ട്രംപിന്‍റെ നികുതി റിട്ടേൺ ചോർത്തി : Deepika.com International News |

Click here for detailed news of all items

ട്രംപിന്‍റെ നികുതി റിട്ടേൺ ചോർത്തി

Wednesday, March 15, 2017 12:05 PM IST

വാഷിംഗ്ടൺ ഡിസി: അമേരിക്കൻ പ്രസിഡന്‍റ് ഡോണൾഡ് ട്രംപിന്‍റെ 2005 ലെ നികുതി റിട്ടേൺ രേഖകൾ സ്വകാര്യ ടിവി ചാനൽ ചോർത്തി . 2005ൽ ട്രംപ് നികുതിയായി നൽകിയത് 38 ലക്ഷം ഡോളർ. 15കോടി ഡോളറായിരുന്നു അക്കൊല്ലം ട്രംപിന്‍റെ വരുമാനം. ടിവി ഷോയിൽ ചർച്ച നടക്കുമെന്നു സൂചന കിട്ടിയതിന്‍റെ അടിസ്ഥാനത്തിൽ വൈറ്റ് ഹൗസ് പിന്നീട് 2005ലെ നികുതി വിവരങ്ങൾ സ്ഥിരീകരിച്ചു. രേഖ ചോർത്തിയത് നിയമവിരുദ്ധമാണെന്നും പ്രസിഡന്‍റിനെ ലക്ഷ്യം വച്ചുള്ള മാധ്യമങ്ങളുടെ നീക്കമാണ് സംഭവത്തിനു പിന്നിലെന്നും വൈറ്റ് ഹൗസ് ആരോപിച്ചു.

കഴിഞ്ഞ പ്രസിഡന്‍റ് തെരഞ്ഞെടുപ്പിൽ ഡെമോക്രാറ്റുകൾ ട്രംപിന്‍റെ നികുതിവിവരങ്ങൾ വെളിപ്പെടുത്തണമെന്ന് ആവശ്യപ്പെട്ടിരുന്നത് ട്രംപ് നിരാകരിച്ചിരുന്നു. തെരഞ്ഞെടുപ്പിന് മുൻപ് 18 വർഷമായി ട്രംപ് നികുതി നൽകുന്നില്ലെന്ന ആരോപണവും ഉയർന്നുകേട്ടിരുന്നു.
രേഖകൾ പ്രകാരം 2005ൽ ട്രംപ് നൽകിയ നികുതിയുടെ നിരക്ക് 25ശതമാനമാണ്. ഉയർന്ന വരുമാനക്കാരായ നികുതിദായകർ നൽകുന്ന നിരക്ക് ശരാശരി 27.4ശതമാനമാണ്. ഫെഡറൽനികുതി കുറയ്ക്കാനായി ട്രംപ് പത്തുകോടി ഡോളറിന്‍റെ നഷ്ടം എഴുതിത്തള്ളിയതായും രേഖകൾ വ്യക്തമാക്കുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.