National News
അനാശാസ്യം: മേജർ ഗോഗോയിക്കു സൈനിക കോടതി വിചാരണ
അനാശാസ്യം: മേജർ ഗോഗോയിക്കു സൈനിക കോടതി വിചാരണ
Saturday, May 26, 2018 1:10 AM IST
ന്യൂ​ഡ​ൽ​ഹി: ശ്രീ​ന​ഗ​റി​ൽ അ​നാ​ശാ​സ്യ​ത്തി​നു പി​ടി​യി​ലാ​യ മേ​ജ​ർ ലീ​തു​ൽ ഗോ​ഗോ​യി​യെ സൈ​നി​കവി​ചാ​ര​ണ ചെ​യ്യാ​ൻ ഉ​ത്ത​ര​വി​ട്ടു. പ്രാ​യ​പൂ​ർ​ത്തി​യാ​കാ​ത്ത പെ​ണ്‍കു​ട്ടി​യു​മാ​യി ഹോ​ട്ട​ലി​ൽ എ​ത്തു​ക​യും ജീ​വ​ന​ക്കാ​രു​മാ​യി വാ​ക്കേ​റ്റ​മു​ണ്ടാ​കു​ക​യും ചെ​യ്ത​തി​നെ​ത്തു​ട​ർ​ന്നാ​ണ് ഗോ​ഗോ​യി​യെ നാ​ട്ടു​കാ​ർ പി​ടി​ച്ചു പോ​ലീ​സി​ൽ ഏ​ല്പി​ച്ച​ത്.

കാ​ഷ്മീ​രി​ൽ ക​ല്ലേ​റ് ത​ടു​ക്കാ​ൻ എന്നുപറഞ്ഞു യു​വാ​വി​നെ മ​നു​ഷ്യ​ക​വ​ച​മാ​ക്കി ജീ​പ്പി​നു മു​ന്നി​ൽ കെ​ട്ടി​യി​ട്ട​തി​ലൂ​ടെ കു​പ്ര​സി​ദ്ധി നേ​ടി​യയാളാണു മേ​ജ​ർ ഗോ​ഗോ​യി. അ​നാ​ശാ​സ്യ​ത്തി​ന് പി​ടി​യി​ലാ​യ ഇ​ദ്ദേഹ ത്തെ സൈ​നി​കകോ​ട​തി വി​ചാ​ര​ണ ന​ട​ത്തി അ​ന്വേ​ഷ​ണ​ത്തി​നു​ശേ​ഷം യുക്തമാ​യ ന​ട​പ​ടി​യെ​ടു​ക്കു​മെ​ന്ന് ക​ര​സേ​ന പ്ര​സ്താ​വ​ന​യി​ൽ അ​റി​യി​ച്ചു. കു​റ്റ​ക്കാ​ര​നെ​ന്നു ക​ണ്ടെ​ത്തി​യാ​ൽ മാ​തൃ​കാ​പ​ര​മാ​യി ശി​ക്ഷി​ക്കു​മെ​ന്ന് ക​ര​സേ​നാ മേ​ധാ​വി ബി​പി​ൻ റാ​വ​ത്ത് പ​റ​ഞ്ഞു. എ​ന്ന​ാൽ, വി​ചാ​ര​ണ​യ്ക്കു​ള്ള ഉ​ത്ത​ര​വി​ൽ ഇ​തു​വ​രെ ഒ​പ്പുവ​ച്ചി​ട്ടി​ല്ല. അ​തി​നാ​ൽ അ​ന്വേ​ഷ​ണം എ​ന്നു​മു​ത​ൽ ആ​രം​ഭി​ക്കു​മെ​ന്നു പ​റ​യാ​നാവി​ല്ല.

ശ്രീ​ന​ഗ​റി​ലെ ഒ​രു ഹോ​ട്ട​ലി​ൽനി​ന്നാ​ണ് യു​വ​തി​ക്കും യു​വാ​വി​നും ഒ​പ്പം മേ​ജ​ർ ഗോ​ഗോ​യി​യെ ക​ഴി​ഞ്ഞ ദി​വ​സം പോ​ലീ​സ് പി​ടി​കൂടി ചോ​ദ്യംചെ​യ്ത​ത്. ഇ​ന്ത്യ​ൻ സൈ​ന്യ​ത്തി​ലെ ഏ​ത് ഉ​ദ്യോ​ഗ​സ്ഥ​ൻ കു​റ്റ​കൃ​ത്യ​ങ്ങ​ൾ ചെ​യ്താ​ലും ക​ർ​ശ​ന​മാ​യ ശി​ക്ഷ ന​ൽ​കും. മേ​ജ​ർ ഗോ​ഗോ​യി കു​റ്റം ചെ​യ്തു എ​ന്നു തെ​ളി​ഞ്ഞാ​ൽ ശി​ക്ഷി​ക്കു​മെ​ന്ന് ഉ​റ​പ്പുത​രു​ന്നു​വെ​ന്നു​മാ​ണ് ക​ര​സേ​നാ മേ​ധാ​വി പ​റ​ഞ്ഞ​ത്.


മേ​ജ​റി​നൊ​പ്പം എ​ത്തി​യ യു​വ​തി​ക്ക് ഹോട്ടൽ മുറിയിൽ പ്ര​വേ​ശ​നം നി​ഷേ​ധി​ച്ച​തോ​ടെ ഇ​യാ​ൾ ഹോ​ട്ട​ൽ ജീ​വ​ന​ക്കാ​രു​മാ​യി സം​ഘ​ർ​ഷ​ത്തി​ലാ​യി. തു​ട​ർ​ന്ന് ഹോ​ട്ട​ലി​ൽ നാട്ടുകാർ കൂ​ടു​ക​യും ഇ​യാ​ളെ പി​ടി​ച്ചു പോ​ലീ​സി​ൽ ഏ​ൽ​പ്പി​ക്കു​ക​യു​മാ​യി​രു​ന്നു. എ​ന്നാ​ൽ, മേ​ജ​ർ ഗോ​ഗോ​യി​യെ തി​രി​ച്ച​റി​ഞ്ഞ പോ​ലീ​സ് കേ​സെ​ടു​ത്തെ​ങ്കി​ലും ഇ​യാ​ളെ വി​ട്ട​യ​ച്ചു. ഗോ​ഗോ​യി​ക്കൊ​പ്പം എ​ത്തി​യ പെ​ണ്‍കു​ട്ടി​ക്കു പ്രാ​യ​പൂ​ർ​ത്തി​യാ​യി​രു​ന്നി​ല്ലെ​ന്നാ​ണ് നാ​ട്ടു​കാ​ർ ആ​രോ​പി​ച്ച​ത്.

ക​ഴി​ഞ്ഞ വ​ർ​ഷ​മാ​ണ് കാ​ശ്മീ​രി​ൽ ക​ല്ലേ​റ് പ്ര​തി​രോ​ധി​ക്കാ​നാ​യി ഫാ​റൂ​ഖ് അ​ഹ​മ്മ​ദ് ധ​ർ എ​ന്ന യു​വാ​വി​നെ ഗോ​ഗോ​യി മ​നു​ഷ്യ​ക​വ​ച​മാ​യി ജീ​പ്പി​നു മു​ന്നി​ൽ കെ​ട്ടി​വ​ച്ച​ത്. ഇ​തി​ന്‍റെ ചി​ത്ര​ങ്ങ​ൾ സ​മൂ​ഹ മാ​ധ്യ​മ​ങ്ങ​ളിൽ പ​ട​ർ​ന്ന​തോ​ടെ സം​ഭ​വം വി​വാ​ദ​മാ​യി. സം​ഭ​വ​ത്തി​ൽ ഗോ​ഗോ​യി​ക്കെ​തി​രേ പോ​ലീ​സ് കേ​സെ​ടു​ത്തെ​ങ്കി​ലും സൈ​ന്യം ഇ​യാ​ളെ ക്ലീ​ൻ​ചി​റ്റ് ന​ൽ​കി ര​ക്ഷി​ച്ചെ​ടു​ത്തു.


സെ​ബി മാ​ത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.