National News
രാജ്യം ഉറ്റുനോക്കിയ ആറാം നന്പർ കോടതിമുറി
രാജ്യം ഉറ്റുനോക്കിയ ആറാം നന്പർ കോടതിമുറി
Saturday, May 19, 2018 12:55 AM IST
ന്യൂ​ഡ​ൽ​ഹി: സു​പ്രീം​കോ​ട​തി​യി​ലെ ആ​റാം ന​ന്പ​ർ കോ​ട​തി മു​റി​യി​ലേ​ക്കാ​ണു രാ​ജ്യം ഇ​ന്ന​ലെ ഉ​റ്റുനോ​ക്കി​യത്. ന​ട​പ​ടി​ക​ൾ ആ​രം​ഭി​ക്കു​ന്ന​തി​നും 45 മി​നി​റ്റ് മു​ൻ​പേ മു​റി​യി​ൽ അ​ഭി​ഭാ​ഷ​ക​രും മാ​ധ്യ​മ​പ്ര​വ​ർ​ത്ത​ക​രും തി​ങ്ങിനി​റ​ഞ്ഞു. ജ​സ്റ്റീ​സു​മാ​രാ​യ എ.​കെ. സി​ക്രി, എ​സ്.​എ. ബോ​ബ്ഡേ, അ​ശോ​ക് ഭൂ​ഷ​ൺ എ​ന്നി​വ​ർ 10.40ന് ​ബെ​ഞ്ചി​ലി​രു​ന്നു.

മു​തി​ർ​ന്ന അ​ഭി​ഭാ​ഷ​ക​രാ​യ ക​പി​ൽ സി​ബ​ൽ, അ​ഭി​ഷേ​ക് മ​നു സിം​ഗ്‌​വി, പി. ചിദംബരം എ​ന്നി​വ​ർ പ​രാ​തി​ക്കാ​രാ​യ കോ​ണ്‍ഗ്ര​സി​നും ജെ​ഡി​എ​സി​നും വേ​ണ്ടി ഹാ​ജ​രാ​യി.

അ​റ്റോ​ർ​ണി ജ​ന​റ​ൽ കെ.​കെ. വേ​ണു​ഗോ​പാ​ൽ കേ​ന്ദ്രസ​ർ​ക്കാ​രി​നു വേ​ണ്ടി​യും അ​ഡീ​ഷ​ണ​ൽ സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത ക​ർ​ണാ​ട​ക സ​ർ​ക്കാ​രി​നും ഗ​വ​ർ​ണ​ർ​ക്കുംവേ​ണ്ടി​യും ഹാ​ജ​രാ​യി. ബി.​എ​സ്. യെ​ദി​യൂ​ര​പ്പ​യ്ക്കു വേ​ണ്ടി മു​തി​ർ​ന്ന അ​ഭി​ഭാ​ഷ​ക​ൻ മു​കു​ൾ റൊ​ഹ്ത​ഗി​യും ഹാ​ജ​രാ​യി. വാ​ദ​പ്ര​തി​വാ​ദ​ങ്ങ​ൾ ഒ​രു മ​ണി​ക്കൂ​റി​ല​ധി​കം നീ​ണ്ടു. 15,16 തീ​യ​തി​ക​ളി​ൽ യെ​ദി​യൂ​ര​പ്പ ഗ​വ​ർ​ണ​ർ വാ​ജു​ഭാ​യി വാ​ല​യ്ക്കു ന​ൽ​കി​യ ര​ണ്ടു ക​ത്തു​ക​ൾ മു​കു​ൾ റോ​ഹ്ത​ഗി ഹാ​ജ​രാ​ക്കി.

സു​പ്രീം​കോ​ട​തി​യി​ൽ ന​ട​ന്ന വാ​ദ​ത്തി​ന്‍റെ സം​ക്ഷി​പ്ത രൂ​പം

മു​കു​ൾ റോ​ഹ്ത​ഗി: ആ​രാ​ണു സ​ർ​ക്കാ​ർ രൂ​പീ​ക​രി​ക്കു​ന്ന​തെ​ന്നു നോ​ക്കു​കയാണു ഗ​വ​ർ​ണ​റു​ടെ ഏ​ക ചു​മ​ത​ല. കോ​ണ്‍ഗ്ര​സും ജെ​ഡി​എ​സും നല്കിയ ക​ത്തി​ൽ ര​ണ്ടു പേ​രു​ടെ ഒ​പ്പി​ല്ല. അ​വ​ർ ഗ​വ​ർ​ണ​ർ​ക്കു ന​ൽ​കി​യ​ത് മ​റ്റൊ​രു ക​ത്താ​ണെ​ന്നാ​ണു ക​രു​തു​ന്ന​ത്. പ്ര​സ്തു​ത ക​ത്ത് ഗ​വ​ർ​ണ​ർ​ക്കു ന​ൽ​കി​യി​ട്ടി​ല്ലെ​ങ്കി​ൽ പ​രാ​തി ഇ​നി കേ​ൾ​ക്കു​ന്ന​തി​ൽ കാ​ര്യ​മി​ല്ല. അ​വ​ർ എം​എ​ൽ​എ​മാ​രെ ത​ട​ഞ്ഞുവ​ച്ചി​രി​ക്കു​ക​യാ​ണ്.

ജ​സ്റ്റീ​സ് എ.​കെ സി​ക്രി: ആ​ത്യ​ന്തി​ക​മാ​യി ഇ​ത് സം​ഖ്യ​ക​ളു​ടെ ക​ളി​യാ​ണ്. ഒ​രു ക​ക്ഷി​ക്കും ഭൂ​രി​പ​ക്ഷ​മി​ല്ല. സ​ർ​ക്കാ​രി​യ ക​മ്മീ​ഷ​ൻ റി​പ്പോ​ർ​ട്ടി​ൽ പ​റ​യു​ന്ന​ത് സ​ർ​ക്കാ​ർ രൂ​പീ​ക​രി​ക്കാ​ൻ തെ​ര​ഞ്ഞെ​ടു​പ്പി​നു മു​ൻ​പു​ള്ള സ​ഖ്യ​ത്തി​ന് ആ​ദ്യ​വും ഏ​റ്റ​വും വ​ലി​യ ക​ക്ഷി​ക്കു ര​ണ്ടാ​മ​തും അ​വ​സ​രം ന​ൽ​ക​ണ​മെ​ന്നാ​ണ്. മൂ​ന്നാ​മ​താ​യാ​ണു തെ​ര​ഞ്ഞെ​ടു​പ്പി​ന് ശേ​ഷ​മു​ള്ള സ​ഖ്യ​ത്തെ പ​രി​ഗ​ണി​ക്കേ​ണ്ട​ത്. എ​ന്നാ​ൽ, ഇ​ക്കാ​ര്യ​ങ്ങ​ൾ സ​ർ​ക്കാ​രി​യ ക​മ്മീ​ഷ​ൻ നി​യ​മ​പ​ര​മാ​യി നി​ഷ്ക​ർ​ഷി​ക്കു​ന്നി​ല്ല. ഈ ​സാ​ഹ​ച​ര്യ​ത്തി​ൽ ര​ണ്ടു കാ​ര്യ​ങ്ങ​ളാ​ണു കോ​ട​തി മു​ന്നോ​ട്ടു വയ്​ക്കു​ന്ന​ത്.

1. ഏ​റ്റ​വും വ​ലി​യ ക​ക്ഷി​യെ സ​ർ​ക്കാ​ർ രൂ​പീ​ക​രി​ക്കാ​ൻ ഗ​വ​ർ​ണ​ർ ക്ഷ​ണി​ച്ച​ത് ശ​രി​യോ തെ​റ്റോ എ​ന്നു പ​രി​ശോ​ധി​ക്കാം.

2. വി​ശ്വാ​സവോ​ട്ടെ​ടു​പ്പ് ന​ട​ത്ത​ണം, അ​ത് ശനിയാഴ്ച ത​ന്നെ വേ​ണം.

അ​ഭി​ഷേ​ക് മ​നു സിം​ഗ്‌​വി: ആ​രെ​യാ​ണ് ഗ​വ​ർ​ണ​ർ സ​ർ​ക്കാ​ർ രൂ​പീ​ക​രി​ക്കാ​ൻ ആ​ദ്യം ക്ഷ​ണി​ച്ച​തെ​ന്നാ​ണ് ചോ​ദ്യം. കോ​ണ്‍ഗ്ര​സ് - ജെ​ഡി​എ​സ് സ​ഖ്യ​ത്തെ മാ​റ്റി നി​ർ​ത്തി ബി​ജെ​പി​യെ സ​ർ​ക്കാ​ർ രൂ​പീ​ക​രി​ക്കാ​ൻ ക്ഷ​ണി​ച്ച​തി​ലും ഭൂ​രി​പ​ക്ഷം തെ​ളി​യി​ക്കാ​ൻ 15 ദി​വ​സം ന​ൽ​കി​യ​തി​ലു​മു​ള്ള ഗ​വ​ർ​ണ​റു​ടെ ഉ​ദ്ദേ​ശ്യ​ശു​ദ്ധി പ​രി​ശോ​ധി​ക്ക​ണം. കോ​ട​തി നി​ർ​ദേ​ശി​ച്ച ര​ണ്ടു മാ​ർ​ഗ​ങ്ങ​ളും ത​മ്മി​ൽ കൂ​ട്ടി​ക്കു​ഴ​യ്ക്ക​രു​ത്. ശനിയാഴ്ച ത​ന്നെ വി​ശ്വാ​സ വോ​ട്ടെ​ടു​പ്പ് ന​ട​ക്ക​ട്ടെ.

യെ​ദി​യൂ​ര​പ്പ ആ​ദ്യം ക​ത്ത് ന​ൽ​കി​യ​ത് 15നാ​ണ്. എ​ന്നാ​ൽ, ഒൗ​ദ്യോ​ഗി​ക ഫ​ല​പ്ര​ഖ്യാ​പ​നം വ​ന്ന​ത് 16നാ​ണ്. തെ​ര​ഞ്ഞെ​ടു​പ്പു ഫ​ലം പ്ര​ഖ്യാ​പി​ക്കു​ന്ന​തി​നു മു​ൻ​പു ത​ന്നെ ത​ങ്ങ​ളാ​ണ് ഏ​റ്റ​വും വ​ലി​യ ക​ക്ഷി എ​ന്ന് അ​വ​ർ അ​വ​കാ​ശ​പ്പെ​ട്ടുക​ഴി​ഞ്ഞി​രു​ന്നു.

കോ​ണ്‍ഗ്ര​സും ജെ​ഡി​എ​സും ന​ൽ​കി​യ ക​ത്തി​ൽ ര​ണ്ടു പേ​രു​ടെ ഒ​പ്പി​ല്ലെ​ങ്കി​ൽത​ന്നെ അ​വ​ർ 115 എം​എ​ൽ​എ​മാ​രു​ണ്ട്.

117 പേ​രു​ക​ളു​മാ​യി ഒ​രു ക​ത്തും 104 പേ​രു​ക​ളു​മാ​യി മ​റ്റൊ​രു ക​ത്തും ല​ഭി​ക്കുന്പോൾ 104 എ​ന്ന​ത് 117നെ​ക്കാ​ൾ വ​ലു​താ​ണ് എ​ന്ന് ഗ​വ​ർ​ണ​ർ എ​ങ്ങ​നെ തീ​രു​മാ​നി​ക്കും.

കോ​ട​തി പ​റ​ഞ്ഞ​ത് അ​നു​സ​രി​ച്ചാ​ണെ​ങ്കി​ൽ സ​ർ​ക്കാ​രി​യ ക​മ്മീ​ഷ​ൻ റി​പ്പോ​ർ​ട്ട് അ​നു​സ​രി​ച്ച് ഗ​തി​മാ​റ്റ​ത്തി​നു​ള്ള സാ​ധ്യ​ത​യു​ണ്ട്. പ​ക്ഷേ അ​ത് ഏ​റ്റ​വും വ​ലി​യ ക​ക്ഷി​ക്ക് ഭൂ​രി​പ​ക്ഷം തെ​ളി​യി​ക്കാ​നു​ള്ള അം​ഗ​ങ്ങ​ൾ ഉ​ണ്ടെ​ങ്കി​ൽ മാ​ത്ര​മാ​ണ്. ഇ​വി​ടെ 104 അം​ഗ​ങ്ങ​ൾ മാ​ത്ര​മാ​ണു​ള്ള​ത്. ഏ​ഴു പേ​ർ കൂ​ടി പി​ന്തു​ണ​യ്ക്കും എ​ന്നു പ​റ​യു​ന്നു. അ​തുകൂ​ടി ഉ​റ​പ്പാ​യാ​ൽ മാ​ത്ര​മേ അ​വ​രെ സ​ർ​ക്കാ​ർ രൂ​പീ​ക​രി​ക്കാ​ൻ ക്ഷ​ണി​ക്കാ​ൻ ക​ഴി​യൂ. ഏ​റ്റ​വും വ​ലി​യ ക​ക്ഷി​ക്ക് ഭൂ​രി​പ​ക്ഷം ഇ​ല്ലാ​തി​രി​ക്കേ സ​ർ​ക്കാ​ർ രൂ​പീ​ക​രി​ക്കാ​ൻ ക്ഷ​ണി​ക്കാം എ​ന്ന് നി​യ​മം അ​നു​ശാ​സി​ക്കു​ന്നി​ല്ല.

ജ​സ്റ്റീ​സ് എ.​കെ. സി​ക്രി: ഈ ​സാ​ഹ​ച​ര്യ​ത്തി​ൽ വാ​ദം കേ​ൾ​ക്കു​ക​യും ഒ​രു ഉ​ത്ത​ര​വ് പു​റ​പ്പെ​ടു​വി​ക്കു​ക​യും ചെ​യ്താ​ലും ഈ ​പ്ര​ശ്ന​ത്തി​ന് അ​തൊ​രു പ്രാ​യോ​ഗി​ക പ​രി​ഹാ​രം ആ​കി​ല്ല. അ​തുകൊ​ണ്ടാ​ണ് ശനിയാഴ്ച ത​ന്നെ വി​ശ്വാ​സ വോ​ട്ടെ​ടു​പ്പ് ന​ട​ത്ത​ണ​മെ​ന്ന് പ​റ​യു​ന്ന​ത്.


ക​പി​ൽ സി​ബ​ൽ: ഭ​ര​ണ​ഘ​ട​നാ​പ​ര​മാ​യ പ​ദ​വി​യി​ൽ നി​ന്നു​ള്ള വി​വേ​ച​നം ഭ​ര​ണ​ഘ​ട​നാ​പ​ര​മാ​യ നി​യ​മ​ത്തി​ൽ ഒ​തു​ക്കിനി​ർ​ത്തി​യി​രി​ക്കു​ക​യാ​ണ്. (സ​ർ​ക്കാ​രി​യ ക​മ്മീ​ഷ​ൻ റി​പ്പോ​ർ​ട്ടി​ലെ പ്ര​സ്തു​ത ഭാ​ഗം വാ​യി​ക്കു​ന്നു.)

യെ​ദി​യൂ​ര​പ്പ ഗ​വ​ർ​ണ​ർ​ക്കു ന​ൽ​കി​യ ക​ത്തി​ൽ പ​റ​യു​ന്ന​ത് ഏ​റ്റ​വും വ​ലി​യ ക​ക്ഷി​യാ​ണെ​ന്നും ഭൂ​രി​പ​ക്ഷ പി​ന്തു​ണ ഉ​ണ്ടെ​ന്നു​മാ​ണ്. ഇ​ക്കാ​ര്യം ഉ​റ​പ്പാ​ണെ​ങ്കി​ൽ ആ ​പി​ന്തു​ണ വെ​ളി​പ്പെ​ടു​ത്തേ​ണ്ട​താ​ണ്. ഇ​വി​ടെ​യാ​ണ് ഗ​വ​ർ​ണ​റു​ടെ വി​വേ​ച​നം വ​രു​ന്ന​ത്. ചെയ്ത നടപടി ഭ​ര​ണ​ഘ​ട​നാ​പ​ര​മാ​യ അ​ധാ​ർ​മി​ക​ത ത​ന്നെ​യാ​ണ്.

യെ​ദി​യൂ​ര​പ്പ​യ്ക്ക് ഭൂ​രി​പ​ക്ഷം തെ​ളി​യി​ക്കാ​ൻ കോ​ണ്‍ഗ്ര​സി​ന്‍റെ​യോ ജെ​ഡി​എ​സി​ന്‍റെ​യോ പി​ന്തു​ണ കൂ​ടി​യേ തീ​രൂ എ​ന്നു വ്യ​ക്ത​മാ​ണ്. മ​റ്റൊ​രു വ​ഴി​യും ഇ​ല്ല.

തു​ഷാ​ർ മേ​ത്ത: എം​എ​ൽ​എ​മാ​രു​ടെ ഒ​പ്പോ​ടുകൂ​ടി ഒ​രു ക​ത്തും ഗ​വ​ർ​ണ​ർ​ക്കും ല​ഭി​ച്ചി​ട്ടി​ല്ല. ഗ​വ​ർ​ണ​ർ​ക്കു ല​ഭി​ച്ച ക​ത്തി​ൽ പേ​രു​ക​ൾ മാ​ത്ര​മേ​യു​ള്ളൂ. ആ​രു​ടെ​യും ഒ​പ്പു​ക​ളി​ല്ല.

പി. ​ചി​ദം​ബ​രം: വി​ശ്വാ​സ വോ​ട്ടെ​ടു​പ്പ് ന​ട​ക്കു​ന്ന​തു വ​രെ ആം​ഗ്ലോ ഇ​ന്ത്യ​ൻ പ്ര​തി​നി​ധി​യെ എം​എ​ൽ​എ ആ​യി നി​യ​മി​ക്ക​രു​ത്. (മു​കു​ൾ റോ​ഹ്ത​ഗി ഇ​തി​നെ എ​തി​ർ​ക്കു​ന്നു.)

ജ​സ്റ്റീ​സ് എ.​കെ. സി​ക്രി: മി​സ്റ്റ​ർ റോ​ഹ്ത​ഗി. ഇ​തു വ​ള​രെ വ്യ​ക്ത​മാ​ണ്. നി​ങ്ങ​ൾ വി​ശ്വാ​സ വോ​ട്ടെ​ടു​പ്പി​ൽ വി​ജ​യി​ക്കു​ന്ന​തു വ​രെ ഇ​ത്ത​രം നി​യ​മ​ന​ങ്ങ​ൾ ന​ട​ത്താ​ൻ പാ​ടി​ല്ല.

മു​കു​ൾ റോ​ഹ്ത​ഗി: ഭൂ​രി​പ​ക്ഷം തെ​ളി​യി​ക്കാ​ൻ ഗ​വ​ർ​ണ​ർ 15 ദി​വ​സ​ത്തെ സ​മ​യം ന​ൽ​കി​യി​ട്ടു​ണ്ട്. എം​എ​ൽ​എ​മാ​ർ എ​ത്തി​ച്ചേ​രാ​നു​ണ്ട്. വി​ശ്വാ​സ വോ​ട്ടെ​ടു​പ്പ് ശനിയാഴ്ച ത​ന്നെ ന​ട​ത്ത​രു​ത്. കു​റ​ഞ്ഞ​ത് മൂ​ന്നു ദി​വ​സ​ത്തെ സ​മ​യം എ​ങ്കി​ലും അ​നു​വ​ദി​ക്ക​ണം. എം​എ​ൽ​എ​മാ​ർ​ക്കു ഭ​യ​വും ആ​ശ​ങ്ക​യു​മി​ല്ലാ​തെ വോ​ട്ട് ചെ​യ്യാ​നു​ള്ള സാ​ഹ​ച​ര്യം ഉ​ണ്ടാ​ക​ണം.

റാം ​ജ​ത്‌​മ​ലാ​നി: ഈ ​വി​ഷ​യ​ത്തി​ൽ ഗ​വ​ർ​ണ​റു​ടെ ന​ട​പ​ടി​യി​ൽ ല​ജ്ജ തോ​ന്നു​ന്നു. ഒ​രു രാ​ഷ്‌ട്രീ​യപാ​ർ​ട്ടി​ക്കുംവേ​ണ്ടി​യ​ല്ല ഹാ​ജ​രാ​യി​ട്ടു​ള്ള​ത്. ശാ​രീ​രി​ക​മാ​യി ഇ​നി​യെ​ത്ര നാ​ൾ ശ​ക്ത​നാ​യി​രി​ക്കും എ​ന്ന​റി​യി​ല്ല. എ​ന്നാ​ൽ, ബൗ​ദ്ധി​ക ശ​ക്തി​യു​ള്ള കാ​ല​ത്തോ​ളും മു​ന്നോ​ട്ടു പോ​കും. ഗ​വ​ർ​ണ​റു​ടെ ഇ​ത്ത​ര​ത്തി​ലു​ള്ള ന​ട​പ​ടി​ക​ൾ ക​ണ്ട് നി​ശ​ബ്ദനാ​യി​രി​ക്കാ​ൻ ക​ഴി​യി​ല്ല. പ​ര​സ്യ​മാ​യി അ​ഴി​മ​തി ന​ട​ത്താ​നു​ള്ള തു​റ​ന്ന ക്ഷ​ണ​മാ​ണ് ഗ​വ​ർ​ണ​ർ ന​ട​ത്തി​യി​രി​ക്കു​ന്ന​ത്.

ജ​സ്റ്റീ​സ് എ.​കെ. സി​ക്രി: ഗ​വ​ർ​ണ​റു​ടെ ന​ട​പ​ടി ശ​രി​യോ തെ​റ്റോ എ​ന്നു പ​രി​ശോ​ധി​ക്കു​ന്പോ​ൾ ഈ ​വി​ഷ​യ​ങ്ങ​ൾ തീ​ർ​ച്ച​യാ​യും കോ​ട​തി പ​രി​ഗ​ണി​ക്കും.


കോടതിയുടെ ഉ​ത്ത​ര​വ്

ബി​ജെ​പി​യെ സ​ർ​ക്കാ​ർ രൂ​പീ​ക​രി​ക്കാ​ൻ ക്ഷ​ണി​ച്ച​തി​ൽ ഗ​വ​ർ​ണ​റു​ടെ ന​ട​പ​ടി ശ​രി​യോ തെ​റ്റോ എ​ന്നു തീ​രു​മാ​നി​ക്കാ​ൻ വി​ശ​ദ​മാ​യ വാ​ദം കേ​ൾ​ക്കേ​ണ്ട​ത് ആ​വ​ശ്യ​മാ​ണ്. ഇ​തിനു കൂ​ടു​ത​ൽ സ​മ​യം ആ​വ​ശ്യ​മു​ള്ള​തുകൊ​ണ്ട് ഉ​ട​ന​ടി ഒ​രു വി​ധി പു​റ​പ്പെ​ടു​വി​ക്കാ​നാ​കി​ല്ല.

ഏ​തു ക​ക്ഷി​ക്കാ​ണ് ഭൂ​രി​പ​ക്ഷം എ​ന്നു തെ​ളി​യി​ക്കു​ന്ന​തി​ന് അ​ടി​യ​ന്ത​ര​മാ​യി വി​ശ്വാ​സ വോ​ട്ടെ​ടു​പ്പ് ന​ട​ത്ത​ണം. 16.5.18ൽ ​ഗ​വ​ർ​ണ​ർ ബി​ജെ​പി​ക്കു ന​ൽ​കി​യ ക​ത്തി​ൽ ഇ​തി​ന് 15 ദി​വ​സം വ​രെ അ​നു​വ​ദി​ച്ച​താ​യി കാ​ണു​ന്നു​ണ്ട്.

എ​ന്നാ​ൽ, ഈ ​വി​ഷ​യ​ത്തി​ലെ എ​ല്ലാ സാ​ഹ​ച​ര്യ​ങ്ങ​ളും പ​രി​ശോ​ധി​ക്കു​ന്പോ​ൾ വി​ശ്വാ​സ വോ​ട്ടെ​ടു​പ്പ് ശനിയാഴ്ച ത​ന്നെ ന​ട​ത്ത​ണ​മെ​ന്നാ​ണ് കോ​ട​തി​യു​ടെ നി​ർ​ദേ​ശം.

വി​ശ്വാ​സവോ​ട്ടെ​ടു​പ്പി​നു​ള്ള നി​ബ​ന്ധ​ന​ക​ൾ

പ്രോ ​ടെം സ്പീ​ക്ക​റെ ഉ​ട​ൻത​ന്നെ നി​യ​മി​ക്ക​ണം.

തെ​ര​ഞ്ഞെ​ടു​ക്കപ്പെട്ട എ​ല്ലാ എം​എ​ൽ​എ​മാ​രും ശനിയാഴ്ച ത​ന്നെ സ​ത്യ​പ്ര​തി​ജ്ഞ ചെ​യ്യ​ണം.
ഭൂ​രി​പ​ക്ഷം തെ​ളി​യി​ക്കു​ന്ന​തി​നു​ള്ള വി​ശ്വാ​സ വോ​ട്ടെ​ടു​പ്പ് പ്രോ ​ടെം സ്പീ​ക്ക​റു​ടെ മേ​ൽ​നോ​ട്ട​ത്തി​ൽ നാ​ലു മ​ണി​ക്കു മു​ൻ​പാ​യി ന​ട​ക്ക​ണം

(എംഎൽഎമാരുടെ)സു​ര​ക്ഷയ്ക്ക് ക​ർ​ണാ​ട​ക ഡി​ജി​പി നേ​രി​ട്ടു മേ​ൽ​നോ​ട്ടം വ​ഹി​ക്ക​ണം.
വി​ശ്വാ​സ വോ​ട്ടെ​ടു​പ്പ് പൂ​ർ​ത്തി​യാ​കു​ന്ന​തു വ​രെ സം​സ്ഥാ​ന സ​ർ​ക്കാ​ർ സു​പ്ര​ധാ​ന ന​യ തീ​രു​മാ​ന​ങ്ങ​ളൊ​ന്നും എ​ടു​ക്കു​ന്നി​ല്ലെ​ന്ന് മു​കു​ൾ റോഹ്ത​ഗി ഉ​റ​പ്പു വ​രു​ത്ത​ണം.

ആം​ഗ്ലോ ഇ​ന്ത്യ​ൻ പ്ര​തി​നി​ധി​യെ നിയമിക്കി​ല്ലെ​ന്ന കാ​ര്യ​ത്തി​ൽ അ​ഡീ​ഷ​ണ​ൽ സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത ഉ​റ​പ്പുവ​രു​ത്ത​ണം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.