രാസായുധാക്രമണത്തിന് ഉത്തരവിട്ടില്ലെന്ന് അസാദ്
വാഷിംഗ്ടണ്‍: ഡമാസ്കസ് പ്രാന്തത്തില്‍ നടന്ന രാസായുധാക്രമണവുമായി തനിക്ക് ബന്ധമില്ലെന്നും ആക്രമണത്തിന് ഉത്തരവു നല്‍കിയിട്ടില്ലെന്നും സിറിയന്‍ പ്രസിഡന്റ് ബഷാര്‍ അല്‍ അസാദ് വ്യക്തമാക്കി. യുഎസ് ടിവി ശൃംഖല സിബിഎസ് ന്യൂസിലെ ചാര്‍ലി റോസിന് അനുവദിച്ച അഭിമുഖത്തിലാണ് അദ്ദേഹം ഇക്കാര്യം പറഞ്ഞത്. അഭിമുഖം ഇന്നു സംപ്രേഷണം ചെയ്യുമെന്നു സിബിഎസ് ന്യൂസ് പറഞ്ഞു.

അമേരിക്കന്‍ ആക്രമണം ഉണ്ടായാല്‍ ഏതുവിധത്തില്‍ പ്രതികരിക്കുമെന്ന് അസാദ് വ്യക്തമാക്കിയില്ല.


സിറിയയുമായി അടുപ്പമുള്ളവരില്‍നിന്നു പ്രതികാര നടപടി ഉണ്ടായേക്കാം. വിനാശകാരിയായ ആയുധങ്ങള്‍ ഉണ്െടന്നു പറഞ്ഞ് ഇറാക്കിനെതിരേ യുദ്ധത്തിനു പോയ അമേരിക്കയ്ക്ക് അത്തരം ആയുധങ്ങള്‍ കണ്െടടുക്കാനായില്ലെന്നു പിന്നീടു സമ്മതിക്കേണ്ടിവന്ന കാര്യം അസാദ് എടുത്തുപറഞ്ഞു. ഇതേസമയം അസാദ് രാസായുധം പ്രയോഗിച്ചതിനു വ്യക്തമായ തെളിവുണ്െടന്നും സൈനികാക്രമണത്തെ അനുകൂലിക്കുന്ന നിരവധി രാജ്യങ്ങളുണ്െടന്നും വൈറ്റ്ഹൌസ് ചീഫ് ഓഫ് സ്റാഫ് ഡെന്നീസ് മക്ഡൊണോ സിഎന്‍എന്നിനോടു പറഞ്ഞു.