Business News
കർഷകസഹായത്തിനു തായ്‌ലൻഡ്; റബർവിലയിൽ ചലനസാധ്യത
കർഷകസഹായത്തിനു തായ്‌ലൻഡ്; റബർവിലയിൽ ചലനസാധ്യത
Sunday, June 18, 2017 10:58 AM IST
വിപണി വിശേഷം / കെ.ബി. ഉദയഭാനു

കാ​ർ​ഷി​ക സ​ഹ​ക​ര​ണ സം​ഘ​ങ്ങ​ൾ​ക്ക് വ​ൻ സാ​ന്പ​ത്തി​ക​സ​ഹാ​യ വാ​ഗ്ദാ​ന​ത്തി​ന് താ​യ്‌​ല​ൻ​ഡ് ഒ​രു​ങ്ങു​ന്നു, ബാ​ങ്കോ​ക്കി​നൊ​പ്പം ആ​ഗോ​ളവി​പ​ണി​യി​ലും റ​ബ​ർ​വി​ല​യി​ൽ ച​ല​നം പ്ര​തീ​ക്ഷി​ക്കാം. ഇ​റ​ക്കു​മ​തിഭീ​ഷ​ണി​യി​ൽ കു​രു​മു​ള​കുവി​ല വീ​ണ്ടും ഇ​ടി​ഞ്ഞു. പു​തി​യ ഏ​ല​ക്കവ​ര​വു വൈ​കി​യ​ത് ഇ​ട​പാ​ടു​കാ​രെ പി​രി​മു​റു​ക്ക​ത്തി​ലാ​ക്കി. വെ​ളി​ച്ചെ​ണ്ണ​വി​ല താ​ഴ്ന്നു. അ​മേ​രി​ക്ക പ​ലി​ശ​നി​ര​ക്കുയ​ർ​ത്തി​യ​ത് സ്വ​ർ​ണ​ത്തി​ന്‍റെ തി​ള​ക്ക​ത്തി​നു മ​ങ്ങ​ലേ​ൽ​പ്പി​ച്ചു.

റ​ബ​ർ

റ​ബ​ർ ക​ർ​ഷ​ക​രു​ടെ ര​ക്ഷ മു​ന്നി​ൽ ക​ണ്ട് താ​യ്‌​ല​ൻ​ഡ് വ​ൻ സാ​ന്പ​ത്തി​ക​പ​ദ്ധ​തി​ക​ൾ​ക്കു രൂ​പ​രേ​ഖ ത​യാ​റാ​ക്കി. വി​ല​ത്ത​ക​ർ​ച്ച മൂ​ലം ക​ർ​ഷ​ക​രും റ​ബ​ർ വി​പ​ണി​യും നേ​രി​ടു​ന്ന സാ​ന്പ​ത്തി​ക പ്ര​തി​സ​ന്ധി​ക്കു പ​രി​ഹാ​രം കാ​ണാ​നാ​കു​മെ​ന്ന പ്ര​തീ​ക്ഷയി​ലാ​ണു താ​യ്‌​ല​ൻ​ഡ്.
കാ​ർ​ഷി​ക സ​ഹ​ക​ര​ണ സം​ഘ​ങ്ങ​ൾ​ക്ക് 295 ദ​ശ​ല​ക്ഷം ഡോ​ള​റി​ന്‍റെ മൂ​ന്നു വ​ർ​ഷ​ത്തേ​ക്കു​ള്ള വാ​യ്പ​യ്ക്ക് താ​യ്‌​ല​ൻ​ഡ് കാ​ബി​ന​റ്റ് അം​ഗീ​ക​ാരം ന​ല്കി. വി​പ​ണി​ക്ക് അ​നു​കൂ​ല​മാ​യ വാ​ർ​ത്ത​ക​ൾ മു​ന്നി​ൽ ക​ണ്ട് ടോ​ക്കോ​മി​ൽ ഓ​പ്പ​റേ​റ്റ​ർ​മാ​ർ ഷോ​ട്ട് ക​വ​റിം​ഗി​ന് ഉ​ത്സാ​ഹി​ച്ചു. ഇ​ത് അ​വ​ധി​വ്യാ​പാ​ര കേ​ന്ദ്ര​ങ്ങ​ളി​ൽ റ​ബ​ർ​വി​ല ഉ​യ​ർ​ത്തി.

സാ​ന്പ​ത്തി​കസ​ഹാ​യം ല​ഭ്യ​മാ​കുന്ന​തോ​ടെ താ​യ് വി​പ​ണി സ​ജീ​വ​മാ​കും. വി​പ​ണി ചൂ​ടു​പി​ടി​ച്ചാ​ൽ റ​ബ​ർ ഉ​ത്പാ​ദ​ന​രം​ഗ​ത്തും ഉ​ണ​ർ​വ് അ​നു​ഭ​വ​പ്പെ​ടും. ലോ​ക​വി​പ​ണി​യി​ൽ താ​ത്കാ​ലി​ക​മാ​യി റ​ബ​ർ ത​ള​ർ​ച്ച​യെ മ​റി​ക​ട​ക്കാ​ൻ ഇ​ത് അ​വ​സ​ര​മൊ​രു​ക്കു​മെ​ന്ന​ത് ഇ​ന്ത്യ​ൻ മാ​ർ​ക്ക​റ്റി​നും നേ​ട്ട​മാ​ക്കും. അ​തേ​സ​മ​യം അ​വി​ടെ വെ​യ​ർ​ഹൗ​സു​ക​ളി​ൽ വി​റ്റ​ഴി​ക്കാ​നാ​വാ​തെ കെ​ട്ടി​ക്കി​ട​ക്കു​ന്ന റ​ബ​റി​ന്‍റെ കാ​ര്യ​ത്തി​ൽ ഇ​നി​യും തീ​രു​മാ​ന​മാ​യി​ല്ല. ഇ​തി​നി​ടെ, ഇ​ന്തോ​നേ​ഷ്യ​യും മ​ലേ​ഷ്യ​യും താ​യ്‌​ല​ൻ​ഡും റ​ബ​റി​ന്‍റെ പ്ര​തി​സ​ന്ധി ച​ർ​ച്ച ചെ​യ്യാ​ൻ ഈ ​വാ​രം യോ​ഗം ചേ​രു​ന്നു​ണ്ട്.

വാ​ര​ത്തി​ന്‍റെ ര​ണ്ടാം പ​കു​തി​യി​ൽ ട​യ​ർ നി​ർ​മാ​താ​ക്ക​ൾ സം​സ്ഥാ​ന​ത്തു​നി​ന്ന് കൂ​ടു​ത​ൽ ഷീ​റ്റ് സം​ഭ​രി​ക്കാ​ൻ ഉ​ത്സാ​ഹി​ച്ചു. എ​ന്നാ​ൽ, അ​വ​ർ​ക്ക് കാ​ര്യ​മാ​യി ച​ര​ക്ക് ല​ഭി​ച്ചി​ല്ല. നാ​ലാം ഗ്രേ​ഡി​ന്‍റെ വി​ല 11,900 രൂ​പ​യി​ൽ​നി​ന്ന് 12,200 വ​രെ ഉ​യ​ർ​ന്നു. ഈ ​വാ​രം നി​ര​ക്ക് ഇ​നി​യും ഉ​യ​രു​മെ​ന്ന നി​ഗ​മ​ന​ത്തി​ലാ​ണ് സ്റ്റോ​ക്കി​സ്റ്റു​ക​ൾ. ഷീ​റ്റ് വി​ല കി​ലോ 130-135 റേ​ഞ്ചി​ലേ​ക്ക് ഉ​യ​ർ​ന്നാ​ൽ ടാ​പ്പിം​ഗ് രം​ഗ​ത്ത് ഉ​ണ​ർ​വു പ്ര​തീ​ക്ഷി​ക്കാം. അ​തേ​സ​മ​യം, അ​ടു​ത്ത വാ​ര​ത്തി​ലെ​ങ്കി​ലും ഉ​ത്പാ​ദ​ക​ർ തോ​ട്ട​ങ്ങ​ളി​ൽ താ​ത്പ​ര്യം കാ​ണി​ച്ചി​ല്ലെ​ങ്കി​ൽ ജൂ​ലൈ​യി​ൽ റ​ബ​ർ വ്യാ​പാ​രം പ്ര​തി​സ​ന്ധി​യി​ലാ​വും.

കു​രു​മു​ള​ക്

വി​ദേ​ശ കു​രു​മു​ള​ക് ഉ​ത്ത​രേ​ന്ത്യ​യി​ൽ മാ​ത്ര​മ​ല്ല, കേ​ര​ള​ത്തി​ലും വി​ല്പ​ന​യ്ക്കി​റ​ങ്ങി​യ​ത് വ്യാ​പാ​ര​രം​ഗ​ത്ത് ആ​ശ​ങ്ക​ പ​ര​ത്തി. ടെ​ർ​മി​ന​ൽ മാ​ർ​ക്ക​റ്റി​ൽ ഇ​ത് വാ​ങ്ങ​ൽ താ​ത്പ​ര്യ​ത്തെ ബാ​ധി​ച്ച​ത് വി​ല​ത്ത​ക​ർ​ച്ച​യ്ക്കു കാ​ര​ണ​മാ​യി. മു​ള​കു​വി​ല ക്വി​ന്‍റ​ലി​ന് 1400 രൂ​പ ഇ​ടി​ഞ്ഞ് അ​ണ്‍ഗാ​ർ​ബി​ൾ​ഡ് 48,600 രൂ​പ​യാ​യി. വി​ല ഇ​ടി​വ് ഉ​ത്പ​ന്ന​ത്തി​നു സം​ഭ​വി​ച്ച ത​ള​ർ​ച്ച സ്റ്റോ​ക്കി​സ്റ്റു​ക​ളെ​യും വി​പ​ണി​യി​ലേ​ക്കു തി​രി​യാ​ൻ പ്രേ​രി​പ്പി​ച്ചു. ‌


യൂ​റോ​പ്യ​ൻ രാ​ജ്യ​ങ്ങ​ളും അ​മേ​രി​ക്ക​യും ഇ​ന്ത്യ​ൻ മു​ള​കി​ൽ ശ്ര​ദ്ധ ​ചെ​ലു​ത്തി​യി​ല്ല. ക​യ​റ്റു​മ​തി​ക്കാ​ർ യൂ​റോ​പ്യ​ൻ ഷി​പ്മെ​ന്‍റി​ന് 8100 ഡോ​ള​റും ന്യൂ​യോ​ർ​ക്ക് ക​യ​റ്റു​മ​തി​ക്ക് 8350 ഡോ​ള​റും ആ​വ​ശ്യ​പ്പെ​ട്ടു. ഇ​തി​നി​ടെ, ട​ണ്ണി​ന് 4000 ഡോ​ള​റി​ൽ താ​ഴ്ത്തി കു​രു​മു​ള​ക് വി​ല്പ​ന​യ്ക്ക് ഇ​റ​ക്കു​ന്ന​തി​ൽ​നി​ന്ന് ക​ർ​ഷ​ക​ർ പി​ന്തി​രി​യ​ണ​മെ​ന്ന ആ​വ​ശ്യ​മാ​യി വി​യ​റ്റ്നാം പെ​പ്പ​ർ അ​സോ​സി​യേ​ഷ​ൻ രം​ഗ​ത്തെ​ത്തി. എ​ന്നാ​ൽ, ഈ ​നീ​ക്ക​ത്തി​നു പി​ന്നി​ലും ക​യ​റ്റു​മ​തിലോ​ബി ത​ന്നെ​യാണെന്നുവേ​ണം അ​നു​മാ​നി​ക്കാ​ൻ. ഉ​ത്പാ​ദ​ന​ത്തി​ൽ ഏ​റി​യപ​ങ്കും കു​രു​മു​ള​ക് അ​വ​ർ കൈ​വ​ശ​പ്പെ​ടു​ത്തി​യെ​ന്നാ​ണ് അ​റി​യു​ന്ന​ത്. ഇ​നി വി​ല ഉ​യ​രേ​ണ്ട​ത് ക​യ​റ്റു​മ​തി ലോ​ബി​യു​ടെ ആ​വ​ശ്യ​മാ​ണ്.

ഏ​ലം

ഏ​ല​ക്ക വി​ള​വെ​ടു​പ്പ് പ്ര​തീ​ക്ഷി​ച്ച​തി​നേ​ക്കാ​ൾ വൈ​കി​യ​തു ക​ണ്ട് ലേ​ല​ത്തി​നെ​ത്തു​ന്ന ച​ര​ക്കി​ൽ വാ​ങ്ങ​ലു​കാ​ർ പി​ടി​മു​റു​ക്കി. ക​ഴി​ഞ്ഞ സീ​സ​ണി​ലെ ച​ര​ക്കി​ൽ ഏ​റി​യ​പ​ങ്കും ലേ​ല​ത്തി​നി​റ​ക്കി​യ​തി​നാ​ൽ കാ​ർ​ഷി​ക​മേ​ഖ​ല​യി​ൽ ഇ​നി കാ​ര്യ​മാ​യി ഏ​ല​ക്ക സ്റ്റോ​ക്കി​ല്ല. ഉ​ത്ത​രേ​ന്ത്യ​യി​ലും സ്റ്റോ​ക്ക് നി​ല ചു​രു​ങ്ങി. വ​ലു​പ്പം കൂ​ടി​യ ഇ​ന​ങ്ങ​ൾ​ക്ക് പി​ന്നി​ട്ട​ വാ​രം കി​ലോ​ഗ്രാ​മി​ന് 1204 രൂ​പ വ​രെ ല​ഭി​ച്ചു. ശ​രാ​ശ​രി ഇ​ന​ങ്ങ​ൾ കി​ലോ 1000 രൂ​പ​യി​ൽ താ​ഴെ. നോ​ന്പ് ക​ഴി​യു​ന്ന​തോ​ടെ പ​ശ്ചി​മേ​ഷ്യ​ൻ രാ​ജ്യ​ങ്ങ​ളി​ൽ​നി​ന്ന് ഏ​ല​ത്തി​ന് പു​തി​യ ഓ​ർ​ഡ​റു​ക​ൾ പ്ര​തീ​ക്ഷി​ക്കാം.

നാ​ളി​കേ​രം

നാ​ളി​കേ​രോ​ത്പ​ന്ന​ങ്ങ​ളു​ടെ നി​ര​ക്ക് കു​റ​ഞ്ഞു. വെ​ളി​ച്ചെ​ണ്ണ​യ്ക്ക് പ്രാദേ​ശി​ക ഡി​മാ​ൻ​ഡ് മ​ങ്ങി​യ​ത് മി​ല്ലു​കാ​രെ വി​ല്പ​ന​ക്കാ​രാ​ക്കി. കൊ​ച്ചി​യി​ൽ വെ​ളി​ച്ചെ​ണ്ണ 12,700ലും ​കൊ​പ്ര 8540 രൂ​പ​യി​ലു​മാ​ണ്.

സ്വ​ർ​ണം

സ്വ​ർ​ണ​വി​ല പ​വ​ന് 240 രൂ​പ കു​റ​ഞ്ഞു. 21,800ൽ ​വി​ല്പ​ന തു​ട​ങ്ങി​യ പ​വ​ൻ ശ​നി​യാ​ഴ്ച 21,560 രൂ​പ​യി​ലാ​ണ്. ഒ​രു ഗ്രാ​മി​ന്‍റെ വി​ല 2725ൽ​നി​ന്ന് 2695 രൂ​പ​യാ​യി. രാ​ജ്യാ​ന്ത​ര വി​പ​ണി​യി​ൽ ട്രോ​യ് ഒൗ​ണ്‍സി​ന് 1266 ഡോ​ള​റി​ൽ​നി​ന്ന് 1251 വ​രെ ഇ​ടി​ഞ്ഞ ശേ​ഷം 1254 ഡോ​ള​റി​ലാ​ണ്. അ​മേ​രി​ക്ക പ​ലി​ശ​നി​ര​ക്കി​ൽ വ​രു​ത്തി​യ വ​ർ​ധ​ന നി​ക്ഷേ​പ​ക​രെ മ​ഞ്ഞ​ലോ​ഹ​ത്തി​ൽ വി​ല്പ​ന​ക്കാ​രാ​ക്കി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.