താജ്മഹൽ പോസ് ചെയ്തു; കാരശേരിയിലെ കാരണവന്മാർക്കൊപ്പം
Tuesday, November 14, 2017 1:02 PM IST
ന്യൂ​ഡ​ൽ​ഹി: ക​റു​പ്പ​ന്‍റെ മും​താ​സ് പെ​ണ്ണൂ​ട്ടി വാ​ർ​ധ​ക്യ​ത്തി​ന്‍റെ അ​വ​ശ​ത​ക​ളാ​ൽ കി​ട​പ്പി​ലാ​ണ്. ആ​ഗ്ര​ഹ​ങ്ങ​ൾ ആ​ഗ്ര​യോ​ളം സ​ഞ്ച​രി​ച്ചു താ​ജ്മ​ഹ​ലി​ന്‍റെ മു​റ്റ​ത്ത് ചെ​ന്നുനി​ന്ന​തി​ന്‍റെ ഓ​ർ​മ​ക​ൾ മട ങ്ങിവന്ന് ക​ട്ടി​ൽത​ല​യ്ക്ക​ലി​രു​ന്നു പ​റ​ഞ്ഞു കൊ​ടു​ക്കു ന്പോ​ൾ ക​റു​പ്പ​ൻ മ​ന​സുകൊ​ണ്ട് ഷാ​ജ​ഹാ​നാ​കു​മാ​യി​രി​ക്കും.

നാ​ലാം ക്ലാ​സ് വ​രെ പ​ഠി​ച്ച​തി​ന്‍റെ ഓ​ർ​മ​ക​ളി​ൽ താ​ജ്മ​ഹ​ൽ എ​ന്ന​ത് അ​ക​ല​ങ്ങ​ളി​ലെ അ​ത്ഭു​ത​മാ​യി​രു​ന്നു. ജീ​വി​ത​ത്തി​നും പ്രാ​രാ​ബ്ദ​ത്തി​നും ഇ​ട​യി​ൽ ഏ​ഴുപ​തി​റ്റാ​ണ്ടു​കാ​ലം അ​ധ്വാ​നി​ച്ചു ജീ​വി​ച്ച ദൂ​ര​ങ്ങ​ളി​ൽ ഇ​ങ്ങ​നെ​യൊ​രു യാ​ത്ര ക​റു​പ്പ​നെ​ന്ന 77 വ​യ​സു​കാ​ര​ന്‍റെ സ്വ​പ്ന​ങ്ങ​ളി​ൽ മാ​ത്രം ഒ​തു​ങ്ങിനി​ന്നു. ഒ​ടു​വി​ൽ കാ​ര​ശേ​രി​യി​ലെ കാ​ര​ണ​വ​ന്മാ​ർ​ക്കൊ​പ്പം ആ​ദ്യ​മാ​യി ആ ​ഗ്രാ​മം വി​ട്ടു പു​റ​ത്തി​റ​ങ്ങി​യ ക​റു​പ്പ​നും ക​ണ്ണു​നി​റ​ച്ചു ക​ണ്ടു, താ​ജ്മ​ഹ​ൽ എ​ന്ന വി​സ്മ​യകു​ടീ​ര​ത്തെ. ഡ​ൽ​ഹി​യെ​ന്ന ത​ല​സ്ഥാ​ന ന​ഗ​ര​ത്തെ​യും വാ​ർ​ത്ത​ക​ളി​ൽ കേ​ട്ട​റി​ഞ്ഞ പു​ക​യും മ​ഞ്ഞും അ​വ​രു​ടെ ശ്വാ​സ​കോ​ശ​ങ്ങ​ളും അ​നു​ഭ​വി​ച്ച​റി​ഞ്ഞു.

അ​വ​ർ 81 പേ​രു​ണ്ട്. കാ​ര​ശേ​രി പ​ഞ്ചാ​യ​ത്തി​ലെ 65നും 85​നും ഇ​ട​യി​ൽ പ്രാ​യ​മു​ള്ള കാ​ര​ണ​വ​ന്മാ​ർ. 81 വ​യ​സു​ള്ള ആ​ദി​വാ​സിമൂ​പ്പ​ൻ കോ​ര​നാ​ണ് കൂ​ട്ട​ത്തി​ലെ മു​തി​ർ​ന്നയാൾ. സം​ഘ​ത്തി​ൽ 33 പേ​ർ വ​നി​ത​ക​ളാ​ണ്. കാ​ര​ശേ​രി ഗ്രാ​മ​പ​ഞ്ചാ​യ​ത്ത് ആ​വി​ഷ്ക​രി​ച്ച വ​യോ​ജ​ന സൗ​ഹൃ​ദ പ​ദ്ധ​തി​ക​ളു​ടെ ഭാ​ഗ​മാ​യാണ് താ​ജ്മ​ഹ​ലും ഡ​ൽ​ഹി​യി​ലെ സ്മാ​ര​ക​ങ്ങ​ളും കാ​ണാ​നെ​ത്തി​യ​ത്. യാ​ത്രാസം​ഘ​ത്തി​ലെ പ​ല​രും കോ​ഴി​ക്കോ​ട് ജി​ല്ല​യ്ക്കു പു​റ​ത്തു ക​ട​ക്കു​ന്ന​തും ആ​ദ്യ​മാ​യാ​ണ്. തി​ക​ച്ചും സൗ​ജ​ന്യ​മാ​യാ​ണ് കാ​ര​ശേ​രി​യി​ലെ കാ​ര​ണ​വ​ന്മാ​ർ​ക്കുവേ​ണ്ടി ഗ്രാ​മ​പ​ഞ്ചാ​യ​ത്ത് ഈ ​യാ​ത്ര സം​ഘ​ടി​പ്പി​ച്ച​ത്. ‘കാ​ര​ശേ​രി കാ​ര​ണ​വ​ന്മാ​ർ താ​ജ്മ​ഹ​ലി​ലേ​ക്ക്’ എ​ന്നു പേ​രി​ട്ട യാ​ത്ര പ​ഞ്ചാ​യ​ത്ത് പ്ര​സി​ഡ​ന്‍റ് വി.​കെ. വി​നോ​ദും സം​ഘ​വു​മാ​ണ് ന​യി​ക്കു​ന്ന​ത്. പ​ഞ്ചാ​യ​ത്തി​ലെ ആ​ദി​വാ​സി കോ​ള​നി​ക​ളി​ലെ മൂ​പ്പ​ന്മാ​രും യാ​ത്രാ സം​ഘ​ത്തി​ലു​ണ്ട്. മെ​ഡി​ക്ക​ൽ സം​ഘ​വും വോ​ള​ന്‍റി​യ​ർ​മാ​രും പ​ഞ്ചാ​യ​ത്ത് അം​ഗ​ങ്ങ​ളും ഉ​ൾ​പ്പ​ടെ 103 പേ​രു​ടെ സം​ഘ​മാ​ണ് ഇ​ന്ന​ലെ പു​ക​യും മ​ഞ്ഞും മൂ​ടി​യ ഡ​ൽ​ഹി​യി​ൽ കാ​ഴ്ച​ക​ൾ കാ​ണാ​നി​റ​ങ്ങി​യ​ത്.


മു​ഖ്യ​മ​ന്ത്രി അ​ര​വി​ന്ദ് കേ​ജ​രി​വാ​ളി​നെ കാ​ണാ​ൻ അ​നു​മ​തി ല​ഭി​ച്ചി​രു​ന്നെ​ങ്കി​ലും അ​ദ്ദേ​ഹം അ​ന്ത​രീ​ക്ഷമ​ലി​നീ​ക​ര​ണം ഉ​ണ്ടാ​ക്കി​യ തി​ര​ക്കു​ക​ളി​ൽപെ​ട്ടുപോ​യ​ത് കൊ​ണ്ടു സാ​ധി​ച്ചി​ല്ല. ഇ​ന്നു വീ​ണ്ടും കേ​ജ​രി​വാ​ളി​നെ കാ​ണാ​നാ​കു​മെ​ന്നാ​ണു പ്ര​തീ​ക്ഷ. ഇ​ന്ന​ലെ ഇ​ന്ത്യാഗേ​റ്റു ക​ണ്ട ശേഷം കേ​ര​ളഹൗ​സി​ൽ ജ​ന​സം​സ്കൃ​തി സം​ഘ​ടി​പ്പി​ച്ച സ്വീ​ക​ര​ണ യോ​ഗ​ത്തി​ൽ പ​ങ്കെ​ടു​ത്തു. ഇ​ന്നു ചെ​ങ്കോ​ട്ട​യും ഡ​ൽ​ഹി​യി​ലെ മ​റ്റു സ്മാ​​ര​കങ്ങ​ളും കാ​ണും. രാ​ഷ്‌ട്ര പ​തി രാം​നാ​ഥ് കോ​വി​ന്ദി​നെ​യും പാ​ർ​ല​മെ​ന്‍റും കാ​ണ​ണ​മെ​ന്നു​ണ്ടാ​യി​രു​ന്നെ​ങ്കി​ലും ചു​രു​ങ്ങി​യ യാ​ത്രാ​സ​മ​യം അ​നു​വ​ദി​ച്ചി​ല്ല. കേ​ന്ദ്ര ടൂ​റി​സം മ​ന്ത്രി അ​ൽ​ഫോ​ൻ​സ് ക​ണ്ണ​ന്താ​ന​ത്തെ ഇ​ന്നു കാ​ണും.

കാ​ര​ശേ​രി പ​ഞ്ചാ​യ​ത്തി​ലെ ഒ​രോ വാ​ർ​ഡി​ൽനി​ന്നും നാ​ലോ അ​ഞ്ചോ പേ​രെ​യാ​ണ് യാ​ത്ര​ക്കാ​യി തെ​ര​ഞ്ഞെ​ടു​ത്ത​ത്. ഒ​രി​ക്ക​ൽപോ​ലും കോ​ഴി​ക്കോ​ട് ന​ഗ​ര​ത്തി​നു പുറത്തേ​ക്കൊ​രു വി​നോ​ദസ​ഞ്ചാ​രയാ​ത്ര സ്വ​പ്നംപോ​ലും ക​ഴി​യാ​തി​രു​ന്ന​വ​രാ​ണ് സം​ഘ​ത്തി​ലേ​യ്ക്ക് തെ​ര​ഞ്ഞെ​ടു​ക്ക​പ്പെ​ട്ട​തെ​ന്ന് വോ​ള​ന്‍റി​യ​ർ നൗ​ഷാ​ദ് പ​റ​ഞ്ഞു. 16ന് ​മം​ഗ​ള എ​ക്സ​പ്ര​സി​ൽ മ​ന​സു നി​റ​യെ ക​ഥ​ക​ളു​മാ​യി അ​വ​ർ മ​ട​ങ്ങും

സെബി മാത്യു

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.