National News
പുതു ഇന്ത്യ എന്നാൽ സ്ത്രീകളെ ശക്തീകരിക്കുന്നത്: മോദി
പുതു ഇന്ത്യ എന്നാൽ സ്ത്രീകളെ ശക്തീകരിക്കുന്നത്: മോദി
Monday, February 26, 2018 12:54 AM IST
ന്യൂ​ഡ​ൽ​ഹി: സ്ത്രീ​ശ​ക്തീ​ക​ര​ണ​ത്തി​ൽനി​ന്നു സ്ത്രീ​ക​ൾ ന​യി​ക്കു​ന്ന രാ​ജ്യ​മാ​യി മാ​റ്റു​ന്ന പാ​ത​യി​ലൂ​ടെ​യാ​ണ് ഇ​ന്ത്യ മു​ന്നേ​റു​ന്ന​തെ​ന്നു പ്ര​ധാ​ന​മ​ന്ത്രി ന​രേ​ന്ദ്ര മോ​ദി. പു​തു ഇ​ന്ത്യ എ​ന്ന പ​ദ്ധ​തി​യി​ലൂ​ടെ രാ​ജ്യ​ത്തി​ന്‍റെ വി​കാ​സ​ത്തി​നാ​യി സ്ത്രീ​ക​ളെ പ്രാ​പ്ത​രാ​ക്കു​ക എ​ന്ന​താ​ണെ​ന്നും മോ​ദി വ്യ​ക്ത​മാ​ക്കി. പ്ര​തി​മാ​സ റേ​ഡി​യോ പ​രി​പാ​ടി​യാ​യ മ​ൻ കി ​ബാ​ത്തി​ൽ സം​സാ​രി​ക്കു​ക​യാ​യി​രു​ന്നു പ്ര​ധാ​ന​മ​ന്ത്രി.

എ​ല്ലാ മേ​ഖ​ല​യി​ലും സ്ത്രീ​ക​ളു​ടെ പ​ങ്കാ​ളി​ത്തം ഉ​റ​പ്പാ​ക്കേ​ണ്ട ത് ​എ​ല്ലാ ഇ​ന്ത്യക്കാ​രു​ടെ​യും ഉ​ത്ത​ര​വാ​ദി​ത്വ​മാ​ണ്. പു​തി​യ ഇ​ന്ത്യ​യു​ടെ വി​ക​സ​ന​ത്തി​ൽ സ്ത്രീ​ക​ൾ​ക്കും തു​ല്യ​പ​ങ്കാ​ളി​ത്തം ഉ​റ​പ്പാ​ക്ക​ണം. ആ​ത്മ​വി​ശ്വാ​സ​ത്തി​ലൂ​ടെ​യാ​ണ് ഓ​രോ സ്ത്രീ​യും ഉ​യ​ര​ങ്ങ​ളി​ലെ​ത്തു​ന്ന​ത്. അ​തി​ലൂ​ടെ അ​വ​ർ രാ​ജ്യ​ത്തെ​യും സ​മൂ​ഹ​ത്തെ​യും ഉ​യ​ര​ത്തി​ലെ​ത്തി​ക്കു​ന്നു.

സ്ത്രീ​ശ​ക്തീ​ക​ര​ണം എ​ന്ന​തി​ൽനി​ന്നു സ്ത്രീ​ക​ൾ ന​യി​ക്കു​ന്ന വി​ക​സ​ന​ത്തി​ലേ​ക്കാ​ണ് രാ​ഷ്‌​ട്രം ഇ​ന്നു മു​ന്നോ​ട്ടു പോ​കു​ന്ന​തെ​ന്നും ന​രേ​ന്ദ്ര മോ​ദി പ​റ​ഞ്ഞു. സ്വ​യംസ​ഹാ​യ സം​ഘ​ങ്ങ​ൾ രൂ​പവത്കരിച്ച് സ്ത്രീ​ക​ൾ സ്വ​യം ശ​ക്ത​രാ​ക​ണ​മെ​ന്നും കേ​ന്ദ്രസ​ർ​ക്കാ​രി​ന്‍റെ ഗോവർധൻ പ​ദ്ധ​തി ഇ​തി​നാ​യി പ്ര​യോ​ജ​ന​പ്പെ​ടു​ത്ത​ണ​മെ​ന്നും അ​ദ്ദേ​ഹം പ​റ​ഞ്ഞു.


ഗ്രാ​മ​ങ്ങ​ൾ മാ​ലി​ന്യ​മു​ക്ത​മാ​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ് "ഗോവർധൻ' ന​ട​പ്പി​ലാ​ക്കു​ന്ന​ത്.
മാ​ലി​ന്യ​ത്തി​ലൂ​ടെ ബ​യോ​ഗ്യാ​സ് നി​ർ​മി​ക്കാ​നാ​ണ് ഇ​തി​ലൂ​ടെ ഉദ്ദേശിക്കുന്നത്. ഇ​ന്ത്യ​യി​ലാ​കെ 30 കോ​ടി ക​ന്നു​കാ​ലി​ക​ളു​ണ്ടെന്നാ​ണു ക​ണ​ക്ക്. 30 ല​ക്ഷം ട​ണ്‍ ചാ​ണ​കം പ്ര​തി​ദി​നം ഉ​ത്പാ​ദി​പ്പി​ക്കു​ന്നു​ണ്ട്. യൂ​റോ​പ്യ​ൻ രാ​ജ്യ​ങ്ങ​ളും ചൈ​ന​യും ചാ​ണ​ക​ത്തി​ൽനി​ന്നു ഫ​ല​പ്ര​ദ​മാ​യി ഉൗ​ർ​ജം ഉ​ത്പാ​ദി​പ്പി​ക്കു​ന്നു. ഇ​തേ രീ​തി​യി​ൽ ഇ​ന്ത്യ​യി​ലും മാ​റ്റം കൊ​ണ്ടു​വ​രാ​നാ​ണ് ശ്ര​മി​ക്കു​ന്ന​തെ​ന്നും സ്വ​യം സ​ഹാ​യ സം​ഘ​ത്തി​ലൂ​ടെ ഇ​ത് യാ​ഥാ​ർ​ഥ്യ​മാ​ക്കാ​നാ​വു​മെ​ന്നും പ്ര​ധാ​ന​മ​ന്ത്രി ചൂ​ണ്ടി​ക്കാ​ട്ടി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.