ജിഎസ്ടി ഹെല്‍പ്പ്‌ലൈനും സോഫ്റ്റ്‌വേറും സജ്ജമാക്കുമെന്ന് മന്ത്രി തോമസ് ഐസക് : Deepika.com Business News |

Click here for detailed news of all items

ജിഎസ്ടി ഹെല്‍പ്പ്‌ലൈനും സോഫ്റ്റ്‌വേറും സജ്ജമാക്കുമെന്ന് മന്ത്രി തോമസ് ഐസക്

Saturday, October 21, 2017 11:15 AM IST

മലപ്പുറം: ജിഎസ്ടിയുമായി ബന്ധപ്പെട്ട സംശയനിവാരണത്തിന് കാര്യക്ഷമമായ സംവിധാനം ഒരുക്കുമെന്നും ചെറുകിടവ്യാപാരികള്‍ക്ക് സോഫ്റ്റ്‌വേർ വിതരണം ചെയ്യുമെന്നും ധനമന്ത്രി തോമസ് ഐസക്. കേരള പത്രപ്രവര്‍ത്തക യൂണിയന്‍ സംസ്ഥാന സമ്മേളനത്തിനു മുന്നോടിയായി നടന്ന സാമ്പത്തിക സമ്മേളനത്തില്‍ വ്യാപാര, വ്യവസായ, ബാങ്കിംഗ് മേഖലകളില്‍നിന്നുള്ള പ്രമുഖരുടെ ചോദ്യങ്ങള്‍ക്ക് മറുപടി നല്കുകയായിരുന്നു മന്ത്രി.

ജിഎസ്ടിയുമായി ബന്ധപ്പെട്ട് വ്യാപാരികള്‍ക്കും പൊതുജനങ്ങള്‍ക്കുമുള്ള സംശയങ്ങള്‍ക്ക് കൃത്യമായി മറുപടി ലഭിക്കുന്നില്ലെന്ന് ആക്ഷേപമുണ്ട്. അതു പരിഹരിക്കാന്‍ ചരക്കുനികുതി സര്‍ക്കിള്‍ ഓഫീസുകളെക്കൂടി കോര്‍ത്തിണക്കി ഏകോപനസംവിധാനം വരും. സംശയങ്ങള്‍ക്ക് ഉദ്യോഗസ്ഥര്‍ മറുപടി നല്കണം. വ്യക്തതയില്ലാത്ത ചോദ്യങ്ങള്‍ തിരുവനന്തപുരത്തെ ഹെല്‍പ്പ് ഡസ്‌കിലേക്കു വിടണം. നാഷണല്‍ ഇന്‍ഫമാറ്റിക്‌സ് സെന്‍ററിന്‍റെ സഹകരണത്തോടെയാണ് വ്യാപാരികള്‍ക്ക് ജിഎസ്ടി സോഫ്റ്റ്‌വേർ‍ ലഭ്യമാക്കുക.

ബില്ലിംഗിനൊപ്പം റിട്ടേണ്‍ ഓട്ടോമാറ്റിക് ആയി ലഭിക്കാനുള്ള സൗകര്യം അതുവഴി ലഭിക്കും. ജിഎസ്ടി നെറ്റ്‌വര്‍ക്ക് മിക്കപ്പോഴും പ്രവര്‍ത്തനരഹിതമാകുന്നത് പ്രയാസം സൃഷ്ടിക്കുന്നുണ്ട്. 26നു ചേരുന്ന ജിഎസ്ടി കൗണ്‍സിലില്‍ ഇക്കാര്യങ്ങള്‍ ഉന്നയിക്കുമെന്നും മന്ത്രി അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.