മിന്നലായി ഗാറ്റ്ലിൻ; 100 മീറ്ററിൽ മികച്ച സമയം
മിന്നലായി ഗാറ്റ്ലിൻ; 100 മീറ്ററിൽ മികച്ച സമയം
Sunday, May 29, 2016 3:18 AM IST
ഒറിഗോൺ: പ്രെഫോൺടെയ്ൻ ക്ലാസിക് (ഒറിഗോൺ) ഡയമണ്ട് ലീഗിൽ അമേരിക്കയുടെ ജസ്റ്റിൻ ഗാറ്റ്ലിൻ 100 മീറ്ററിൽ മിന്നൽപ്പിണറായി സ്വർണത്തിൽ മുത്തമിട്ടു. ഈ വർഷത്തെ മികച്ച സമയം കുറിച്ചാണ് ഗാറ്റ്ലിൻ സ്വർണത്തിൽ മുത്തമിട്ടത്. 9.88 സെക്കൻഡിൽ ഗാറ്റ്ലിൻ 100 മീറ്റർ പിന്നിട്ടു. ജമൈക്കയുടെ അസഫ പവൽ 9.94 സെക്കൻഡുമായി വെള്ളി സ്വന്തമാക്കിയപ്പോൾ അമേരിക്കയുടെ ടൈസൺ ഗെ മൂന്നാം സ്‌ഥാനത്ത് ഫിനിഷ് ചെയ്തു. 9.98 സെക്കൻഡിലാണ് ടൈസൺ വെങ്കലം സ്വന്തമാക്കിയത്.<യൃ><യൃ>ഈ മാസം ആദ്യം ഷാങ്ഹായ് ഡയമണ്ട് ലീഗിലും ഗാറ്റ്ലിൻ സ്വർണം സ്വന്തമാക്കിയിരുന്നു. ഖത്തറിന്റെ ഫെമി ഒഗുനോഡെ ഏപ്രിലിൽ ഫ്ളോറിഡയിൽ കുറിച്ച 9.91 സെക്കൻഡായിരുന്നു ഈ വർഷത്തെ ഇതുവരെയുണ്ടായിരുന്ന മികച്ച സമയം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.