റോട്ടറി പ്രീമിയർ ലീഗ് നാളെ മുതൽ : Deepika.com Sports News |

Click here for detailed news of all items

റോട്ടറി പ്രീമിയർ ലീഗ് നാളെ മുതൽ

Wednesday, March 1, 2017 11:49 AM IST

കൊച്ചി: റോട്ടറി പ്രീമിയർ ലീഗ് (ആർപിഎൽ) ക്രിക്കറ്റ് മത്സരങ്ങൾ നാളെ മുതൽ അഞ്ചു വരെ തൃപ്പൂണിത്തുറ പൂജാ ക്രിക്കറ്റ് ഗ്രൗണ്ടിൽ നടക്കും. നാളെ രാവിലെ 7.30ന് കേരള ക്രിക്കറ്റ് അസോസിയേഷൻ സെക്രട്ടറി ജയേഷ് ജോർജ് മത്സരങ്ങളുടെ ഔദ്യോഗിക ഉദ്ഘാടനം നിർവഹിക്കും. മത്സരത്തിന്‍റെ ടീം പ്രഖ്യാപനം റോട്ടറി ഡിസ്ട്രിക്‌ട്- 3201 ഗവർണർ ഡോ. പ്രകാശ് ചന്ദ്രൻ നിർവഹിച്ചു. ടീം പ്രഖ്യാപന ചടങ്ങിൽ റോട്ടറി ഡിസ്ട്രിക്‌ട് ഗവർണർ നോമിനി എ.വി.പതി, ഡിസ്ട്രിക്റ്റ് ഗവർണർ നോമിനേറ്റഡ് ആർ. മാധവചന്ദ്രൻ, ഐഎഫ്സിആർ ഇന്ത്യ സെക്രട്ടറി റെജി ചാക്കോ, ആർപിഎൽ കമ്മീഷണർ രാജീവ് നായർ, ചെയർപേഴ്സണ്‍ സതീഷ് വാര്യർ, ഐഎഫ്സിആർ ഡിസ്ട്രിക്‌ട്- 3201 സെക്രട്ടറി ഡോ. അരുണ്‍ ബാബു, തുടങ്ങിയവർ സന്നിഹിതരായിരുന്നു.

കൊച്ചി മുതൽ കോയന്പത്തൂർ വരെയുള്ള റോട്ടറി ക്ലബുകളിൽ നിന്നുള്ള ക്രിക്കറ്റ് ടീമുകൾ പങ്കെടുക്കുന്ന ആർപിഎൽ സീസണ്‍ നാലിൽ ആറ് അംഗീകൃത ടീമുകൾ രണ്ടു പൂളുകളായാണു മത്സരിക്കുക. സംസ്ഥാന, ലീഗ് ഡിവിഷൻ തലങ്ങളിൽ മത്സരിച്ച് കഴിവു തെളിയിച്ച റോട്ടേറിയൻമാരാണ് ആറു ടീമുകളിൽ അണിനിരക്കുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.