ഇൻഫി ഓഹരി ഉടമകൾക്കു നൽകാൻ 13,000 കോടി : Deepika.com Business News |

Click here for detailed news of all items

ഇൻഫി ഓഹരി ഉടമകൾക്കു നൽകാൻ 13,000 കോടി

Thursday, April 13, 2017 11:44 AM IST

ബംഗളൂരു: വരുമാനവും ലാഭവും കുറഞ്ഞെങ്കിലും ഇൻഫോസിസ് ടെക്നോളജീസ് തങ്ങളുടെ ഓഹരി ഉടമകൾക്കു കൂടുതൽ തുക നൽകും. 13,000 കോടി രൂപ ഇതിനു വകയിരുത്തി. ഓഹരികൾ തിരിച്ചു വാങ്ങി വേണമോ അതോ സ്പെഷൽ ഡിവിഡന്‍റ് നൽകി വേണോ എന്നു പിന്നീടു തീരുമാനിക്കും.

മാർച്ചിൽ അവസാനിച്ച ധനകാര്യ വർഷത്തെ ഫൈനൽ ലാഭവീതം ഇന്നലെ പ്രഖ്യാപിച്ചു. ഓഹരി ഒന്നിനു 14.75 രൂപയാണ് ഇന്നലെ പ്രഖ്യാപിച്ചത്. ഇടക്കാല ലാഭവീതംകൂടി ചേർത്ത് മൊത്തം ഓഹരി ഒന്നിന് 25.75 രൂപയായി. 7119 കോടി രൂപയാണ് ഇതിനു മുടക്കിയത്.
മാർച്ചിൽ അവസാനിച്ച വർഷം ഇൻഫോസിസിന് മൊത്തം വരുമാനം 9.7 ശതമാനം വർധിച്ച് 68,484 കോടി രൂപയായി. ഇതാദ്യമായി വരുമാനം 10 ബില്യൻ ഡോളറിനു മുകളിലെത്തി. വാർഷിക അറ്റാദായം 14,353 കോടി രൂപയാണ്. തലേ വർഷത്തേക്കാൾ 6.4 ശതമാനം കൂടുതൽ.

മാർച്ചിലവസാനിച്ച ത്രൈമാസം മൊത്തവരുമാനം 3.44 ശതമാനം കുറഞ്ഞ് 17120 കോടി രൂപയായി. മുൻ ത്രൈമാസത്തേക്കാൾ കുറവായിരുന്നു ഈ ത്രൈമാസത്തിലെ 3603 കോടി രൂപയുടെ അറ്റാദായം.

കന്പനിയുടെ ഓഹരി വില 52 ആഴ്ചകൊണ്ട് 20 ശതമാനം താണു. ഇന്നലെ 3.71 ശതമാനമാണ് ഇൻഫി ഓഹരിക്കുണ്ടായ ഇടിവ്. 932.9 രൂപയായി ഓഹരിവില. സമീപഭാവിയിലെ വരുമാന-ലാഭ നിരക്കുകൾ കുറവാകുമെന്ന മുന്നറിയിപ്പാണു കാരണം.കന്പനി വൈസ് ചെയർമാനായി രവി വെങ്കടേശനെ നിയമിച്ചു. സ്ഥാപക ഡയറക്ടർമാർക്ക് ഇഷ്ടപ്പെട്ടയാളാണു വെങ്കടേശൻ.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.