Sports News
ഇ​തി​ഹാ​സ​ങ്ങ​ളു​ടെ തി​രി​ച്ചുവ​ര​വി​നു കാ​തോ​ര്‍ത്ത്
ഇ​തി​ഹാ​സ​ങ്ങ​ളു​ടെ തി​രി​ച്ചുവ​ര​വി​നു കാ​തോ​ര്‍ത്ത്
Sunday, January 15, 2017 10:30 AM IST
സീ​സ​ണി​ലെ ആ​ദ്യ ഗ്രാ​ന്‍ഡ്‌​സ്‌​ലാ​മാ​യ ഓ​സ്‌​ട്രേ​ലി​യ​ന്‍ ഓ​പ്പ​ണ് ഇ​ന്നു കൊ​ടി​യേ​റ്റ്. ഇ​തി​ഹാ​സ താ​ര​ങ്ങ​ളാ​യ റോ​ജ​ര്‍ ഫെ​ഡ​റ​റും റാ​ഫേ​ല്‍ ന​ദാ​ലും കി​രീ​ട പ്ര​തീ​ക്ഷ​ക​ളു​മാ​യി ക​ള​ത്തി​ലി​റ​ങ്ങു​മ്പോ​ള്‍ തീ​പാ​റു​ന്ന പോ​രാ​ട്ട​ങ്ങ​ള്‍ക്കാ​യി​രി​ക്കും മെ​ല്‍ബ​ണി​ലെ റോ​ഡ് ലെ​വ​ര്‍ അ​രീ​ന സാ​ക്ഷ്യം വ​ഹി​ക്കു​ക. ആ​റു​വ​ട്ടം ഓ​സ്‌​ട്രേ​ലി​യ​ന്‍ ഓ​പ്പ​ണ്‍ നേ​ടിയ ഇ​തി​ഹാ​സ താ​രം റോ​യ് എ​മേ​ഴ്‌​സ​നൊ​പ്പം റി​ക്കാ​ര്‍ഡ് പ​ങ്കി​ടു​ന്ന സെ​ര്‍ബി​യ​യു​ടെ മു​ന്‍ ലോ​ക ഒ​ന്നാം ന​മ്പ​ര്‍ നൊ​വാ​ക് ജോ​ക്കോ​വി​ച്ച്, അ​ഞ്ചു​ത​വ​ണ ഫൈ​ന​ലി​ല്‍ എ​ത്തി​യി​ട്ടും ഒ​രി​ക്ക​ല്‍ പോ​ലും കി​രീ​ടം നേ​ടാ​നാ​കാ​ത്ത ലോ​ക ഒ​ന്നാം ന​മ്പ​ര്‍ ആ​ന്‍ഡി മു​റേ, ക​ഴി​ഞ്ഞ വ​ര്‍ഷ​ത്തെ യു​എ​സ് ഓ​പ്പ​ണ്‍ നേ​ടി.

ബി​ഗ് ഫോ​ര്‍ ബി​ഗ് ഫൈ​വാ​ക്കി മാ​റ്റി​യ സ്വി​സ് താ​രം സ്റ്റാ​നി​സ്‌​ലാ​സ് വാ​വ്‌​റി​ങ്ക എ​ന്നി​വ​രും കി​രീ​ടം ല​ക്ഷ്യ​മാ​ക്കി​ത്ത​ന്നെ​യാ​ണ് ക​ള​ത്തി​ലി​റ​ങ്ങു​ക.
ആ​റു മാ​സ​ത്തെ ഇ​ട​വേ​ള​യ്ക്കു ശേ​ഷം ടെ​ന്നീ​സ് കോ​ര്‍ട്ടി​ലേ​ക്കു മ​ട​ങ്ങി​യെ​ത്തി​യ ഇ​തി​ഹാ​സ താ​രം റോ​ജ​ര്‍ ഫെ​ഡ​റ​ര്‍ ഹോ​പ്മാ​ന്‍ ക​പ്പി​ലെ പ്ര​ക​ട​ന​ത്തി​ലൂ​ടെ ആ​രാ​ധ​ക​രു​ടെ പ്ര​തീ​ക്ഷ വാ​നോ​ള​മു​യ​ര്‍ത്തു​ന്നു. ഹോ​പ്മാ​ന്‍ ക​പ്പി​ല്‍ ബ്രി​ട്ടീ​ഷ് താ​രം ഡാ​നി​യേ​ല്‍ ഇ​വാ​ന്‍സ്, ഫ്ര​ഞ്ച് താ​രം റി​ച്ചാ​ര്‍ഡ് ഗാ​സ്‌​കെ എ​ന്നി​വ​രെ നേ​രി​ട്ടു​ള്ള സെ​റ്റു​ക​ള്‍ക്ക് ത​ക​ര്‍ത്തു വി​ട്ട ഫെ​ഡ് എ​ക്‌​സ്പ്ര​സി​ന് അ​ടി​പ​ത​റി​യ​ത് ജ​ര്‍മ​നി​യു​ടെ പു​ത്ത​ന്‍ താ​രോ​ദ​യം അ​ല​ക്‌​സാ​ണ്ട​ര്‍ സ്വ​രേ​വി​നു മു​ന്നി​ല്‍ മാ​ത്രം. 37-ാം വ​യ​സി​ല്‍ കെ​ന്‍ റോ​സ് വാ​ളി​ന് ഗ്രാ​ന്‍ഡ്‌​സ്‌​ലാം നേ​ടാ​മെ​ങ്കി​ല്‍ ഇ​തി​ഹാ​സ​താ​രം ഫെ​ഡ​റ​ര്‍ക്കും കി​രീ​ടം ചൂ​ടാ​നാ​കു​മെ​ന്നാ​ണ് ആ​രാ​ധ​ക​രു​ടെ പ്ര​തീ​ക്ഷ.

ക​ളി​മ​ണ്‍കോ​ര്‍ട്ടി​ലെ രാ​ജ​കു​മാ​ര​ന്‍ റാ​ഫേ​ല്‍ ന​ദാ​ലി​നും ഇ​ത് പ്ര​തീ​ക്ഷ​യു​ടെ വ​ര്‍ഷ​മാ​ണ്. സീ​സ​ണു മു​ന്നോ​ടി​യാ​യി അ​ബു​ദാ​ബി​യി​ല്‍ ന​ട​ന്ന മു​ബ​ദാ​ലാ പ്ര​ദ​ര്‍ശ​ന ടൂ​ര്‍ണ​മെ​ന്‍റി​ല്‍ കി​രീ​ട​മ​ണി​ഞ്ഞാ​ണ് ന​ദാ​ല്‍ പ്ര​തീ​ക്ഷ​ക​ള്‍ സ​ജീ​വ​മാ​ക്കു​ന്ന​ത്. ക​ഴി​ഞ്ഞ സീ​സ​ണി​ല്‍ മോ​ണ്ടി കാ​ര്‍ലോ ഓ​പ്പ​ണി​ലും ബാ​ഴ്സ​ലോ​ണ ഓ​പ്പ​ണി​ലും മാ​ത്ര​മാ​ണ് ന​ദാ​ലി​ന് വി​ജ​യം കൊ​യ്യാ​നാ​യ​ത്. എ​ന്നാ​ല്‍ ഡ​ബി​ള്‍സി​ല്‍ ന​ദാ​ല്‍ ഏ​റ്റ​വു​മ​ധി​കം നേ​ട്ട​ങ്ങ​ള്‍ കൊ​യ്ത വ​ര്‍ഷ​മാ​യി​രു​ന്നു 2016. ഇ​തൊ​ക്കെ​യാ​ണെ​ങ്കി​ലും 14 ഗ്രാ​ന്‍ഡ്‌​സ്‌​ലാം സ്വ​ന്ത​മാ​യു​ള്ള ന​ദാ​ലി​ന് 15-ാം കി​രീ​ടം നേ​ട​ണ​മെ​ങ്കി​ല്‍ കു​റ​ച്ചു വി​യ​ര്‍പ്പൊ​ഴു​ക്കേ​ണ്ടി വ​രും.

നി​ല​വി​ലെ ഒ​ന്നാം ന​മ്പ​റും ഒ​ളി​മ്പി​ക് ചാ​മ്പ്യ​നു​മാ​യി​രു​ന്ന ആ​ന്‍ഡി മു​റെ​യു​ടെ ക​രി​യ​റി​ലെ ഏ​റ്റ​വും മി​ക​ച്ച വ​ര്‍ഷ​മാ​യി​രു​ന്നു 2016, ഒ​ളി​മ്പി​ക് സ്വ​ര്‍ണ​ത്തി​നു പു​റ​മേ വിം​ബി​ള്‍ഡ​ണ്‍, എ​ടി​പി ടൂ​ര്‍ ഫൈ​ന​ല്‍സ് കീ​രി​ട​ങ്ങ​ളും മു​റേ​യു​ടെ ഷോ​ക്കേ​സി​ന് അ​ല​ങ്കാ​ര​മാ​യി. എ​ന്നാ​ല്‍ പു​തു​വ​ര്‍ഷം മു​റേ​യ്ക്ക് അ​ത്ര ശു​ഭ​ക​ര​മ​ല്ല. മു​ബ​ദാ​ല പ്ര​ദ​ര്‍ശ​ന ടൂ​ര്‍ണ​മെ​ന്‍റി​ന്‍റെ സെ​മി​യി​ല്‍ െബ​ല്‍ജി​യ​ന്‍ താ​രം ഡേ​വി​ഡ് ഗോ​ഫി​നോ​ടു പ​രാ​ജ​യ​പ്പെ​ട്ട​ത് മു​റേ​യ്ക്കു തി​രി​ച്ച​ടി​യാ​യി. ഖ​ത്ത​ര്‍ ഓ​പ്പ​ണി​ല്‍ ഫൈ​ന​ലി​ലെ​ത്തി​യെ​ങ്കി​ലും നോ​വാ​ക് ജോ​ക്കോ​വി​ച്ചി​നു മു​മ്പി​ല്‍ പ​രാ​ജ​യ​പ്പെ​ട്ടു.

ജോക്കോവിച്ച് ചരിത്രനേട്ടത്തിന് അരികേ

സെ​ര്‍ബി​യ​യു​ടെ ലോ​ക ര​ണ്ടാം ന​മ്പ​ര്‍താ​രം നൊ​വാ​ക് ജോ​ക്കോ​വി​ച്ചി​ന് പു​തു​വ​ര്‍ഷം പ്ര​തീ​ക്ഷ​യു​ടേ​താ​ണ്. ഖ​ത്ത​ര്‍ ഓ​പ്പ​ണ്‍ ഫൈ​ന​ലി​ല്‍ മു​റേ​യെ പ​രാ​ജ​യ​പ്പെ​ടു​ത്തി കി​രീ​ടം നേ​ടി​യ​ത് സെ​ര്‍ബ് താ​ര​ത്തി​ന്‍റെ ആ​ത്മ​വി​ശ്വാ​സം ഉ​യ​ര്‍ത്തി​യി​രി​ക്കു​ക​യാ​ണ്. ഈ ​വി​ജ​യ​ത്തോ​ടെ ടൂ​ര്‍ ഫൈ​ന​ല്‍സി​ലെ തോ​ല്‍വി​ക്കു മ​ധു​ര പ്ര​തി​കാ​രം വീ​ട്ടാ​നും ജോ​ക്കോ​വി​ച്ചി​നാ​യി. ക​ഴി​ഞ്ഞ വ​ര്‍ഷ​ത്തി​ന്‍റെ തു​ട​ക്ക​ത്തി​ലു​ണ്ടാ​യ കു​തി​പ്പ് നി​ല നി​ര്‍ത്താ​ന്‍ ക​ഴി​യാ​തെ പോ​യ​താ​യി​രു​ന്നു ജോ​ക്കോ​വി​ച്ചി​ന് വി​ന​യാ​യ​ത്. ഓ​സ്‌​ട്രേ​ലി​യ​ന്‍,ഫ്ര​ഞ്ച് ഓ​പ്പ​ണു​ക​ള്‍ നേ​ടി​യ ജോ​ക്കോ​വി​ച്ച് ക​രി​യ​ര്‍ ഗ്രാ​ന്‍ഡ്സ്‌​ലാം തി​ക​യ്ക്കു​ന്ന എ​ട്ടാ​മ​ത്തെ പു​രു​ഷ താ​ര​മാ​വു​ക​യും ചെ​യ്തു. ഇ​ത്ത​വ​ണ കി​രീ​ടം ചൂ​ടി​യാ​ല്‍ ഏ​റ്റ​വു​മ​ധി​കം ഓ​സ്‌​ട്രേ​ലി​യ​ന്‍ ഓ​പ്പ​ണ്‍ കി​രീ​ടം നേ​ടി​യ​തി​ന്‍റെ റി​ക്കാ​ര്‍ഡ് ജോ​ക്കോ​വി​ച്ചി​ന് ഒ​റ്റ​യ്ക്കു സ്വ​ന്ത​മാ​ക്കാം.

തു​ട​ര്‍ച്ച​യാ​യ മൂ​ന്നു​വ​ര്‍ഷം ഗ്രാ​ന്‍ഡ്‌​സ്്‌​ലാം കി​രീ​ടം നേ​ടി​യ സ്വി​സ് താ​രം സ്റ്റാ​നി​സ്്‌​ലാ​സ് വാ​വ്‌​റി​ങ്ക​യും പ്ര​തീ​ക്ഷ​യി​ലാ​ണ്. 2014ല്‍ ​അ​പ്ര​തീ​ക്ഷ പ്ര​ക​ട​ന​ത്തി​ലൂ​ടെ​യാ​ണ് വാ​വ്‌​റി​ങ്ക ഓ​സ്‌​ട്രേ​ലി​യ​ന്‍ ഓ​പ്പ​ണ്‍ നേ​ടി​യ​ത്. ആ ​നേ​ട്ടം ആ​വ​ര്‍ത്തി​ക്കാ​നാ​വും താ​രം ശ്ര​മി​ക്കു​ക.

വ​നി​താ വി​ഭാ​ഗ​ത്തി​ല്‍ ഇ​തി​ഹാ​സ താ​രം സെ​റീ​നാ വി​ല്യം​സ് ക​ഴി​ഞ്ഞ വ​ര്‍ഷ​ത്തെ കി​രീ​ട​ന​ഷ്ടം നി​ക​ത്താ​നു​ദ്ദേ​ശി​ച്ചാ​വും ക​ള​ത്തി​ലി​റ​ങ്ങു​ക. ക​ഴി​ഞ്ഞ വ​ര്‍ഷം നി​ല​വി​ലെ ഒ​ന്നാം ന​മ്പ​ര്‍ ആ​ഞ്ച​ലി​ക് കെ​ര്‍ബ​റി​ന് കി​രീ​ടം അ​ടി​യ​റ​ വ​ച്ച സെ​റീ​ന വിം​ബി​ള്‍ഡ​ണി​ല്‍ കെ​ര്‍ബ​റെ വീ​ഴ്ത്തി 22-ാം ഗ്രാ​ന്‍ഡ്‌​സ്്‌​ലാം നേ​ടി. പി​ന്നീ​ട് പ​രി​ക്ക് സെ​റീ​ന​യെ വ​ല​ച്ചു. ഒ​ന്നാം ന​മ്പ​ര്‍ ന​ഷ്ട​മാ​വു​ക​യും ചെ​യ്തു. ഇ​ക്കു​റി കി​രീ​ടം നേ​ടി ഒ​ന്നാം ന​മ്പ​ര്‍ തി​രി​ച്ചു പി​ടി​ക്കു​ക​യാ​യി​രി​ക്കും സെ​റീ​ന​യു​ടെ ല​ക്ഷ്യം. ഇ​തി​ഹാ​സ താ​രം മാ​ര്‍ഗ​ര​റ്റ് കോ​ര്‍ട്ടി​ന്‍റെ 24 ഗ്രാ​ന്‍ഡ്‌​സ്‌​ലാം കി​രീ​ടം എ​ന്ന റി​ക്കാ​ര്‍ഡി​ന് വെ​റും ര​ണ്ടു കി​രീ​ടം അ​ക​ലെ​യാ​ണ് സെ​റീ​ന. ലോ​ക ഒ​ന്നാം ന​മ്പ​ര്‍ ജ​ര്‍മ​നി​യു​ടെ ആ​ഞ്ജ​ലി​ക് കെ​ര്‍ബ​റി​ന്റെ ക​രി​യ​റി​ലെ ഏ​റ്റ​വും മി​ക​ച്ച വ​ര്‍ഷ​മാ​യി​രു​ന്നു ക​ട​ന്നുപോ​യ​ത്. ഓ​സ്‌​ട്രേ​ലി​യ​ന്‍, യു​എ​സ് ഓ​പ്പ​ണു​ക​ള്‍ നേ​ടി​യ കെ​ര്‍ബ​ര്‍ വിം​ബി​ള്‍ഡ​ണി​ല്‍ ഫൈ​ന​ലി​ലു​മെ​ത്തി. കൂ​ടാ​തെ സ്റ്റെ​ഫി ഗ്രാ​ഫി​നു ശേ​ഷം ഒ​ന്നാം ന​മ്പ​റി​ലെ​ത്തു​ന്ന ആ​ദ്യ ജ​ര്‍മ​ന്‍ വ​നി​ത എ​ന്ന നേ​ട്ട​വും സ്വ​ന്ത​മാ​ക്കി.

റി​യോ ഒ​ളി​മ്പി​ക്‌​സി​ല്‍ അ​പ്ര​തീ​ക്ഷ​മാ​യി വെ​ള്ളി​യി​ലൊ​തു​ങ്ങി എ​ന്ന​തു മാ​ത്ര​മാ​യി​രു​ന്നു കെ​ര്‍ബ​റി​ന് സം​ഭ​വി​ച്ച ന​ഷ്ടം. എ​ന്നാ​ല്‍ പു​തു​വ​ര്‍ഷം കെ​ര്‍ബ​റി​ന് ക​യ്പു നി​റ​ഞ്ഞ​താ​യി​രു​ന്നു. സി​ഡ്‌​നി ഇ​ന്‍റ​ര്‍നാ​ഷ​ണ​ല്‍ ടൂ​ര്‍ണ​മെ​ന്‍റില്‍ ലോ​ക 26-ാം ന​മ്പ​ര്‍ റ​ഷ്യ​യു​ടെ ഡാ​രി​യ ക​സാ​റ്റ്കി​ന​യോ​ട് നേ​രി​ട്ടു​ള്ള സെ​റ്റു​ക​ള്‍ക്ക് തോ​ല്‍വി ഏ​റ്റു​വാ​ങ്ങി. അ​തും ആ​ദ്യ റൗ​ണ്ടി​ല്‍.

ഫ്ര​ഞ്ച് ഓ​പ്പ​ണ്‍ ചാ​മ്പ്യ​ന്‍ സ്‌​പെ​യി​നി​ന്‍റെ ഗാ​ര്‍ബി​ന്‍ മു​ഗു​രു​സ, യു.​എ​സ് ഓ​പ്പ​ണ്‍ ഫൈ​ന​ലി​സ്റ്റാ​യ ചെ​ക് താ​രം ക​രോ​ളി​നാ പ്ലി​സ്‌​കോ​വ എ​ന്നി​വ​രും പ്ര​തീ​ക്ഷ​യി​ലാ​ണ്. ബ്രി​സ്‌​ബെ​യ്ന്‍ ഇ​ന്‍റ​ര്‍നാ​ഷ​ണ​ലി​ലെ കി​രീ​ട​നേ​ട്ട​ത്തോ​ടെ പ്ലി​സ്‌​ക്കോ​വ ഓ​സ്‌​ട്രേ​ലി​യ​ന്‍ ഓ​പ്പ​ണി​ല്‍ കി​രീ​ട​പ്പോ​രാ​ട്ടം ക​ടു​ക്കും എ​ന്ന സൂ​ച​ന​യാ​ണ് ന​ല്‍കു​ന്ന​ത്. ലോ​ക നാ​ലാം ന​മ്പ​ര്‍ റൊ​മാ​നി​യ​യു​ടെ സി​മോ​ണാ ഹാ​ലെ​പും കി​രീ​ട പ്ര​തീ​ക്ഷ കൈ​വി​ട്ടി​ട്ടി​ല്ല. ആ​റാം ന​മ്പ​ര്‍ സ്ലൊ​വാ​ക്യ​യു​ടെ ഡൊ​മി​നി​ക്ക ചി​ബു​ല്‍ക്കോ​വ, അ​മേ​രി​ക്ക​യു​ടെ ലോ​ക എ​ട്ടാം ന​മ്പ​ര്‍ മാ​ഡി​സ​ണ്‍ കീ​സ് എ​ന്നി​വ​രും പോ​രാ​ട്ട​ത്തി​നൊ​രു​ങ്ങി​ത്ത​ന്നെ​യാ​ണ് കോ​ര്‍ട്ടി​ലി​റ​ങ്ങു​ക. ക​ഴി​ഞ്ഞ വ​ര്‍ഷം മി​ക​ച്ച പ്ര​ക​ട​നം ന​ട​ത്തി​യ ബ്രി​ട്ടീ​ഷ് താ​രം ജോ​ഹാ​ന്നാ കൊ​ന്‍റ, ര​ണ്ടു​വ​ട്ടം വിം​ബി​ള്‍ഡ​ൺ ചാ​മ്പ്യ​നാ​യ ചെ​ക് താ​രം പെ​ട്രാ ക്വി​റ്റോ​വ എ​ന്നി​വ​രും മ​ത്സ​ര​ച്ചൂ​ട് കൂ​ട്ടും.

സാനിയ സഖ്യം

ഡ​ബി​ള്‍സി​ല്‍ ഇ​റ​ങ്ങു​ന്ന ഇ​ന്ത്യ​ന്‍ താ​രം സാ​നി​യ മി​ര്‍സ​യും തി​ക​ഞ്ഞ പ്ര​തീ​ക്ഷ​യി​ലാ​ണ് ബ്രി​സ്‌​ബെ​യ്‌​നി​ല്‍ കി​രീ​ട​നേ​ട്ട​ത്തോ​ടെ​യാ​ണ് സാ​നി​യ പു​തു​വ​ര്‍ഷം ആ​ഘോ​ഷി​ച്ച​ത്. ക​ഴി​ഞ്ഞ വ​ര്‍ഷം മാ​ര്‍ട്ടി​ന ഹിം​ഗി​സി​നൊ​പ്പം ഡ​ബി​ള്‍സ് കി​രീ​ടം നേ​ടി​യ സാ​നി​യ ഇ​ക്കു​റി ചെ​ക്് താ​രം ബാ​ര്‍ബ​റാ സ്‌​ട്രൈ​ക്കോ​വ​യ്‌​ക്കൊ​പ്പ​മാ​ണ് ക​ള​ത്തി​ലി​റ​ങ്ങു​ക. മി​ക്‌​സ​ഡ് ഡ​ബി​ള്‍സി​ല്‍ സെ​മി​യി​ലെ​ത്താ​നും സാ​നി​യ​യ്ക്കാ​യി​രു​ന്നു. ഇ​തി​ഹാ​സ താ​രം ലി​യാ​ൻഡ​ര്‍ പെ​യ്‌​സും രോ​ഹ​ണ്‍ ബൊ​പ്പ​ണ്ണ​യും മ​ത്സ​രി​ക്കാ​നി​റ​ങ്ങു​മ്പോ​ള്‍ ഇ​ന്ത്യ​ക്കു പ്ര​തീ​ക്ഷ​ക​ളേ​റെ​യാ​ണ്.

ഏ​താ​നും വ​ര്‍ഷ​മാ​യി വി​ല്ല​നാ​വാ​റു​ള്ള ചൂ​ട് താ​ര​ങ്ങ​ളെ ഇ​ക്കു​റി​യും വ​ല​യ്ക്കു​മെ​ന്നാ​ണ്ആശങ്ക. ചൂ​ടു മൂ​ലം മ​ത്സ​ര​ത്തി​നി​ടെ താ​ര​ങ്ങ​ള്‍ പി​ന്മാ​റു​ന്ന​ത് ഓ​സ്‌​ട്രേ​ലി​യ​ന്‍ ഓ​പ്പ​ണി​ലെ പ​തി​വു കാ​ഴ്ച​യാ​ണ്. പ​ല മ​ത്സ​ര​ങ്ങ​ളും നീ​ണ്ടു പോ​കു​ന്ന​തി​നു പി​ന്നി​ലും ക​ളി​ക്കു​ന്ന​ത് സൂ​ര്യ​ന്‍ ത​ന്നെ. പോ​രാ​ട്ട​ച്ചൂ​ടി​ല്‍ താ​ര​ങ്ങ​ള്‍ അ​തി​നെ​യെ​ല്ലാം മ​റി​ക​ട​ക്കു​മെ​ന്ന് പ്ര​തീ​ക്ഷി​ക്കാം.

അ​ജി​ത് ജി. ​നാ​യ​ര്‍
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.