പാരീസ് ഭീകരാക്രമണം: ബൽജിയത്തിൽ രണ്ടുപേർ അറസ്റ്റിൽ : Deepika.com International News |

Click here for detailed news of all items

പാരീസ് ഭീകരാക്രമണം: ബൽജിയത്തിൽ രണ്ടുപേർ അറസ്റ്റിൽ

Thursday, January 12, 2017 2:33 PM IST

ബ്രസൽസ്: പാരീസിൽ 2015 നവംബറിൽ 130 പേരുടെ മരണത്തിനിടയാക്കിയ ഭീകരാക്രമണവുമായി ബന്ധപ്പെട്ട് രണ്ടുപേർക്ക് ബൽജിയം പ്രോസിക്യൂട്ടർമാർ കുറ്റപത്രം നൽകി.

പാരീസ് ആക്രമണത്തിന്‍റെ സൂത്രധാരനെന്നു സംശയിക്കുന്ന ഖാലിദ് എൽ ബക്രൗയിക്ക് വ്യാജരേഖകൾ സംഘടിപ്പിച്ചു നൽകിയെന്നാണു പ്രതികളുടെ പേരിലുള്ള കുറ്റം. ബുധനാഴ്ച ബൽജിയം പോലീസ് നടത്തിയ റെയ്ഡിലാണ് ഒരു വീട്ടിൽനിന്ന് മരിയം ഇ ബി, ഫരീദ് കെ എന്നിവരെ പിടികൂടിയത്. ഫരീദ് ഇപ്പോഴും കസ്റ്റഡിയിലാണ്. വനിതയായ മരിയം ഇ ബിയെ ജാമ്യത്തിൽ വിട്ടു.

പാരീസ് ആക്രമണത്തിന്‍റെ പിന്നിലെ മുഖ്യ പ്രതിയായ ബക്രൗയി 2016മാർച്ചിൽ ബ്രസൽസിലെ മെട്രോ സ്റ്റേഷൻ ആക്രമണവേളയിൽ കൊല്ലപ്പെട്ടു. ഇയാൾ സ്വയം പൊട്ടിത്തെറിക്കുകയായിരുന്നു. ബക്രൗയിയുടെ സഹോദരൻ ഇബ്രാഹിം അന്നുതന്നെ ബ്രസൽസ് എയർപോർട്ട് ആക്രമണവേളയിലും സ്വയം സ്ഫോടനം നടത്തി മരിച്ചു. മെട്രോ സ്റ്റേഷനിലും എയർപോർട്ടിലും നടന്ന ഭീകരാക്രമണങ്ങളിൽ 32 പേരാണു കൊല്ലപ്പെട്ടത്.

പാരീസ്,ബ്രസൽസ് ആക്രമണങ്ങൾക്കു പിന്നിൽ പ്രവർത്തിച്ചത് ഒരേ ഭീകരസംഘടനയാണെന്ന് അന്വേഷണ ഉദ്യോഗസ്ഥർ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.