​നേ​ക്കാ​ള്‍ മി​ക​ച്ചു​നി​ന്നു. സ്മി​ത്ത് 90 റ​ണ്‍സി​ലെ​ത്തി​യ​പ്പോ​ള്‍ മാ​ക്‌​സ്‌​വെ​ലി​ന്‍റെ സ്‌​കോ​ര്‍ 34 മാ​ത്ര​മാ​യി​രു​ന്നു. സ്മി​ത്ത് 97ലെ​ത്തി​യ​പ്പോ​ള്‍ മാ​ക്‌​സ്‌​വെ​ല്‍ 65ലെ​ത്തി​യി​രു​ന്നു.

അ​വി​ടെ​നി​ന്നാ​ണ് അ​വി​ശ്വ​സ​നീ​യ ബാ​റ്റിം​ഗി​ലൂ​ടെ മാ​ക്‌​സ്‌​വെ​ല്‍ കു​തി​ച്ച​ത്. 26 പ​ന്താ​ണ് ഏ​തെ​ങ്കി​ലും ഒ​രു ടെ​സ്റ്റി​ല്‍ മാ​ക്‌​സ്‌​വെ​ല്‍ എ​തി​രി​ട്ട ഏ​റ്റ​വും കൂ​ടു​ത​ല്‍ പ​ന്ത്. മ​ത്സ​ര​ത്തി​ല്‍ ഇ​രു​വ​രും പി​ടി​മു​റു​ക്കി​യ​തോ​ടെ ഇ​ന്ത്യ​ക്ക് കാ​ര്യ​ങ്ങ​ള്‍കൈ​വി​ട്ടു. ഇ​തി​നി​ടെ, നാ​യ​ക​ന്‍ വി​രാ​ട് കോ​ഹ്‌​ലി​ക്ക് പ​രി​ക്കേ​ല്‍ക്കു​ക​കൂ​ടി ചെ​യ്ത​തോ​ടെ ഇ​ന്ത്യ​ക്കു സ​മ്മ​ര്‍ദ​മേ​റി. 244 പ​ന്തി​ല്‍ 13 ബൗ​ണ്ട​റി​ക​ള​ട​ക്ക​മാ​ണ് സ്മി​ത്ത് 117 റ​ണ്‍സ് നേ​ടി​യ​ത്. 147 പ​ന്തി​ല്‍ അ​ഞ്ചു ബൗ​ണ്ട​റി​യും ര​ണ്ടു സി​ക്‌​സു​മ​ട​ക്ക​മാ​ണ് മാ​ക്‌​സ് വെ​ല്‍ 82 റ​ണ്‍സ് നേടി​യ​ത്.

സ്‌​കോ​ര്‍ബോ​ര്‍ഡ്

ഓ​സ്‌​ട്രേ​ലി​യ ബാ​റ്റിം​ഗ്

റെ​ന്‍ഷോ സി ​കോ​ഹ്‌​ലി ബി ​യാ​ദ​വ് 44, വാ​ര്‍ണ​ര്‍ സി ​ആ്ന്‍ഡി ബി ​ജ​ഡേ​ജ 19, സ്മി​ത്ത് നോ​ട്ടൗ​ട്ട് 117, ഷോ​ണ്‍ മാ​ര്‍ഷ് സി ​പൂ​ജാ​ര ബി ​അ​ശ്വി​ന്‍ 2, ഹാ​ന്‍ഡ്‌​കോ​മ്പ് എ​ല്‍ബി​ഡ​ബ്ല്യു ബി ​യാ​ദ​വ് 19, മാ​ക്‌​സ് വെ​ല്‍ നോ​ട്ടൗ​ട്ട് 82, എ​ക്‌​സ്ട്രാ​സ് 16.
ആ​കെ 90 ഓ​വ​റി​ല്‍ നാ​ലി​ന് 299.

ബൗ​ളിം​ഗ്

ഇ​ഷാ​ന്ത് ശ​ര്‍മ 15-2-46-0, ഉ​മേ​ഷ് യാ​ദ​വ് 19-3-63-2, ആ​ര്‍. അ​ശ്വി​ന്‍ 23-2-78-1, ജ​ഡേ​ജ 30-3-80-1, മു​ര​ളി വി​ജ​യ് 3-017-0.