Business News
ബിഎസ് മൂന്ന് വേണ്ടെന്നു സുപ്രീംകോടതി
ബിഎസ് മൂന്ന് വേണ്ടെന്നു സുപ്രീംകോടതി
Friday, March 24, 2017 12:00 PM IST
ന്യൂ​ഡ​ൽ​ഹി: രാ​ജ്യ​ത്ത് ഏ​പ്രി​ൽ ഒ​ന്നു മു​ത​ൽ ബി​എ​സ് (ഭാ​ര​ത് സ്റ്റേ​ജ്) മൂ​ന്ന് വാ​ഹ​ന​ങ്ങ​ൾ വി​ൽ​ക്കേ​ണ്ടെ​ന്ന് സു​പ്രീം കോ​ട​തി. ഫെ​ഡ​റേ​ഷ​ൻ ഓ​ഫ് ഓ​ട്ടോ​മൊ​ബൈ​ൽ ഡീ​ലേ​ഴ്സ് അ​സോ​സി​യേ​ഷ​നും (ഫാ​ഡ), സൊ​സൈ​റ്റി ഓ​ഫ് ഇ​ന്ത്യ​ൻ ഓ​ട്ടോ​മൊ​ബൈ​ൽ മാ​നു​ഫാ​ക്ച​റേ​ഴ്സും (സി​യാം) സു​പ്രീംകോ​ട​തി​യി​ൽ സ​മ​ർ​പ്പി​ച്ച ഹ​ർ​ജി പ​രി​ഗ​ണി​ക്ക​വേ​യാ​ണ് കോ​ട​തി​യു​ടെ സു​പ്ര​ധാ​ന നി​ർ​ദേ​ശം.

രാ​ജ്യ​ത്തെ 20,000ൽപ​രം വാ​ഹ​ന ഡീ​ല​ർ​മാ​രെ​യും അ​വ​രു​ടെ ജീ​വ​ന​ക്കാ​രെ​യും നി​രോ​ധ​നം സാ​ന്പ​ത്തി​ക​മാ​യി ബാ​ധി​ക്കു​മെ​ന്നും ഒ​ന്പ​ത് ല​ക്ഷം വാ​ഹ​ന​ങ്ങ​ൾ കെ​ട്ടി​ക്കി​ട​ക്കു​മെ​ന്നും ഫാ​ഡ സു​പ്രീംകോ​ട​തി​യി​ൽ സ​മ​ർ​പ്പി​ച്ച പെ​റ്റീ​ഷ​നി​ൽ അ​റി​യി​ച്ചു.

നി​രോ​ധ​നം പ​രി​ഗ​ണി​ക്കേ​ണ്ട വി​ഷ​യ​മാ​ണെ​ന്നു വി​ല​യി​രു​ത്തി​യ പ​ര​മോ​ന്ന​ത കോ​ട​തി ബി​എ​സ് നാ​ലി​ലേ​ക്കു മാ​റാ​ൻ സ​ർ​ക്കാ​ർ ന​ട​ത്തി​യ നീ​ക്ക​ങ്ങ​ൾ പ​രി​ഗ​ണി​ക്ക​ണ​മെ​ന്നു ചൂ​ണ്ടി​ക്കാ​ട്ടി. ബി​എ​സ് നാ​ലി​ലു​ള്ള ഇ​ന്ധ​നം പു​റ​ത്തി​റ​ക്കാ​നാ​യി 18,000 കോ​ടി രൂ​പ ഇ​തു​വ​രെ സ​ർ​ക്കാ​ർ ചെ​ല​വാ​ക്കി​യി​ട്ടു​ണ്ട്. ഏ​തു തീ​രു​മാ​ന​മെ​ടു​ത്താ​ലും ഒ​രു കൂ​ട്ട​ർ​ക്കു ന​ഷ്ട​മു​ണ്ടാ​കു​മെ​ന്നും സുപ്രീം കോ​ട​തി പ​റ​ഞ്ഞു.


മാ​ർ​ച്ച് 31നു ​ശേ​ഷം ബി​എ​സ് നാ​ല് ഇ​ന്ധ​നം രാ​ജ്യ​വ്യാ​പ​ക​മാ​ക്കാ​നാ​ണ് സ​ർ​ക്കാ​രി​ന്‍റെ തീ​രു​മാ​നം. ഇ​തു ന​ട​പ്പി​ലാ​യാ​ൽ 2020ൽ ​ബി​എ​സ് ആ​റിൽപ്പെട്ട ഇ​ന്ധ​നം ഇ​റ​ക്കാ​നും പ​ദ്ധ​തി​യു​ണ്ട്. ഓ​രോ വ​ർ​ഷ​വും വ​ർ​ധി​ച്ചു​വ​രു​ന്ന അ​ന്ത​രീ​ക്ഷ​ മ​ലി​നീ​ക​ര​ണ തോ​ത് ക​ണ​ക്കി​ലെ​ടു​ത്താ​ണ് ക​ഴി​ഞ്ഞ വ​ർ​ഷം കേ​ന്ദ്ര ഗ​താ​ഗ​ത മ​ന്ത്രാ​ല​യം ബി​എ​സ് നാ​ല് പ്ര​ഖ്യാ​പി​ച്ച​ത്.

ഡെ​ഡ്‌​ലൈ​ൻ ആ​വ​സാ​നി​ക്കാ​ൻ ഇ​നി ഒ​രാ​ഴ്ച മാ​ത്ര​മേ ബാ​ക്കി നി​ൽ​ക്കു​ന്പോ​ൾ ബി​എ​സ് മൂ​ന്നി​ലു​ള്ള വാ​ഹ​ന​ങ്ങ​ളു​ടെ ഉ​ത്പാ​ദ​നം ഇ​പ്പോ​ഴും തു​ട​രു​ന്നു​വെ​ന്ന് മു​തി​ർ​ന്ന അ​ഭി​ഭാ​ഷ​ക​നാ​യ ഹ​രീ​ഷ് സാ​ൽ​വെ സു​പ്രീംകോ​ട​തി​യെ അ​റി​യി​ച്ചു. രാ​ജ്യത​ല​സ്ഥാ​ന​ത്തെ മ​ലി​നീ​ക​ര​ണ കേ​സി​ലെ അ​മി​ക്ക​സ് ക്യൂ​രി​യാ​ണ് അ​ദ്ദേ​ഹം. കേ​സ് തി​ങ്ക​ളാ​ഴ്ച വീ​ണ്ടും പ​രി​ഗ​ണി​ക്കും.
സി​യാം കോ​ട​തി​യി​ൽ സ​മ​ർ​പ്പി​ച്ച റി​പ്പോ​ർ​ട്ടി​ൽ 6.71 ല​ക്ഷം ഇ​രു​ച​ക്ര വാ​ഹ​ന​ങ്ങ​ളും 96,000 ട്ര​ക്കു​ക​ളും 16,000 കാ​റു​ക​ളു​മാ​ണ് വി​ൽ​ക്കാ​തെ കെ​ട്ടി​ക്കി​ട​ക്കു​ന്ന​ത്. മാ​ർ​ച്ച് 20 വ​രെ​യു​ള്ള ക​ണ​ക്കാ​ണി​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.