ഇന്ത്യ-യൂറോപ്യന്‍ യൂണിയന്‍ വ്യാപാര കരാര്‍ ഈ വര്‍ഷം
കോല്‍ക്കത്ത: യൂറോപ്പില്‍ നിന്നു ഉത്പന്നങ്ങളുടെ കുത്തൊഴുക്കിന് ഇടവരുത്തുമെന്നു പ്രതീക്ഷിക്കുന്ന സ്വതന്ത്രവ്യാപാര കരാറില്‍ ഇന്ത്യയും യൂറോപ്യന്‍ യൂണിയനും വൈകാതെ ഒപ്പുവയ്ക്കും. പത്തുവര്‍ഷമായി തുടരുന്ന ഊഹാപോഹങ്ങള്‍ക്ക് വിരാമമിട്ടാണ് കരാര്‍ ഒപ്പുവയ്ക്കാന്‍ പോകുന്നത്. ഇരുകൂട്ടര്‍ക്കുമിടയില്‍ ബിസിനസ്, വ്യാപാര അവസരങ്ങള്‍ വര്‍ധിക്കാന്‍ കരാര്‍ വഴിയൊരുക്കുമെന്നു ഇന്ത്യയിലെ ലക്സംബര്‍ഗ് അംബാസഡര്‍ ഗാസ്റണ്‍ സ്ട്രോന്‍ക് പറഞ്ഞു.