International News
യോഗ്യതാധിഷ്ഠിത കുടിയേറ്റം പ്രോത്സാഹിപ്പിക്കും: ട്രംപ്
യോഗ്യതാധിഷ്ഠിത കുടിയേറ്റം പ്രോത്സാഹിപ്പിക്കും: ട്രംപ്
Wednesday, March 1, 2017 11:59 AM IST
വാ​ഷിം​ഗ്ട​ൺ ഡി​സി: യോ​ഗ്യ​ത അ​ധി​ഷ്ഠി​ത​മാ​യ കു​ടി​യേ​റ്റ ന​യം സ്വീ​ക​രി​ക്കു​മെ​ന്നു യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ്. അ​മേ​രി​ക്ക​ൻ കോ​ൺ​ഗ്ര​സി​ന്‍റെ ഇ​രു​സ​ഭ​ക​ളു​ടെ​യും സം​യു​ക്ത സ​മ്മേ​ള​ന​ത്തെ അ​ഭി​സം​ബോ​ധ​ന ചെ​യ്യു​ക​യാ​യി​രു​ന്നു അ​ദ്ദേ​ഹം.

കാ​ന​ഡ, ഓ​സ്ട്രേ​ലി​യ തു​ട​ങ്ങി നി​ര​വ​ധി രാ​ജ്യ​ങ്ങ​ൾ യോ​ഗ്യ​ത ആ​ധാ​ര​മാ​ക്കി​യു​ള്ള കു​ടി​യേ​റ്റ​ത്തെ പ്രോ​ത്സാ​ഹി​പ്പി​ക്കു​ന്ന​വ​രാ​ണ്. ആ ​രീ​തി സ്വീ​ക​രി​ച്ചാ​ൽ അ​മേ​രി​ക്ക​യ്ക്കു പ​ണ ലാ​ഭ​വും തൊ​ഴി​ൽ ലാ​ഭ​വും ഉ​ണ്ടാ​കും: ട്രം​പ് പ​റ​ഞ്ഞു.

ഇ​ന്ത്യ​യ​ട​ക്ക​മു​ള്ള രാ​ജ്യ​ങ്ങ​ളി​ൽ​നി​ന്നു​ള്ള പ്ര​ഫ​ഷ​ണ​ലു​ക​ൾ​ക്ക് അ​മേ​രി​ക്ക​യി​ലേ​ക്കു​ള്ള അ​വ​സ​രം തു​ട​രും എ​ന്നു​റ​പ്പു ന​ല്കു​ന്ന​താ​ണു ട്രം​പ് സൂ​ചി​പ്പി​ച്ച യോ​ഗ്യ​താ​ധി​ഷ്ഠി​ത കു​ടി​യേ​റ്റ​ന​യം. മെ​ക്സി​ക്കോ​യി​ലും മ​റ്റും നി​ന്നു വ​രു​ന്ന അ​വി​ദ​ഗ്ധ തൊ​ഴി​ലാ​ളി​ക​ൾ​ക്കു കു​ടി​യേ​റ്റം അ​നു​വ​ദി​ക്കു​ന്ന​തി​നെ ട്രം​പ് നേ​ര​ത്തേ മു​ത​ൽ എ​തി​ർ​ക്കു​ന്ന​താ​ണ്. അ​ത്ത​ര​ക്കാ​രു​ടെ വ​ര​വ് അ​മേ​രി​ക്ക​ൻ തൊ​ഴി​ലാ​ളി​ക​ൾ​ക്കു പ​ണി ഇ​ല്ലാ​താ​ക്കു​ന്നു.

ശാ​സ്ത്രീ​യ, സാ​ങ്കേ​തി​ക ബി​രു​ദ​ങ്ങ​ളും പ്ര​ഫ​ഷ​ണ​ൽ യോ​ഗ്യ​ത​ക​ളും ഉ​ള്ള​വ​രു​ടെ കു​ടി​യേ​റ്റം പ്രോ​ത്സാ​ഹി​പ്പി​ക്കു​ന്ന ക​നേ​ഡി​യ​ൻ, ഓ​സ്ട്രേ​ലി​യ​ൻ ന​യം ട്രം​പ് പി​ന്തു​ട​രു​ന്ന​ത് ഇ​ന്ത്യ​ക്കാ​ർ​ക്കു കൂ​ടു​ത​ൽ ഗു​ണ​ക​ര​മാ​കും. ഇ​പ്പോ​ൾ അ​മേ​രി​ക്ക​യു​ടെ എ​ച്ച് വ​ൺ ബി, ​എ​ൽ വ​ൺ വീ​സ​ക​ൾ കൂ​ടു​ത​ലാ​യി ഉ​പ​യോ​ഗി​ക്കു​ന്ന​ത് ഇ​ന്ത്യ​ക്കാ​രാ​ണ്. എ​ച്ച് വ​ൺ ബി ​വീ​സ കു​ടി​യേ​റ്റം അ​നു​വ​ദി​ക്കാ​ത്ത​താ​ണ്. ട്രം​പ് ഇ​ന്ന​ലെ പ​റ​ഞ്ഞ​തു കൂ​ടു​ത​ൽ വി​ദ​ഗ്ധ​രെ​യും ശാ​സ്ത്ര​ജ്ഞ​രെ​യും പ്ര​ഫ​ഷ​ണ​ലു​ക​ളെ​യും കു​ടി​യേ​റാ​ൻ അ​നു​വ​ദി​ക്കു​ന്ന ന​യം ത​യാ​റാ​ക്കു​മെ​ന്നാ​ണ്. അ​ത്ത​ര​മൊ​ന്ന് അ​മേ​രി​ക്ക​ക്കാ​രു​ടെ തൊ​ഴി​ൽ സം​ര​ക്ഷി​ക്കു​ക​യും വേ​ത​നം ഉ​യ​ർ​ത്തു​ക​യും ചെ​യ്യും.


ട്രം​പി​ന്‍റെ പ്ര​സം​ഗ​ത്തെ മാ​ധ്യ​മ​ങ്ങ​ൾ പൊ​തു​വേ സ്വാ​ഗ​തം ചെ​യ്തു. പ​ല വി​ഷ​യ​ങ്ങ​ളി​ലും ക​ടു​ത്ത നി​ല​പാ​ടു​ക​ൾ മാ​റ്റി​യാ​ണു പ്ര​സം​ഗി​ച്ച​ത്. ഏ​ബ്ര​ഹാം ലി​ങ്ക​ൺ, ഡ്വൈ​റ്റ് ഡി ​ഐ​സ​നോ​വ​ർ, ഗ്ര​ഹാം ബെ​ൽ, തോ​മ​സ് എ​ഡി​സ​ൺ തു​ട​ങ്ങി​യ​വ​രെ ഉ​ദ്ധ​രി​ച്ചാ​യി​രു​ന്നു പ്ര​സം​ഗം. എ​ഴു​തി ത​യാ​റാ​ക്കി​യ പ്ര​സം​ഗ​ത്തി​ൽ​നി​ന്നു കാ​ര്യ​മാ​യ മാ​റ്റ​ങ്ങ​ൾ വ​രു​ത്തി​യ​തു മി​ല്ല. ഒ​ബാ​മ കെ​യ​ർ റ​ദ്ദാ​ക്കു​മെ​ന്നും നി​കു​തി ച​ട്ട​ങ്ങ​ൾ തി​രു​ത്തി​യെ​ഴു​തു​മെ​ന്നും അ​ദ്ദേ​ഹം പ​റ​ഞ്ഞു. ഒ​ബാ​മ കെ​യ​ർ ഗ​വ​ൺ​മെ​ന്‍റി​നു താ​ങ്ങാ​നാ​വാ​ത്ത​താ​ണെ​ന്നും ആ ​ദു​ര​ന്ത​ത്തി​ൽ​നി​ന്നു ര​ക്ഷ​പ്പെ​ടാ​ൻ റി​പ്പ​ബ്ളി​ക്ക​ന്മാ​രും ഡെ​മോ​ക്രാ​റ്റു​ക​ളും യോ​ജി​ച്ചു നീ​ങ്ങ​ണ​മെ​ന്നും ട്രം​പ് ആ​വ​ശ്യ​പ്പെ​ട്ടു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.