ശ്രേയസ് അയ്യരെ മെരുക്കാന്‍ ഓസീസ് താരങ്ങളുടെ സ്ലെഡ്ജിംഗ് : Deepika.com Sports News |

Click here for detailed news of all items

ശ്രേയസ് അയ്യരെ മെരുക്കാന്‍ ഓസീസ് താരങ്ങളുടെ സ്ലെഡ്ജിംഗ്

Saturday, February 18, 2017 1:54 PM IST

പൂന: ഓസീസിനെതിരേയുള്ള ത്രിദിന സന്നാഹ മത്സരത്തില്‍ മികച്ച പ്രകടനം നടത്തുന്ന ഇന്ത്യ എ യുടെ ശ്രേയസ് അയ്യരെ മെരുക്കാന്‍ ഓസീസ് താരങ്ങളുടെ സ്ലെഡ്ജിംഗ്. ഓസീസ് ബൗളര്‍മാരെ കണക്കറ്റു പ്രഹരിച്ച യുവതാരത്തിന്‍റെ ആത്മവിശ്വാസം തകര്‍ക്കാനായിരുന്നു മോശം വാക്കുകളിലൂടെ ഓസീസ് വൈസ് ക്യാപ്റ്റന്‍ ഡേവിഡ് വാര്‍ണറുടെയും വിക്കറ്റ് കീപ്പര്‍ മാത്യു വേഡിന്‍റെയും ശ്രമം. ശ്രേയസിന് ആക്രമിച്ചുകളിക്കാന്‍ മാത്രമേ അറിയുകയുള്ളൂവെന്നും പ്രതിരോധിക്കാന്‍ അറിയില്ലെന്നുമായിരുന്നു ഓസീസ് താരങ്ങളുടെ ചില വാക്കുകള്‍.

വേഡാണ് ആദ്യ സ്ലെഡ്ജിംഗ് തുടങ്ങിയതെങ്കിലും പിന്നീട് വാര്‍ണറും ഒപ്പം കൂടി. ഇക്കാര്യങ്ങള്‍ ശ്രേയസ് അയ്യര്‍ തന്നെയാണ് വെളിപ്പെടുത്തിയത്. ഇന്ത്യ എ ടീമിനൊപ്പം ഓസ്‌ട്രേലയിയയില്‍ പര്യടനം നടത്താന്‍ സാധിച്ചിരുന്നതുകൊണ്ട് ഇത്തരത്തിലുള്ള സ്ലെഡ്ജിംഗുമായി പൊരുത്തപ്പെട്ടിരുന്നെന്നും ശ്രേയസ് പറഞ്ഞു. മത്സരത്തില്‍ ഓസീസിന്‍റെ പ്രതീക്ഷകള്‍ തെറ്റിച്ച് മികച്ച പ്രകടനമാണ് ശ്രേയസ് പുറത്തെടുത്തത്. ഇന്ത്യ എ തകര്‍ച്ചയിലേക്കെന്ന് തോന്നിപ്പിച്ച നിമിഷത്തില്‍ മൂന്നാം നമ്പറില്‍ ക്രീസിലെത്തിയ ശ്രേയസ് പുറത്താകാതെ 85 റണ്‍സെടുത്തിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.