ഈജിപ്തില്‍ ടൂറിസ്റ് ബസുകള്‍ കൂട്ടിയിടിച്ച് 38 മരണം
Saturday, August 23, 2014 11:44 PM IST
കയ്റോ: ദക്ഷിണ ഈജിപ്തിലെ സിനായിയില്‍ വിനോദസഞ്ചാരികള്‍ സഞ്ചരിച്ചിരുന്ന ബസുകള്‍ കൂട്ടിയിടിച്ച് 38 പേര്‍ മരിച്ചു. 41 പേര്‍ക്ക് ഗുരുതരമായി പരിക്കേറ്റു. മരണ സംഖ്യ ഇനിയും വര്‍ധിക്കാന്‍ സാധ്യതയുണ്െടന്ന് ആശുപത്രി അധികൃതര്‍ വ്യക്തമാക്കി.

വിദേശികളടക്കം 80 സഞ്ചാരികള്‍ ഇരു ബസിലുമായി ഉണ്ടായിരുന്നെന്നാണ് റിപ്പോര്‍ട്ട്. കൊല്ലപ്പെട്ട 38 പേരും ഈജിപ്തുകാരാണ്. കയ്റോയില്‍ നിന്ന് റിസോട്ടിലേക്കു പോകുംവഴിയാണ് ബസുകള്‍ അപകടത്തില്‍പ്പെട്ടത്. റോഡിന്റെ ശോച്യാവസ്ഥയെത്തുടര്‍ന്ന് ഈജിപ്റ്റില്‍ വാഹനാപകടങ്ങള്‍ സര്‍വസാധാരണമാണ്. കഴിഞ്ഞവര്‍ഷം 13,000 ആളുകള്‍ റോഡപകടങ്ങളില്‍ കൊല്ലപ്പെട്ടെന്നാണ് കണക്കുകള്‍.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.