Sports News
ലി​വ​ര്‍പൂ​ളി​നു ലീ​സ്റ്റ​ര്‍ ഷോ​ക്ക്
ലി​വ​ര്‍പൂ​ളി​നു ലീ​സ്റ്റ​ര്‍ ഷോ​ക്ക്
Tuesday, February 28, 2017 1:44 PM IST
ലീ​സ്റ്റ​ര്‍: ഒ​ന്നു​കി​ൽ ആ​ശാ​ന്‍റെ നെ​ഞ്ച​ത്ത് അ​ല്ലെ​ങ്കി​ല്‍ ക​ള​രി​ക്കു പു​റ​ത്ത് എ​ന്നൊ​രു ചൊ​ല്ലു​ണ്ട്. ഇം​ഗ്ലീ​ഷ് പ്രീ​മി​യ​ര്‍ ലീ​ഗി​ലെ നി​ല​വി​ലെ ചാ​മ്പ്യ​ന്മാ​രാ​യ ലീ​സ്റ്റ​ര്‍ സി​റ്റി അ​ത് ക​ള​ത്തി​ല്‍ ന​ട​പ്പാ​ക്കി. ഏ​വ​രെ​യും അ​ത്ഭു​ത​പ്പെ​ടു​ത്തി ക​ഴി​ഞ്ഞ വ​ര്‍ഷം ലീ​ഗ് കി​രീ​ടം നേ​ടി​യ അ​വി​ശ്വ​സ​നീ​യ​ത ത​ന്നെ​യാ​യി​രു​ന്നു ഈ ​സീ​സ​ണി​ലും ലീ​സ്റ്റ​റി​നെ വേ​റി​ട്ടു നി​ര്‍ത്തി​യ​ത്. തു​ട​ര്‍തോ​ല്‍വി​ക​ളാ​ല്‍ ലീ​ഗ് ചാ​മ്പ്യ​ന്മാ​ര്‍ ത​രം​താ​ഴ്ത്ത​ല്‍ ഭീ​ഷ​ണി നേ​രി​ട്ട​പ്പോ​ള്‍ വി​ഖ്യാ​ത പ​രി​ശീ​ല​ക​ന്‍ ക്ലോ​ഡി​യോ െ​നി​യേ​രി പു​റ​ത്താ​യി. തു​ട​ര്‍ന്നു ന​ട​ന്ന ആ​ദ്യ ക​ളി​യി​ലി​താ ലി​വ​ര്‍പൂ​ളി​നെ ത​ക​ര്‍ത്തുകൊ​ണ്ട് നീ​ല​പ്പ​ട വ​മ്പ​ന്‍ തി​രി​ച്ചു​വ​ര​വ് ന​ട​ത്തി​യി​രി​ക്കു​ന്നു. താ​ത്കാ​ലി​ക​മാ​യി നി​യ​മി​ത​നാ​യ​താ​ണെ​ങ്കി​ലും ലീ​സ്റ്റ​റി​ന്‍റെ പു​തി​യ പ​രി​ശീ​ല​ക​ന്‍ ക്രെ​യ്ഗ് ഷേ​ക്‌​സ്പി​യ​റി​ന് ആ​ശ്വ​സി​ക്കാം, ചാ​മ്പ്യ​ന്‍ ടീ​മി​നെ പു​തു​വ​ര്‍ഷ​ത്തി​ലെ ആ​ദ്യ ലീ​ഗ് വി​ജ​യ​ത്തി​ലേ​ക്ക് ന​യി​ച്ച​തി​ന്. ക​രു​ത്ത​രാ​യ ലി​വ​ര്‍പൂ​ളി​നെ​തി​രേ ഒ​ന്നി​നെ​തി​രേ മൂ​ന്നു ഗോ​ളു​ക​ള്‍ക്കാ​യി​രു​ന്നു ലീ​സ്റ്റ​റി​ന്‍റെ വി​ജ​യം.

കിം​ഗ​സ് പ​വ​ര്‍ സ്റ്റേ​ഡി​യ​ത്തി​ല്‍ പു​തി​യൊ​രു ലീ​സ്റ്റ​റാ​യി​രു​ന്നു പോ​രാ​ട്ട​ത്തി​നി​റ​ങ്ങി​യ​ത്. തു​ട​ക്കം മു​ത​ല്‍ ആ​ക്ര​മി​ച്ചു ക​ളി​ച്ച അ​വ​ര്‍ ലി​വ​ര്‍പൂ​ളി​നെ ശ​രി​ക്കും മു​ക്കു​ന്ന പ്ര​ക​ട​ന​മാ​ണ് പു​റ​ത്തെ​ടു​ത്ത​ത്. സെ​വി​യ്യ​യ്ക്കെ​തി​രേ ചാ​മ്പ്യ​ന്‍സ് ലീ​ഗ് മ​ത്സ​ര​ത്തി​ല്‍ പ​രാ​ജ​യ​പ്പെ​ട്ടെ​ങ്കി​ല്‍ ഗോ​ള്‍ സ്‌​കോ​റിം​ഗി​ലേ​ക്ക് തി​രി​ച്ചു​വ​ന്ന സൂ​പ്പ​ര്‍താ​രം ജെ​യ്മി വാ​ര്‍ഡി​യു​ടെ ഇ​ര​ട്ട​ഗോ​ളാ​ണ് ലീ​സ്റ്റ​റി​നു തു​ണ​യാ​യ​ത്. ആ​ദ്യ പ​കു​തി​യി​ല്‍ത്ത​ന്നെ ലീ​സ്റ്റ​ര്‍ ര​ണ്ടു ഗോ​ളി​നു മു​ന്നി​ലാ​യി​രു​ന്നു. ക​ളി തു​ട​ങ്ങി 28-ാം മി​നി​റ്റി​ല്‍ ത​ന്നെ ജെ​യ്മി വാ​ര്‍ഡി​യി​ലൂ​ടെ ലീ​സ്റ്റ​ര്‍ ആ​ദ്യ​ഗോ​ള്‍ സ്വ​ന്ത​മാ​ക്കി. മാ​ര്‍ക്ക് അ​ല്‍ബ്രി​ട്ട​ന്‍റെ ത്രൂ​ബോ​ള്‍ സ്വീ​ക​രി​ച്ച വാ​ര്‍ഡി ലി​വ​ര്‍പൂ​ള്‍ ഗോ​ള്‍കീ​പ്പ​ര്‍ മി​ഞ്ഞോളെയെ നി​സ​ഹാ​യ​നാ​ക്കി വ​ല​യി​ലാ​ക്കി. 2017ല്‍ ​ലീ​ഗി​ലെ ഒ​ന്നാം ഗോ​ള്‍ നേ​ടി​യ​തി​ന്‍റെ ആ​ത്മ​വി​ശ്വാ​സ​ത്തി​ല്‍ ലീ​സ്റ്റ​ര്‍ വീ​ണ്ടും ആ​ക്ര​മ​ണം അ​ഴി​ച്ചു​വി​ട്ടു. 39-ാം മി​നി​റ്റി​ല്‍ ഡാ​നി ഡ്രി​ങ്ക്‌​വാ​ട്ട​ര്‍ ലി​വ​ര്‍ പ്ര​തി​രോ​ധം ര​ണ്ടാ​മ​തും ത​ക​ര്‍ത്തു. ലി​വ​ര്‍ പ്ര​തി​രോ​ധ​ത്തി​ല്‍ നി​ന്ന് ല​ഭി​ച്ച ലൂ​സ് ബോ​ള്‍ മ​നോ​ഹ​ര​മാ​യ ഒ​രു ഹാ​ഫ് വോ​ളി​യി​ലൂ​ടെ ഡ്രി​ങ്ക്‌​വാ​ട്ട​ര്‍ പോ​സ്റ്റി​ലേ​ക്ക് പാ​യി​ച്ചു.


പ​രാ​ജ​യം മ​ണ​ത്ത ലി​വ​ര്‍പൂ​ളാ​യി​രു​ന്നു ര​ണ്ടാം പ​കു​തി​യി​ല്‍ ഉ​ണ​ര്‍ന്നു ക​ളി​ച്ച​ത്. എ​ന്നാ​ല്‍, ഗോ​ള്‍ നേ​ടി​യ​താ​ക​ട്ടെ ലീ​സ്റ്റ​റും. ഇ​ത്ത​വ​ണ വ​ഴി​യൊ​രു​ക്കി​യ​ത് ക്രി​സ്റ്റി​യ​ന്‍ ഫു​ഷ്യ​സ്. ഇ​ടതു​വിം​ഗി​ല്‍ മ​ഹ​രെ​സും ഫു​ഷ്യ​സും മെ​ന​ഞ്ഞ നീ​ക്ക​ത്തി​നൊ​ടു​വി​ല്‍ ല​ഭി​ച്ച സു​ന്ദ​ര​മാ​യ ക്രോ​സി​ല്‍ വാ​ര്‍ഡി ത​ല​വ​ച്ചു. ലീ​സ്റ്റ​റി​നു മൂ​ന്നു ഗോ​ള്‍ ലീ​ഡ്. ഒ​രു ഗോ​ളെ​ങ്കി​ലും നേ​ടാ​ന്‍ കി​ണ​ഞ്ഞു പ​രി​ശ്ര​മി​ച്ച ലി​വ​ര്‍ എ​ട്ടു മി​നി​റ്റു​ക​ള്‍ക്കു ശേ​ഷം ലീ​സ്റ്റ​ര്‍ പ്ര​തി​രോ​ധം പൊ​ളി​ച്ചു. എ​മ​റെ കാ​ന്‍ ബോ​ക്‌​സി​ന​ട​ുത്തു ന​ട​ത്തി​യ നീ​ക്ക​ത്തി​നൊ​ടു​വി​ല്‍ കാ​ന്‍ ഫി​ലി​പ്പെ കു​ട്ടീ​ഞ്ഞോ​യ്ക്കു പ​ന്ത് പാ​സ് ചെ​യ്തു. ബ്ര​സീ​ല്‍ താ​ര​ത്തി​ന്‍റെ മ​നോ​ഹ​ര​മാ​യ ഷോ​ട്ട് ലീ​സ്റ്റ​ര്‍ ഗോ​ളി​യെ പ​രാ​ജ​യ​പ്പെ​ടു​ത്തി വ​ല​യി​ല്‍ ക​ട​ന്നു. പി​ന്നീ​ട് മി​ക​ച്ച നീ​ക്ക​ങ്ങ​ള്‍ ലി​വ​ര്‍പൂ​ള്‍ ന​ട​ത്തി​യെ​ങ്കി​ലും മ​ത്സ​രം ആ​വേ​ശ​ത്തി​ലെ​ത്തി​ക്കാ​ന്‍ ഗോ​ൾ നേ​ടാ​ന്‍ മാ​ത്രം അ​വ​ര്‍ക്കു സാ​ധി​ച്ചി​ല്ല. ഈ ​മ​ത്സ​രം ജ​യി​ച്ചി​രു​ന്നെ​ങ്കി​ല്‍ ലി​വ​ര്‍പൂ​ളി​ന് ആ​ഴ്‌​സ​ണി​ലി​നെ മ​റി​ക​ട​ന്നു മൂ​ന്നാം സ്ഥാ​ന​ത്തെ​ത്തി​യി​രു​ന്നു. 26 ക​ളി​യി​ല്‍ 49 പോ​യി​ന്‍റു​ള്ള ലി​വ​ര്‍ അ​ഞ്ചാം സ്ഥാ​ന​ത്താ​ണ്. അ​ത്ര​യും ക​ളി​യിൽനി​ന്ന് 24 പോ​യി​ന്‍റു​ള്ള ലീ​സ്റ്റ​ര്‍ 15-ാം സ്ഥാ​ന​ത്താ​ണ്. ഈ ​വി​ജ​യ​ത്തോ​ടെ ത​രം​താ​ഴ്ത്ത​ല്‍ മേ​ഖ​ല​യി​ല്‍ നി​ന്ന് ര​ണ്ടു​പ​ടി ക​യ​റാ​ന്‍ നി​ല​വി​ലെ ചാ​മ്പ്യ​ന്മാ​ര്‍ക്കു സാ​ധി​ച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.