സർവീസ് ചാർജ് ഇല്ല: പോസ്റ്റൽ അക്കൗണ്ടിനു പ്രിയമേറുന്നു : Deepika.com Business News |

Click here for detailed news of all items

സർവീസ് ചാർജ് ഇല്ല: പോസ്റ്റൽ അക്കൗണ്ടിനു പ്രിയമേറുന്നു

Wednesday, March 15, 2017 11:16 AM IST

കോട്ടയം: സർവീസ് ചാർജ് ഇല്ലാത്ത സേവിംഗ്സ് ബാങ്ക് അക്കൗണ്ട്, പരിധിയില്ലാതെ സൗജന്യ എടിഎം ഉപയോഗം. ഇന്ത്യൻ പോസ്റ്റൽ സർവീസ് അവതരിപ്പിച്ചിരിക്കുന്ന സേവിംഗ്സ് ബാങ്ക് അക്കൗണ്ടിൽ ഇതു മാത്രമല്ല, ഇതിനുമപ്പുറമുളള സേവനം സൗജന്യമാണ്.

ചില ബാങ്കുകൾ ആയിരവും അയ്യായിരവും രൂപ മിനിമം ബാലൻസ് ആവശ്യപ്പെടുന്പോഴാണ് വെറും അന്പത് രൂപയ്ക്ക് പോസ്റ്റ് ഓഫീസ് വഴി അക്കൗണ്ട് തുറക്കാൻ കഴിയുന്നത്.
വീസ/റുപേ/ഡെബിറ്റ് കാർഡാണ് പോസ്റ്റ് ഓഫീസിൽനിന്നു ലഭിക്കുന്നത്. ഈ കാർഡ് ഉപയോഗിച്ച് ഓണ്‍ലൈൻ ഇടപാടുകളും നടത്താൻ സാധിക്കും. പോസ്റ്റ് ഓഫീസ് എടിഎമ്മുകൾക്ക് പുറമെ ഏത് എടിഎമ്മിലും ഈ കാർഡ് സൗജന്യമായി ഉപയോഗിക്കാം. ചെക്ക് ബുക്ക് വേണമെങ്കിൽ 500 രൂപയെങ്കിലും അക്കൗണ്ടിൽ നിലനിർത്തണം. ചെക്ക് ബുക്ക് വേണ്ടെങ്കിൽ 50 രൂപ മതി.

അക്കൗണ്ട് തുടങ്ങാൻ ഫോട്ടോയും ആധാർ രേഖയുമായി ചെന്നാൽ മതി. വലിയ തുകകളുള്ള ഇടപാടുകൾക്ക് പാൻകാർഡ് കൂടി വേണം. നിക്ഷേപങ്ങൾക്ക് നാലു ശതമാനം പലിശയും പോസ്റ്റ് ഓഫീസ് വാഗ്ദാനം ചെയ്യുന്നു. പോസ്റ്റ് ഓഫീസിലെ സേവിംഗ്സ് അക്കൗണ്ട് മറ്റൊരു പോസ്റ്റ് ഓഫീസിലേക്ക് മാറ്റാനും സാധിക്കും.

മാർച്ച് അവസാനത്തോടെ കേരളത്തിലെ 51 ഹെഡ് പോസ്റ്റ് ഓഫീസുകളിലും അഞ്ച് സബ് പോസ്റ്റ് ഓഫീസുകളിലും പോസ്റ്റൽ വകുപ്പിന്‍റെ എടിഎം മെഷീൻ സ്ഥാപിച്ചുകഴിയും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.