വലയില്ലാതെ നെറ്റ്
Thursday, July 12, 2018 2:11 AM IST
ന്യൂ​ഡ​ൽ​ഹി: സേ​വ​ന ദാ​താ​ക്ക​ളു​ടെ കൈ​ക​ട​ത്ത​ൽ ഇ​ല്ലാ​തെ ഇ​ന്ത്യ​യി​ൽ ഇ​ന്‍റ​ർ​നെ​റ്റ് ഉ​പ​യോ​ഗം സാ​ധ്യ​മാ​ക്കു​ന്ന ഇ​ന്‍റ​ർ​നെ​റ്റ് നി​ഷ്പ​ക്ഷ​ത​യ്ക്ക് (നെ​റ്റ് ന്യൂ​ട്രാ​ലി​റ്റി) ടെ​ലി​കോം ക​മ്മീ​ഷ​ൻ അം​ഗീ​കാ​രം ന​ൽ​കി.

ട്രാ​യി (ടെ​ലി​കോം റെ​ഗു​ലേ​റ്റ​റി അ​ഥോ​റി​റ്റി ഓഫ് ഇന്ത്യ) ശി​പാ​ർ​ശ ചെ​യ്ത​വ​യി​ൽ ചി​ല പ്ര​ത്യേ​ക വി​ഷ​യ​ങ്ങ​ളൊ​ഴി​കെ നെ​റ്റ് ന്യൂ​ട്രാ​ലി​റ്റി​ക്ക് അം​ഗീ​കാ​രം ന​ൽ​കി​യെ​ന്നാ​ണ് ടെ​ലി​കോം സെ​ക്ര​ട്ട​റി അ​രു​ണ സു​ന്ദ​ർ​രാ​ജ് പ​റ​ഞ്ഞ​ത്. പു​തി​യ ടെ​ലി​കോം ന​യ​മാ​യ നാ​ഷ​ണ​ൽ ഡി​ജി​റ്റ​ൽ ക​മ്യൂ​ണി​ക്കേ​ഷ​ൻ​സ് പോ​ളി​സി 2018നും ​ക​മ്മീ​ഷ​ൻ അം​ഗീ​കാ​രം ന​ൽ​കി​യി​ട്ടു​ണ്ട്. ഇ​തി​ന് ഇ​നി കേ​ന്ദ്ര മ​ന്ത്രി​സ​ഭ അം​ഗീ​കാ​രം ന​ൽ​ക​ണം. ഈ ​വ​ർ​ഷം ഡി​സം​ബ​റോ​ടെ ആ​റാ​യി​രം കോ​ടി രൂ​പ ചെ​ല​വി​ൽ (വ​യ​ബി​ലി​റ്റി ഗ്യാ​പ് ഫ​ണ്ടിം​ഗ്) രാ​ജ്യ​ത്തെ എ​ല്ലാ ഗ്രാ​മ​പ​ഞ്ചാ​യ​ത്തു​ക​ളി​ലു​മാ​യി 12.5 ല​ക്ഷം വൈ ​ഫൈ ഹോ​ട്ട് സ്പോ​ട്ടു​ക​ൾ സ്ഥാ​പി​ക്കാ​നു​ള്ള പ​ദ്ധ​തി​ക്കും ടെ​ലി​കോം ക​മ്മീ​ഷ​ൻ അം​ഗീ​കാ​രം ന​ൽ​കി.

രോ​ഗി​യെ മ​റ്റൊ​രി​ട​ത്ത് ശ​സ്ത്രക്രി​യ​യ്ക്ക് വി​ധേ​യ​മാ​ക്കാ​വു​ന്ന റി​മോ​ട്ട് സ​ർ​ജ​റി, മ​നു​ഷ്യ ര​ഹി​ത വി​ദൂ​രനി​യ​ന്ത്രി​ത കാ​റു​ക​ൾ, ടെ​ലിമെ​ഡി​സി​ൻ എ​ന്നി​വ​യെ ഒ​ഴി​വാ​ക്കി​യാ​ണ് ടെ​ലി​കോം ക​മ്മീ​ഷ​ൻ നെ​റ്റ് ന്യൂ​ട്രാ​ലി​റ്റി​ക്ക് അം​ഗീ​കാ​രം ന​ൽ​കി​യി​രി​ക്കു​ന്ന​ത്. ഡി​ജി​റ്റ​ൽ അ​ടി​സ്ഥാ​ന സൗ​ക​ര്യ​ങ്ങ​ൾ രാ​ജ്യ​ത്തി​ന് ഏ​റ്റ​വും പ്ര​ധാ​ന​പ്പെ​ട്ട​താ​ണെ​ന്ന് ടെ​ലി​കോം ക​മ്മീ​ഷ​ൻ യോ​ഗ​ത്തി​ൽ പ​ങ്കെ​ടു​ത്ത എ​ല്ലാ​വ​രും അഭിപ്രായപ്പെട്ടു. എ​ല്ലാ ജി​ല്ല​ക​ളി​ലും ഡി​ജി​റ്റ​ൽ അ​ടി​സ്ഥാ​ന സൗ​ക​ര്യ​ങ്ങ​ൾ എ​ത്ര​യും വേ​ഗം എ​ത്തു​ന്നു​ണ്ടെ​ന്ന് ഉ​റ​പ്പു വ​രു​ത്ത​ണ​മെ​ന്ന് നീ​തി ആ​യോ​ഗ് സി​ഇ​ഒ അ​മി​താ​ഭ് കാ​ന്ത് പ​റ​ഞ്ഞു. ഇ​ന്‍റ​ർ​നെ​റ്റ് ഉ​പ​യോഗത്തിൽ ഒ​രു ത​ര​ത്തി​ലു​മുള്ള ഇ​ട​പെ​ട​ലോ നി​യ​ന്ത്ര​ണ​മോ ഏ​ർ​പ്പെ​ടു​ത്താ​നോ ഇനി പറ്റില്ല. കു​ത്ത​ക​യാ​ക്കി വയ്ക്കാനും സാ​ധി​ക്കി​ല്ല. മ​ന്ത്രി​ത​ല ടെ​ലി​കോം സ​മി​തി​യാ​ണ് നെ​റ്റ് ന്യൂ​ട്രാ​ലി​റ്റി ച​ട്ട​ങ്ങ​ൾ​ക്ക് അം​ഗീ​കാ​രം ന​ൽ​കി​യി​രി​ക്കു​ന്ന​ത്. ഇ​ത് എ​ത്ര​യും വേ​ഗ​ത്തി​ൽ പ്രാ​ബ​ല്യ​ത്തി​ൽ വ​രു​മെ​ന്നും അ​രു​ണ സു​ന്ദ​ർ​രാ​ജ​ൻ പ​റ​ഞ്ഞു.

അ​മേ​രി​ക്ക​യി​ൽ ന​ട​പ്പാ​ക്കാ​ൻ ശ്ര​മി​ച്ചു പ​രാ​ജ​യ​പ്പെ​ട്ട സം​വി​ധാ​നം ഇ​ന്ത്യ​യി​ലും ഏ​ർ​പ്പെ​ടു​ത്താ​നാ​ണ് ട്രാ​യി​യു​ടെ സ​ഹാ​യ​ത്തോ​ടെ മൊ​ബൈ​ൽ ക​ന്പ​നി​ക​ൾ ശ്ര​മി​ച്ചി​രു​ന്ന​ത്. ഇ​തി​നെ​തി​രേ വ്യാ​പ​ക പ്ര​തി​ഷേ​ധ​മാ​ണ് ഓ​ണ്‍ലൈ​നി​ലൂ​ടെ​യും മറ്റും ഉ​യ​ർ​ന്ന​ത്. തു​ട​ർ​ന്ന് നെ​റ്റ്ന്യൂ​ട്രാ​ലി​റ്റി ഏ​ർ​പ്പെ​ടു​ത്തു​ന്ന​തു​മാ​യി ബ​ന്ധ​പ്പെ​ട്ട ട്രാ​യ് സ​ർ​വേ ന​ട​ത്തി​യി​രു​ന്നു.


മൊ​ബൈ​ൽ ക​ന്പ​നി​ക​ളു​ടെ ക​ഴു​ക​ൻ ക​ണ്ണ്

വാ​ട്ട്സ് ആ​പ്പ്, സ്കൈ​പ്പ്, വൈ​ബ​ർ സേ​വ​ന​ങ്ങ​ൾ വ​ന്ന​തോ​ടെ ഫോ​ണ്‍വി​ളി വ​ഴി ല​ഭി​ച്ചി​രു​ന്ന വ​രു​മാ​ന​ത്തി​ൽ വ​ൻ ഇ​ടി​വു​ണ്ടാ​യെ​ന്നും വാ​ട്സ്ആ​പ്പ്, ടെ​ല​ഗ്രാം പോ​ലെ​യു​ള്ള ടെ​ക്സ്റ്റ് സ​ന്ദേ​ശ ആ​പ്പു​ക​ൾ എ​സ്എം​എ​സ് വി​പ​ണി​യെ​യും ത​ള​ർ​ത്ത​ിയെ​ന്നു​മാ​യി​രു​ന്നു മൊ​ബൈ​ൽ ക​ന്പ​നി​ക​ളു​ടെ വാ​ദം. ഇ​ക്കാ​ര്യം ചൂ​ണ്ടി​ക്കാ​ട്ടി ഇ​ന്‍റ​ർ​നെ​റ്റ് ഡാ​റ്റാ പ​ല​ത​ട്ടി​ൽ ആ​ക്കി വ്യ​ത്യ​സ്ത നി​ര​ക്ക് ഈ​ടാ​ക്ക​ണ​മെ​ന്നാ​യി​രു​ന്നു ഇ​വ​രു​ടെ ആ​വ​ശ്യം. അ​താ​യ​ത് വാ​ട്ട്സ് ആ​പ്പ്, സ്കൈ​പ്പ്, വൈ​ബ​ർ പോ​ലു​ള്ള സ​ന്ദേ​ശ​സേ​വ​ന ആ​പ്പു​ക​ൾ ഉ​പ​യോ​ഗി​ക്ക​ണ​മെ​ങ്കി​ൽ ഒ​രു നി​ര​ക്ക്. വീ​ഡി​യോ ആ​സ്വ​ദി​ക്കാ​നു​ള്ള​തി​ന് വേ​റെ ഒ​രു നി​ര​ക്ക് ഇ​ന്‍റ​ർ​നെ​റ്റ് വ​ഴി​യു​ള്ള കോ​ളി​ന് കൂ​ടു​ത​ൽ ഉ​യ​ർ​ന്ന നി​ര​ക്ക്. ഇ​ങ്ങ​നെ പ​ല​ത​ട്ടി​ൽ പ​ണം വാ​ങ്ങു​ക​യാ​യി​രു​ന്നു മൊ​ബൈ​ൽ ക​ന്പ​നി​ക​ളു​ടെ ഉ​ദ്ദേ​ശ്യം.


നെ​റ്റ് ന്യൂ​ട്രാ​ലി​റ്റി

ഇ​ന്‍റ​ർ​നെ​റ്റി​ൽ ല​ഭ്യ​മാ​യ എ​ല്ലാ ഉ​ള്ള​ട​ക്ക​വും ഒ​രു നി​യ​ന്ത്ര​ണ​വു​മി​ല്ലാ​തെ എ​ല്ലാ​വ​ർ​ക്കും എ​പ്പോ​ഴും ല​ഭ്യ​മാ​കു​ന്ന അ​വ​സ്ഥ​യാ​ണ് നെ​റ്റ് ന്യൂ​ട്രാ​ലി​റ്റി. ഇ​ന്‍റ​ർ​നെ​റ്റ് എ​ങ്ങ​നെ ഉ​പ​യോ​ഗി​ക്ക​ണ​മെ​ന്ന് യാ​തൊ​രു സാ​ഹ​ച​ര്യ​ത്തി​ലും ഇ​ന്‍റ​ർ​നെ​റ്റ് സേ​വ​ന​ദാ​താ​ക്ക​ൾ നി​യ​ന്ത്രി​ക്കാ​ൻ പാ​ടി​ല്ല എ​ന്ന​താ​ണ് നെ​റ്റ് ന്യൂ​ട്രാ​ലി​റ്റി എ​ന്ന​തു​കൊ​ണ്ട് അ​ടി​സ്ഥാ​ന​പ​ര​മാ​യി ഉ​ദ്ദേ​ശി​ക്കു​ന്ന​ത്. വാ​ട്സ്ആ​പ്പ്, സ്കൈ​പ്പ്, വൈ​ബ​ർ തു​ട​ങ്ങി​യ സേ​വ​ന​ങ്ങ​ൾ​ക്ക് ഇ​ന്‍റ​ർ​നെ​റ്റ് ഡേ​റ്റാ പ്ലാ​നി​നു പു​റ​മേ അ​ധി​ക പ​ണം ഈ​ടാ​ക്കു​മെ​ന്ന ഇ​ന്‍റ​ർ​നെ​റ്റ് സേ​വ​നദാ​താ​ക്ക​ളു​ടെ പ്ര​ഖ്യാ​പ​ന​ത്തോ​ടെ​യാ​ണ് ഇ​ന്ത്യ​യി​ൽ നെ​റ്റ് ന്യൂ​ട്രാ​ലി​റ്റി​യെ കു​റി​ച്ചു​ള്ള ച​ർ​ച്ച​ക​ൾ​ക്ക് ചൂ​ട് പി​ടി​ച്ച​ത്.

നെ​റ്റ് ന്യൂ​ട്രാ​ലി​റ്റി ഇ​ല്ലാ​താ​യാ​ൽ ഇ​ന്‍റ​ർ​നെ​റ്റ് ല​ഭ്യ​ത​യു​ടെ മൊ​ത്തം നി​യ​ന്ത്ര​ണം ടെ​ലി​കോം സേ​വ​ന​ദാ​താ​ക്ക​ളു​ടെ കൈ​ക​ളി​ലെ​ത്തും. ഏ​തെ​ല്ലാം സ​ർ​വീ​സ് സൗ​ജ​ന്യ​മാ​യി ന​ൽ​ക​ണം, ഓ​രോ​ന്നി​നും എ​ത്ര പ​ണം ഈ​ടാ​ക്ക​ണം, ഏ​തെ​ല്ലാം വെ​ബ് സൈ​റ്റു​ക​ൾ വേ​ഗ​ത്തി​ൽ ല​ഭ്യ​മാ​ക്ക​ണം എ​ന്ന​തെ​ല്ലാം ടെ​ലി​കോം സേ​വ​ന​ദാ​താ​ക്ക​ൾ​ക്ക് തീ​രു​മാ​നി​ക്കാ​മെ​ന്ന അ​വ​സ്ഥ വ​രു​മാ​യി​രു​ന്നു. വാ​ട്സ്ആ​പ്പ്, ഫേ​സ്ബു​ക്ക്, സ്കൈ​പ്പ്, ഹാം​ഗ്ഒൗ​ട്ട് മു​ത​ലാ​വ​യ​ക്ക് ഫീ​സ് ഈ​ടാ​ക്കു​ക, ടെ​ലി​കോം സേ​വ​ന​ദാ​താ​ക്ക​ളു​മാ​യി ക​രാ​റി​ലേ​ർ​പ്പെ​ടാ​ത്ത വെ​ബ് സൈ​റ്റു​ക​ൾ ത​ട​യു​ക, ടെ​ലി​കോം സേ​വ​ന​ദാ​താ​ക്ക​ൾ​ക്കും അ​വ​രു​ടെ താ​ത്പ​ര്യ​ങ്ങ​ൾ​ക്കു​മെ​തി​രാ​യി പ്ര​വ​ർ​ത്തി​ക്കു​ന്ന വെ​ബ്സൈ​റ്റു​ക​ൾ ത​ട​യു​ക തു​ട​ങ്ങി​യ എ​ല്ലാ​ത്ത​രം നി​യ​ന്ത്ര​ണ​ങ്ങ​ളും ഏ​ർ​പ്പെ​ടു​ത്താ​നു​ള്ള പ​രി​പൂ​ർ​ണ അ​ധി​കാ​രം ടെ​ലി​കോം സേ​വ​ന​ദാ​താ​ക്ക​ൾ​ക്ക് ല​ഭ്യ​മാ​കു​മാ​യി​രു​ന്നു.

സെ​ബി മാ​ത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.