ധാത്രി ആയുര്‍വേദയുടെ സഞ്ചരിക്കുന്ന ക്ളിനിക്ക്
കൊച്ചി: ധാത്രി ആയുര്‍വേദ സഞ്ചരിക്കുന്ന ആയുര്‍വേദ ക്ളിനിക്ക് ആരംഭിക്കുന്നു. ഗ്രാമപ്രദേശങ്ങളിലും ചികിത്സാ സൌകര്യം ലഭ്യമല്ലാത്ത മറ്റിടങ്ങളിലും ഡോക്ടര്‍മാരുടെ സേവനവും മരുന്നും എത്തിക്കുകയാണു ലക്ഷ്യമെന്നു ധാത്രി ആയുര്‍വേദ ചീഫ് ഫിസിഷ്യന്‍ ഡോ. എസ്. സജികുമാര്‍ പറഞ്ഞു. 400 രോഗികള്‍ക്ക് ആവശ്യമായ മരുന്നുകളുമായി മെഡിക്കല്‍ ടീമിനു യാത്ര ചെയ്യാനുള്ള സൌകര്യമാണ് ഈ വാഹനത്തില്‍ ഒരുക്കുന്നത്. പകര്‍ച്ചവ്യാധികളും മറ്റും പൊട്ടിപ്പുറപ്പെടുന്ന അവസരങ്ങളില്‍ ആവശ്യമായ മരുന്നുമായി അടിയന്തരമായി എത്തിച്ചേര്‍ന്ന് ചികിത്സ നല്‍കാനാകും. ലോക ആരോഗ്യദിനവും ധാത്രിയുടെ സ്ഥാപകദിനവുമായ ഏഴിന് കായംകുളത്ത് നടക്കുന്ന ചടങ്ങില്‍ മന്ത്രി വി.എസ്. ശിവകുമാര്‍ ക്ളിനിക്ക് നാടിനു സമര്‍പ്പിക്കും.