ക്ലാസിക് ശ്രേണിയൊരുക്കി കല്യാണ്‍ സിൽക്സ് : Deepika.com Business News |

Click here for detailed news of all items

ക്ലാസിക് ശ്രേണിയൊരുക്കി കല്യാണ്‍ സിൽക്സ്

Friday, February 17, 2017 1:32 PM IST

തൃശൂർ: കല്യാണ്‍ സിൽക്സിന്‍റെ കോട്ടണ്‍ ഫെസ്റ്റിവലിൽ ആദ്യമായി കേരളത്തിൽ ആയിരത്തിലധികം നെയ്ത്ത് ഗ്രാമങ്ങളിലെ ഉത്പന്നങ്ങൾ എത്തുന്നു. കോട്ടണ്‍ ക്ലാസിക്സ് എന്ന പേരിൽ ഇന്ത്യയിലെ ഏറ്റവും വലിയ കോട്ടണ്‍ മേളയ്ക്ക് ഇന്നലെ കല്യാണ്‍ സിൽക്സിന്‍റെ കേരളത്തിലെ ഷോറൂമുകളിൽ തിരി‌തെളിഞ്ഞു. ഇന്ത്യയുടെ വിവിധ ദിക്കുകളിലുള്ള ആയിരത്തിലേറെ ഗ്രാമങ്ങളിൽനിന്നു നേരിട്ടു ശേഖരിച്ച ലക്ഷക്കണക്കിനു കോട്ടണ്‍ സാരികളും ഇതര കോട്ടണ്‍ ശ്രേണികളുമാണ് ഈ മേളയിൽ ഒരുക്കിയിരിക്കുന്നത്.

ബ്ലോക് - പ്രിന്‍റ്, പ്രിന്‍റഡ് ആൻഡ് ത്രെഡ് ബോർഡർ, കോട്ടണ്‍ ജ്യൂട്ട് പല്ലു എന്നിവ ക്രിയാത്മകമായി ഉപയോഗിച്ചിട്ടുണ്ട്. കളക്ടേഴ്സ് എഡിഷൻ വിഭാഗത്തിൽ കട്ട് വർക്ക്, എംബ്ലോയ്ഡറി വർക്ക്, മിറർ വർക്ക്, മ്യൂറൽ വർക്ക് എന്നിവയാൽ സമൃദ്ധമായ സാരികൾ അണിനിരക്കുന്നു.

റിയൽ ലാൻഡ്സ്കേപ് കളേഴ്സ്, എർത്ത് ഷെയ്ഡ്സ്, ട്രൈബൽ കളേഴ്സ്, ഫോറസ്റ്റ് ഹ്യൂസ്, പേസ്റ്റൽ കളക്്ഷൻസ് എന്നിങ്ങനെ വർണങ്ങളുടെ വലിയ ശേഖരം തന്നെ കല്യാണ്‍ സിൽക്സിന്‍റെ കളർ ലാബുകൾ കോട്ടൺ വസ്ത്രങ്ങളിൽ വിജയകരമായി പരീക്ഷിച്ചിരിക്കുന്നു. കോട്ടണ്‍ ക്ലാസിക്സിലൂടെ അവതരിപ്പിക്കപ്പെടുന്ന കോട്ടണ്‍ ശ്രേണികളുടെ വില 199 രൂപ മുതലാണ് ആരംഭിക്കുകയെന്നും കല്യാണ്‍ സിൽക്സിന്‍റെ ചെയർമാനും മാനേജിംഗ് ഡയറക്ടറുമായ ടി.എസ്. പട്ടാഭിരാമൻ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.