സെലിബ്രസ് ഓഹരി വിപണന രംഗത്തേക്ക്
കൊച്ചി: കമ്മോഡിറ്റി അവധി വ്യാപാര ഗവേഷണ രംഗങ്ങളില്‍ കഴിഞ്ഞ ആറു വര്‍ഷങ്ങളായി പ്രവര്‍ത്തനം നടത്തിവരുന്ന കമ്മോഡിറ്റി ഓണ്‍ലൈന്‍ ഗ്രൂപ്പ് ഓഹരി, കറന്‍സി, ഇ-ഗോള്‍ഡ് ബ്രോക്കിംഗ് രംഗത്തേക്ക്. സെലിബ്രസ് ബ്രാന്‍ഡിന്റെ കീഴിലാവും കമ്മോഡിറ്റി, ഓഹരി, കറന്‍സി, ഇ-ഗോള്‍ഡ്, ഇ-സില്‍വര്‍ തുടങ്ങിയ ബ്രോക്കിംഗ് സേവനങ്ങള്‍ ലഭ്യമാക്കുന്നത്.

ംംം.രീാാീറശ്യീിേഹശില.രീാ എന്ന ആദ്യ സംരംഭം വഴിയാണ് കമ്മോഡിറ്റി ഓണ്‍ലൈന്‍ ഗ്രൂപ്പ് ഇന്നും കൂടുതല്‍ നിക്ഷേപകരെ ആകര്‍ഷിക്കുന്നതെന്ന് കമ്മോഡിറ്റി ഓണ്‍ലൈന്‍ മാനേജിംഗ് ഡയറക്ടറും സിഇഒയുമായ ജോര്‍ജ് ഐപ്പ് പത്രസമ്മേളനത്തില്‍ പറഞ്ഞു.


കഴിഞ്ഞ വര്‍ഷങ്ങളില്‍ അവധി വ്യാപാര രംഗത്ത് 50 ശതമാനം വാര്‍ഷിക വളര്‍ച്ച കൈവരിച്ചപ്പോള്‍ അതിന്റെ ഒരു ഭാഗമായി തീരാന്‍ കമ്മോഡിറ്റി ഓണ്‍ലൈന്‍ ഗ്രൂപ്പിന് കഴിഞ്ഞതായി ഡയറക്ടര്‍ ബിനു അലക്സ് അഭിപ്രായപ്പെട്ടു.