പ്രതീക്ഷ നിലനിര്‍ത്തി കിംഗ്സ് ഇലവന്‍
ധര്‍മശാല: ഡല്‍ഹി ഡെയര്‍ഡെവിള്‍സിനെഏഴു റണ്‍സിനു തോല്പിച്ച് പഞ്ചാബ് കിംഗ്സ് ഇലവന്‍ പ്ളേഓഫ് പ്രതീക്ഷ നിലനിര്‍ത്തി. ആദ്യം ബാറ്റു ചെയ്ത പഞ്ചാബ് നാലു വിക്കറ്റിന് 171 റണ്‍സ് എടുത്തു. ഡല്‍ഹിക്ക് ഏഴു വിക്കറ്റ് നഷ്ടപ്പെടുത്തി 164 റണ്‍സ് എടുക്കാനേകഴിഞ്ഞുള്ളൂ.

മുന്‍നിരബാറ്റ്സ്മാന്മാരുടെ മിന്നും പ്രകടനങ്ങളാണ് പഞ്ചാബിനു മെച്ചപ്പെട്ട സ്കോര്‍ നല്കിയത്. ഗില്‍ക്രിസ്റ് 26 പന്തില്‍ അഞ്ചു ബൌണ്ടറിയും രണ്ട് സിക്സുമടക്കം 42 റണ്‍സ് നേടി പഠാനു കീഴടങ്ങി. ഷോണ്‍ മാര്‍ഷ് 44 പന്തില്‍ 45 റണ്‍സ് നേടി. അവസാന ഓവറുകളില്‍ ആഞ്ഞടിച്ച ഡേവിഡ് മില്ലര്‍ 24 പന്തില്‍ നാലു സിക്സും മൂന്നു ബൌണ്ടറിയുമടക്കം 44 റണ്‍സ് നേടി. സതീഷ് 13 പന്തില്‍ 22 റണ്‍സ് നേടി. ഡല്‍ഹിക്കുവേണ്ടി ആശിഷ് നെഹ്റ രണ്ടുവിക്കറ്റ് നേടി.


ഡല്‍ഹിക്കുവേണ്ടി റോഹ്റര്‍ 49ഉം സേവാഗ് 30ഉം ജയവര്‍ധനെ39ഉം റണ്‍സ് നേടി. പഞ്ചാബിന്റെ സന്ദീപ് ശര്‍മ മൂന്നും ചൌള രണ്ടും വിക്കറ്റുകള്‍ നേടി.

മറുപടി ബാറ്റിംഗിനിറങ്ങിയ ഡല്‍ഹിയുടെ തുടക്കം തകര്‍ച്ചയോടെയായിരുന്നു. 61 റണ്‍സെടുക്കുന്നതിനിടെ നാലു മുന്‍നിര വിക്കറ്റുകള്‍ അവര്‍ക്കു നഷ്ടമായി.