റബർവിലയിൽ നേരിയ ഇടിവ് : Deepika.com Business News |

Click here for detailed news of all items

റബർവിലയിൽ നേരിയ ഇടിവ്

Monday, March 27, 2017 11:24 AM IST

കോട്ടയം: റബർ വില വീണ്ടും താഴേക്ക്. ആർഎസ് എസ് നാലിന് 148 രൂപയും അഞ്ചിന് 147 രൂപയുമാണ് ഇന്നലെ വില. തായ്‌‌ലാൻ‌ഡ് വലിയ അളവിൽ റബർ വിൽക്കുന്പോൾ അന്താരാഷ്‌ട്ര വില ഇടിയുമെന്ന കണക്കുകൂട്ടലിൽ വ്യവസായികൾ വിപണി വിട്ടുനിൽക്കുകയാണ്. പ്രധാന ടയർ കന്പനികൾക്ക് ഒരു മാസത്തെ റബർ സ്റ്റോക്കുണ്ട്. 150 രൂപയ്ക്കു മുകളിൽ ചരക്ക് വാങ്ങിയ വ്യാപാരികളും ആശങ്കയിലാണ്.

ജനുവരി രണ്ടാം വാരത്തിലാണു വില 150 കടന്നത്. 160 രൂപയ്ക്കു വരെ വ്യാപാരം നടന്ന ശേഷം ഘട്ടംഘട്ടമായി വില ഇടിയുകയാണ്. ഇന്നലെ ഏറെയിടങ്ങളിലും 145 രൂപയ്ക്കാണു വ്യാപാരികൾ കർഷകരിൽനിന്നു ചരക്ക് വാങ്ങിയത്. ഒറ്റപ്പെട്ട വേനൽമഴ ലഭിച്ച പ്രദേശങ്ങളിലും ടാപ്പിംഗ് പുനരാരംഭിച്ചിട്ടില്ല.

നടപ്പു സാന്പത്തിക വർഷം 6.45 ലക്ഷം ടണ്‍ ആഭ്യന്തര റബർ ഉദ്പാദനമാണു റബർ ബോർഡ് പ്രതീക്ഷിക്കുന്നത്. മുൻ വർഷത്തെ 5.62 ലക്ഷം ടണ്ണിനെ അപേക്ഷിച്ച് ഇക്കുറി 14.8 ശതമാനം വർധനയുണ്ടെന്നു ബോർഡ് പറയുന്നു. ഡിമാൻഡിന് അനുസരിച്ച് ഉത്പാദനം ഇല്ലാത്തതിനാൽ കഴിഞ്ഞവർഷം 4.22 ലക്ഷം ടണ്‍ റബർ ഇറക്കുമതി ചെയ്യേണ്ടി വന്നു. കാലാവസ്ഥ മോശമായാൽ ബോർഡിന്‍റെ കണക്കുകൂട്ടലനുസരിച്ച് ഇക്കൊല്ലം ഉത്പാദനം നടക്കാനിടയില്ല.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.