കിറ്റെക്സ് ഗാര്‍മെന്റ്സിന് വെന്‍ഡര്‍ ഓഫ് ദി ഇയര്‍ അവാര്‍ഡ്
കൊച്ചി: അമേരിക്കയിലെ ഗെര്‍ബര്‍ ചില്‍ഡ്രന്‍സ് വെയറിന്റെ വെന്‍ഡര്‍ ഓഫ് ദി ഇയര്‍ അവാര്‍ഡ് കിറ്റെക്സ് ഗാര്‍മെന്റ്സിനു ലഭിച്ചു. കംബോഡിയ, വിയറ്റ്നാം, ബംഗ്ളാദേശ്, ശ്രീലങ്ക തുടങ്ങിയ രാജ്യങ്ങളില്‍ നിന്നാണ് അമേരിക്കയില്‍ കുട്ടികളുടെ വസ്ത്രങ്ങളുടെ ഏറ്റവും വലിയ മൊത്തക്കച്ചവടക്കാരായ ഗെര്‍ബര്‍ വസ്ത്രങ്ങള്‍ വാങ്ങുന്നത്.

ഗെര്‍ബറുമായുള്ള വ്യാപാരബന്ധം വഴി കോടി രൂപയുടെ വിദേശനാണ്യം കിറ്റെക്സിനു സമ്പാദിക്കാനായി. 600 കോടി രൂപയാണ് കിറ്റെക്സിന്റെ കയറ്റുമതി വരുമാനം. അമേരിക്കയിലെ സൌത്ത് കരോലിനയില്‍ ഗെര്‍ബര്‍ കേന്ദ്രകാര്യാലയത്തില്‍ നടന്ന ചടങ്ങില്‍ ഗെര്‍ബര്‍ പ്രസിഡന്റ് ഗാരി സിമണ്‍സില്‍ നിന്നു കിറ്റെക്സ് ഗാര്‍മെന്റ്സ് മാനേജിംഗ് ഡയറക്ടര്‍ സാബു എം. ജേക്കബ് അവാര്‍ഡ് ഏറ്റുവാങ്ങി. ഗെര്‍ബര്‍ വൈസ് പ്രസിഡന്റ് ഡേവിഡ് ക്വീന്‍, കിറ്റെക്സ് ഗാര്‍മെന്റ്സ് സീനിയര്‍ വൈസ് പ്രസിഡന്റ് ഡാന്‍ ഡിയോ തുടങ്ങിയവര്‍ സന്നിഹിതരായിരുന്നു.


കിഴക്കമ്പലത്തെ കിറ്റെക്സ് ഗാര്‍മെന്റ്സ് കുട്ടികളുടെ വസ്ത്രങ്ങള്‍ ഉത്പാദിപ്പിക്കുന്ന ഇന്ത്യയിലെ ഏറ്റവും വലിയ യൂണിറ്റും ലോകത്തിലെ മൂന്നാമത്തെ വലിയ യൂണിറ്റുമാണ്. കുറച്ചുകാലമായി പ്രാദേശികമായി കമ്പനി നടത്തിപ്പില്‍ ചില പ്രതിസന്ധികള്‍ ഉണ്ടായിട്ടും ഏറ്റവും മികച്ച ഉത്പാദനകനായി തെരഞ്ഞെടുക്കപ്പെട്ടതില്‍ സന്തോഷമുണ്െടന്ന് സാബു എം. ജേക്കബ് പറഞ്ഞു.