Business News
സ്റ്റാ​റ്റ​സ്ക്വോ ന​യം
സ്റ്റാ​റ്റ​സ്ക്വോ ന​യം
Wednesday, December 6, 2017 2:23 PM IST
പ്ര​തീ​ക്ഷി​ച്ച​തു​പോ​ലെ റി​സ​ർ​വ് ബാ​ങ്കി​ന്‍റെ പ​ണ​ന​യ അ​വ​ലോ​ക​നം. പ​ണ​ന​യ​ക​മ്മി​റ്റി (എം​പി​സി)​യു​ടെ ദ്വി​ദി​ന​യോ​ഗം നി​ര​ക്കു​ക​ൾ മാ​റ്റി​യി​ല്ല. ഉ​ട​നേ മാ​റ്റു​മെ​ന്നു സൂ​ചി​പ്പി​ച്ചു​മി​ല്ല.

ആ​റം​ഗ​ ക​മ്മി​റ്റി​യി​ൽ അ​ഞ്ചു പേ​രും മാ​റ്റം വേ​ണ്ട എ​ന്ന​ഭി​പ്രാ​യ​പ്പെ​ട്ടു. ര​വീ​ന്ദ്ര ധൊ​ലാ​കി​യ​മാ​ത്രം കാ​ൽ​ ശ​ത​മാ​നം കു​റ​യ്ക്ക​ൽ നി​ർ​ദേ​ശി​ച്ചു.

റി​സ​ർ​വ് ബാ​ങ്ക് ഭാ​വി​യെ​പ്പ​റ്റി പ​റ​യു​ന്ന കാ​ര്യ​ങ്ങ​ളാ​ണു ശ്ര​ദ്ധി​ക്കേ​ണ്ട​ത്.

1. വ​ള​ർ​ച്ച: ജി​വി​എ (മൊ​ത്ത​മൂ​ല്യ​വ​ർ​ധ​ന) വ​ള​ർ​ച്ച ഈ ​ധ​ന​കാ​ര്യ​വ​ർ​ഷം 6.7 ശ​ത​മാ​നം കൂ​ടു​മെ​ന്നു ബാ​ങ്ക് ക​രു​തു​ന്നു. (ജി​ഡി​പി​യി​ൽ​നി​ന്ന് പ​രോ​ക്ഷ​നി​കു​തി കു​റ​ച്ചു​ള്ള തു​ക​യാ​ണു ജി​വി​എ എ​ന്നു സാ​മാ​ന്യ​മാ​യി പ​റ​യാം). അ​ർ​ധ​വ​ർ​ഷ ജി​വി​എ വ​ർ​ധ​ന 5.85 ശ​ത​മാ​ന​മേ ഉ​ള്ളൂ. മു​ഴു​വ​ർ​ഷം 6.7 ശ​ത​മാ​നം വ​ര​ണ​മെ​ങ്കി​ൽ ഒ​ക്‌ടോ​ബ​ർ-​മാ​ർ​ച്ചി​ലെ വ​ള​ർ​ച്ച ഏ​ഴ​ര​ ശ​ത​മാ​ന​മെ​ങ്കി​ലും വ​ര​ണം. ര​ണ്ടു മാ​സ​ത്തെ സൂ​ച​ന​ക​ൾ അ​ത്ര മി​ക​ച്ച വ​ള​ർ​ച്ച പ്ര​തീ​ക്ഷ ന​ല്കു​ന്നി​ല്ല.

2. പ​ണ​പ്പെ​രു​പ്പം: അ​ടു​ത്ത ര​ണ്ടു ത്രൈ​മാ​സ​ങ്ങ​ളി​ലേ​ക്കു നേ​ര​ത്തേ ക​ണ​ക്കാ​ക്കി​യ പ​ണ​പ്പെ​രു​പ്പ​ത്തോ​ത് ബാ​ങ്ക് തി​രു​ത്തി. 4.2-4.6 ശ​ത​മാ​നം എ​ന്ന​ത് 4.3-4.7 എ​ന്നാ​ക്കി.

3. ബ​ജ​റ്റ് ക​മ്മി: ഗ​വ​ൺ​മെ​ന്‍റി​നു വ​രു​മാ​നം കു​റ​യു​ന്ന​തു ക​മ്മി വ​ർ​ധി​ക്കാ​നും പ​ണ​പ്പെ​രു​പ്പ​ത്തി​നും ഇ​ട​യാ​ക്കും. ജി​എ​സ്ടി നി​ര​ക്കു കു​റ​യ്ക്കു​ന്ന​തു വ​രു​മാ​നം താ​ഴ്ത്തും.


4. കൃ​ഷി: ഖാ​രി​ഫ് വി​ള​യി​ൽ അ​പ്ര​തീ​ക്ഷി​ത കു​റ​വ്. റാ​ബി കൃ​ഷി​സ്ഥ​ലം മു​ൻ​വ​ർ​ഷ​ത്തേ​ക്കാ​ൾ കു​റ​വാ​ണ്. കാ​ർ​ഷി​ക വ​ള​ർ​ച്ച കു​റ​യാം.

5. ബാ​ങ്കു​ക​ൾ: പൊ​തു​മേ​ഖ​ലാ ബാ​ങ്കു​ക​ൾ​ക്കു കൂ​ടു​ത​ൽ മൂ​ല​ധ​നം ന​ല്കു​ന്ന​ത് വാ​യ്പ വ​ർ​ധി​ക്കാ​ൻ ഇ​ട​യാ​ക്കും. ക​ഴി​ഞ്ഞ ആ​ഴ്ച​ക​ളി​ൽ വാ​യ്പ​യെ​ടു​ക്ക​ൽ വ​ർ​ധി​ച്ചി​ട്ടു​ണ്ട്.
ഇ​തെ​ല്ലാം റി​സ​ർ​വ് ബാ​ങ്കി​നെ സ്റ്റാ​റ്റ​സ്ക്വോ നി​ല​നി​ർ​ത്താ​നാ​ണു പ്രേ​രി​പ്പി​ച്ച​ത്. ധ​ന​മ​ന്ത്രാ​ല​യം മോ​ഹി​ച്ച​തു​പോ​ലെ പ​ലി​ശ​നി​ര​ക്ക് കു​റ​ച്ചി​ല്ല.

ഓ​ഹ​രി​ക​ന്പോ​ളം പ​ണ​ന​യ പ്ര​ഖ്യാ​പ​ന​ത്തി​നു​ശേ​ഷം കു​റേ​സ​മ​യം ചാ​ഞ്ചാ​ടി. ഒ​ടു​വി​ൽ വി​ദേ​ശ​പ്ര​വ​ണ​ത​ക​ളു​ടെ ചു​വ​ടു​പി​ടി​ച്ചു താ​ഴോ​ട്ടു​പോ​യി. നി​ഫ്റ്റി 74.2 പോ​യി​ന്‍റ് താ​ണു 10044.1 ലും ​സെ​ൻ​സെ​ക്സ് 205.26 പോ​യി​ന്‍റ് താ​ണ് 32597.18 ലും ​ക്ലോ​സ് ചെ​യ്തു.

ബാ​ങ്കു​ക​ൾ പ​ണ​ന​യ​ത്തി​ൽ സം​തൃ​പ്തി പ്ര​ക​ടി​പ്പി​ച്ചു. വ്യ​വ​സാ​യ​മേ​ഖ​ല പ​തി​വു​പോ​ലെ, പ​ലി​ശ കു​റ​യ്ക്കാ​ത്ത​തി​ൽ അ​തൃ​പ്തി അ​റി​യി​ച്ചു.

റ്റി.​സി. മാ​ത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.