National News
ശബരിമല: സർക്കാർ നിലപാടിനെതിരേ ദേവസ്വം ബോർഡ്
ശബരിമല: സർക്കാർ നിലപാടിനെതിരേ ദേവസ്വം ബോർഡ്
Friday, July 20, 2018 1:03 AM IST
ന്യൂ​ഡ​ൽ​ഹി: ശ​ബ​രി​മ​ല​യി​ൽ എ​ല്ലാ പ്രാ​യ​ത്തി​ലു​മു​ള്ള സ്ത്രീ​ക​ളെ​യും പ്ര​വേ​ശി​പ്പി​ക്കാ​മെ​ന്ന സം​സ്ഥാ​ന സ​ർ​ക്കാ​രി​ന്‍റെ നി​ല​പാ​ടി​നെ​തി​രേ തി​രു​വി​താം​കൂ​ർ ദേ​വ​സ്വം ബോ​ർ​ഡ്. ആ​ർ​ത്ത​വ പ്ര​ശ്ന​ങ്ങ​ൾ കാ​ര​ണം 41 ദി​വ​സം സ്ത്രീ​ക​ൾ​ക്ക് വ്ര​ത​മെ​ടു​ക്കാ​നാ​വി​ല്ലെ​ന്നു ബോർഡ് സു​പ്രീം​കോ​ട​തി​യെ അ​റി​യി​ച്ചു. എ​ന്നാ​ൽ, ആ​ർ​ത്ത​വ​മു​ള്ള​തുകൊ​ണ്ട് സ്ത്രീ​ക​ളെ മാ​റ്റി​നി​ർ​ത്തു​ന്ന​ത് രാ​ജ്യ​ത്ത് നി​രോ​ധ​ന​ത്തി​ലു​ള്ള തൊ​ട്ടു​കൂ​ടാ​യ്മ​യി​ൽ ഉ​ൾ​പ്പെ​ടു​ന്ന​താ​ണെ​ന്നു കേ​സി​ലെ അ​മി​ക്ക​സ് ക്യൂ​റി രാ​ജു രാ​മ​ച​ന്ദ്ര​നും അ​ഞ്ചം​ഗ ഭ​ര​ണ​ഘ​ട​നാ ബെ​ഞ്ചി​നു മു​ന്പാ​കെ ചൂ​ണ്ടി​ക്കാ​ട്ടി.

പ​ത്ത് മു​ത​ൽ 50 വ​യ​സു വ​രെ​യു​ള്ള സ്ത്രീ​ക​ളെ ശ​ബ​രി​മ​ല​യി​ൽ പ്ര​വേ​ശി​പ്പി​ക്കാ​റി​ല്ല. വി​ശ്വാ​സ​ത്തി​ന്‍റെ​യും ആ​ചാ​ര​ത്തി​ന്‍റെ​യും ഭാ​ഗ​മാ​ണ​ത്. അ​ല്ലാ​തെ വി​വേ​ച​ന​മ​ല്ല. അ​തു കാ​ല​ങ്ങ​ളാ​യി തു​ട​രു​ന്ന​താ​ണെ​ന്നും ദേ​വ​സ്വം ബോ​ർ​ഡി​നു​വേ​ണ്ടി ഹാ​ജ​രാ​യ മ​നു അ​ഭി​ഷേ​ക് സിം​ഗ്‌​വി വാ​ദി​ച്ചു. എ​ന്നാ​ൽ, ആ​ർ​ത്ത​വ​ത്തി​ന്‍റെ പേ​രി​ൽ എ​ങ്ങ​നെ പ്രാ​യ​പ​രി​ധി നി​ശ്ച​യി​ക്കാ​നാ​കു​മെ​ന്നു കോ​ട​തി ചോ​ദി​ച്ചു. ചി​ല​ർ​ക്ക് 45ൽ ​ആ​ർ​ത്ത​വവി​രാ​മം ഉ​ണ്ടാ​വു​ക​യും ചി​ല​ർ​ക്ക് 50 ക​ഴി​ഞ്ഞു തു​ട​രു​ക​യും ചെ​യ്യു​ന്ന​ുണ്ട്. അ​പ്പോ​ൾ ഇ​തെ​ങ്ങ​നെ നീ​തി​ക​രി​ക്കാ​നാ​കു​മെ​ന്നും കോ​ട​തി ചോ​ദി​ച്ചു.


എ​ന്നാ​ൽ, ഈ ​വാ​ദ​ങ്ങ​ൾ ഭ​ര​ണ​ഘ​ട​ന​യു​ടെ 17-ാം അ​നു​ച്ഛേ​ദ​ത്തി​ന്‍റെ ലം​ഘ​ന​മാ​ണെന്ന് അ​മി​ക്ക​സ് ക്യൂ​റി രാ​ജു രാ​മ​ച​ന്ദ്ര​ൻ പ​റ​ഞ്ഞു. അ​ശു​ദ്ധി​യു​ടെ പേ​രി​ൽ ഒ​രാ​ളെ ഒ​ഴി​വാ​ക്കു​ന്ന​ത് തൊ​ട്ടു​കൂ​ടാ​യ്മ​യു​ടെ പ​രി​ധി​യി​ൽ വ​രും. ദ​ളി​ത് വി​ഭാ​ഗ​ത്തി​ൽ പെ​ട്ട​വ​രെ അ​ശു​ദ്ധി​യു​ള്ള​വ​രെ​ന്നു മു​ദ്ര​കു​ത്തി ആ​രാ​ധ​നാ​ല​യ​ങ്ങ​ളി​ൽ​നി​ന്നു മാ​റ്റി​നി​ർ​ത്തി​യി​രു​ന്ന​താ​ണ്. സ്ത്രീ​ക​ളെ അ​ശു​ദ്ധി​യു​ടെ പേ​രി​ൽ ഒ​ഴി​വാ​ക്കു​ന്ന​ത് തൊ​ട്ടു​കൂ​ടാ​യ്മ​യാ​യി ക​ണ​ക്കാ​ക്കാ​മെ​ന്നും അ​ദ്ദേ​ഹം വി​ശ​ദ​മാ​ക്കി.
കേ​സി​ൽ വാ​ദം അ​ടു​ത്തയാ​ഴ്ച​യും തു​ട​രും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.