കർദിനാൾ ഗിൽബർട്ട് അഗുസ്തോണി അന്തരിച്ചു : Deepika.com International News |

Click here for detailed news of all items

കർദിനാൾ ഗിൽബർട്ട് അഗുസ്തോണി അന്തരിച്ചു

Saturday, January 14, 2017 2:58 PM IST

റോം: ഡോട്ടേഴ്സ് ഓഫ് സെന്‍റ് മേരി ഓഫ് ലെവൂക്ക സന്യാസിനീ സഭയുടെ ആത്മീയ ഉപദേഷ്ടാവായിരുന്ന കർദിനാൾ ഗിൽബർട്ട് അഗുസ്തോണി (94) അന്തരിച്ചു. റോമിലെ ഡോട്ടേഴ്സ് ഓഫ് സെന്‍റ് മേരി ഓഫ് ലെവൂക്ക സന്യാസിനീ സഭയുടെ ജനറലേറ്റ് ഹൗസിൽ 13ന് ഇന്ത്യൻസമയം രാത്രി 10.30നായിരുന്നു അന്ത്യം. 1994 മുതൽ 1998 വരെ വത്തിക്കാൻ നിയമകാര്യാലയത്തിന്‍റെ പ്രീഫെക്ടായിരുന്ന ഇദ്ദേഹം വൈദികർക്കായുള്ള കാര്യാലയത്തിന്‍റെ സെക്രട്ടറിയായും പ്രവർത്തിച്ചിട്ടുണ്ട്.

സംസ്കാര ശുശ്രൂഷകൾ 17ന് ഇന്ത്യൻസമയം ഉച്ചകഴിഞ്ഞ് 2.30ന് വത്തിക്കാനിലെ സെന്‍റ്പീറ്റേഴ്സ് ബസിലിക്കയിൽ ആരംഭിക്കും. തുടർന്ന് ഭൗതികശരീരം പ്രീമപോർട്ടയിലെ ഡോട്ടേഴ്സ് ഓഫ് സെന്‍റ്മേരി ഓഫ് ലെവൂക്ക സന്യാസിനീ സഭാ കോണ്‍വന്‍റിന്‍റെ സെമിത്തേരി കപ്പേളയിൽ സംസ്കരിക്കും.

സ്വിറ്റ്സർലൻഡിലെ സഫ്യൂസെനിൽ 1922 ജൂലൈ 26നാണു കർദിനാൾ അഗുസ്തോണിയുടെ ജനനം. 1946 ഏപ്രിൽ 20നു പൗരോഹിത്യം സ്വീകരിച്ചു. 1987 ജനുവരി ആറിനാണു മെത്രാനായി അഭിഷിക്തനായത്. 1994 നവംബർ 26നു ജോണ്‍പോൾ രണ്ടാമൻ മാർപാപ്പ കർദിനാൾ പദവിയിലേക്കുയർത്തി. 1958 മുതൽ ഡോട്ടേഴ്സ് ഓഫ് സെന്‍റ് മേരി ഓഫ് ലെവൂക്ക സന്യാസിനീസഭയുടെ ആത്മീയ ഉപദേഷ്ടാവായിരുന്നു.

പരേതരായ ഫാ. ലൂയിച്ചി അഗസ്തോണി, ഫാ. അന്തോണിയോ അഗസ്തോണി എന്നിവർ സഹോദരന്മാരാണ്. ഒരു സഹോദരിയുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.