മെഡിക്കൽ കോഴക്കേസ് : സുപ്രീംകോടതി മൂന്നംഗ ബെഞ്ചിന്
Saturday, November 11, 2017 2:11 PM IST
ന്യൂ​ഡ​ൽ​ഹി: ജ​ഡ്ജി​മാ​ർ ഉ​ൾ​പ്പെ​ട്ട മെ​ഡി​ക്ക​ൽ കോ​ഴ​ക്കേ​സ് സു​പ്രീം​കോ​ട​തി മൂ​ന്നം​ഗ ബെ​ഞ്ച് പ​രി​ഗ​ണി​ക്കും. ബെ​ഞ്ചി​ന്‍റെ രൂ​പീ​ക​ര​ണ​ത്തെ​ച്ചൊ​ല്ലി ക​ഴി​ഞ്ഞ​ദി​വ​സം സു​പ്രീം​കോ​ട​തി​യി​ൽ നാ​ട​കീ​യ രം​ഗ​ങ്ങ​ൾ​ക്കു സാ​ക്ഷ്യം വ​ഹി​ച്ച കേ​സ് പ​രി​ഗ​ണി​ക്കു​ന്ന ബെ​ഞ്ചി​ൽ മു​തി​ർ​ന്ന ജ​ഡ്ജി​മാ​രാ​രും ഉ​ൾ​പ്പെ​ട്ടി​ല്ല. ആ​രോ​പ​ണ​വി​ധേ​യ​നാ​യ ചീ​ഫ്ജ​സ്റ്റീ​സോ അ​ഞ്ചം​ഗ സുപ്രീംകോ​ട​തി കൊ​ളീ​ജി​യ​ത്തി​ൽ​പെ​ട്ട മു​തി​ർ​ന്ന മ​റ്റു ജ​ഡ്ജി​മാ​രും ബെ​ഞ്ചി​ലി​ല്ല.

ജ​സ്റ്റീ​സ് അ​രു​ണ്‍മി​ശ്ര നേ​തൃ​ത്വം ന​ൽ​കു​ന്ന ബെ​ഞ്ചി​ൽ ജ​ഡ്ജി​മാ​രാ​യ ആ​ർ.​കെ അ​ഗ​ർ​വാ​ളും ഖാ​ൻ​വി​ൽ​ക്ക​റും അം​ഗ​ങ്ങ​ളാ​ണ്. കേ​സ് ഭ​ര​ണ​ഘ​ട​നാ ബെ​ഞ്ചി​നു വി​ട്ട​തു​മി​ല്ല. കേ​സ് നാ​ളെ ഉ​ച്ച​ക​ഴി​ഞ്ഞാ​കും പു​തി​യ ബെ​ഞ്ച് പ​രി​ഗ​ണി​ക്കു​ക. മൂ​ന്നം​ഗ ബെ​ഞ്ചി​നു നേ​തൃ​ത്വം ന​ൽ​കു​ന്ന ആ​ർ.​കെ. അ​ഗ​ർ​വാ​ൾ സു​പ്രീം​കോ​ട​തി​യി​ലെ 25 ജ​ഡ്ജി​മാ​രി​ൽ സീ​നി​യോ​റി​റ്റി​യി​ൽ എ​ട്ടാ​മ​നാ​ണ്. അ​രു​ണ്‍മി​ശ്ര​യു​ടെ സ്ഥാ​നം പ​ത്തും ഖാ​ൻ​വി​ൽ​ക്ക​റുടേതു പ​തി​നേ​ഴാ​മ​തു​മാ​ണ്.

ല​ക്നോ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന പ്ര​സാ​ദ് ഇ​ൻ​സ്റ്റി​റ്റ്യൂ​ട്ട് ഓ​ഫ് മെ​ഡി​ക്ക​ൽ സ​യ​ൻ​സ​സി​നു കീ​ഴി​ലു​ള്ള മെ​ഡി​ക്ക​ൽ കോ​ള​ജി​ന് പ്ര​വേ​ശ​നാ​നു​മ​തി ല​ഭി​ക്കു​ന്ന​തി​ന് സു​പ്രീം​കോ​ട​തി ജ​ഡ്ജി​മാ​രെ സ്വാ​ധീ​നി​ക്കാ​ൻ ശ്ര​മി​ച്ച​തു​മാ​യി ബ​ന്ധ​പ്പെ​ട്ട ആ​രോ​പ​ണ​മാ​ണ് കേ​സിനാ​ധാ​രം. മു​തി​ർ​ന്ന അ​ഭി​ഭാ​ഷ​ക​രാ​യ പ്ര​ശാ​ന്ത് ഭൂ​ഷ​ണും കാ​മി​നി ജ​യ്സ്‌വാളും ന​ൽ​കി​യ ഹ​ർ​ജി​യാ​ണ് ഇ​തു​മാ​യി ബ​ന്ധ​പ്പെ​ട്ട് നി​ല​വി​ൽ സു​പ്രീം​കോ​ട​തി മു​ന്പാ​കെ​യു​ള്ള കേ​സ്.


ഹ​ർ​ജി ഭ​ര​ണ​ഘ​ട​നാ ബെ​ഞ്ചി​നു വി​ട്ട ജ​സ്റ്റീ​സ് ചെ​ല​മേ​ശ്വ​ർ അ​ധ്യ​ക്ഷ​നാ​യ ര​ണ്ടം​ഗ ബെ​ഞ്ചി​ന്‍റെ വ്യാഴാഴ്ചത്തെ ഉ​ത്ത​ര​വ് അ​സാ​ധാ​ര​ണ ന​ട​പ​ടി​യി​ലൂ​ടെ വെള്ളിയാഴ്ച വൈ​കു​ന്നേ​രം ചീ​ഫ്ജ​സ്റ്റീ​സി​ന്‍റെ നേ​തൃ​ത്വ​ത്തി​ൽ ചേ​ർ​ന്ന ബെ​ഞ്ച് റ​ദ്ദാ​ക്കി​യ​താ​ണ് സു​പ്രീം കോ​ട​തി​യെ നാ​ണ​ക്കേ​ടി​ലേ​ക്കും പ്ര​തി​സ​ന്ധി​യി​ലേ​ക്കും വ​ലി​ച്ചി​ഴ​യ്ക്കും​വി​ധ​ത്തി​ലു​ള്ള നാ​ട​കീ​യ രം​ഗ​ങ്ങ​ൾ​ക്കു കാ​ര​ണ​മാ​യ​ത്. ത​ന്‍റെ ഭാ​ഗം കേ​ൾ​ക്കാ​തെ​യാ​ണ് ചീ​ഫ്ജ​സ്റ്റീ​സി​ന്‍റെ ന​ട​പ​ടി​യെ​ന്ന് ആ​രോ​പി​ച്ച് പ്ര​ശാ​ന്ത് ഭൂ​ഷ​ണ്‍ ഇ​റ​ങ്ങി​പ്പോ​വു​ക​യും​ചെ​യ്യു​ക​യു​ണ്ടാ​യി.

ഒ​രു കേ​സ് ഏ​തു ബെ​ഞ്ച് കേ​ൾ​ക്ക​ണ​മെ​ന്നു തീ​രു​മാ​നി​ക്കു​ന്ന​തു കോ​ട​തി​യു​ടെ മേ​ധാ​വി​യാ​യ ചീ​ഫ് ജ​സ്റ്റീ​സാ​ണെ​ന്നു വ്യ​ക്ത​മാ​ക്കി​യാ​ണ് ചീ​ഫ്ജ​സ്റ്റീ​സ് രണ്ടംഗ ബെഞ്ചിന്‍റെ ഉത്തരവ് റ​ദ്ദാ​ക്കി​യ​ത്. ദീ​പ​ക് മി​ശ്ര ക​ഴി​ഞ്ഞാ​ൽ സു​പ്രീം​കോ​ട​തി​യി​ലെ ഏ​റ്റ​വും മു​തി​ർ​ന്ന ജ​ഡ്ജി​യാ​ണ് കേ​ര​ളാ ഹൈ​ക്കോ​ട​തി മു​ൻ ചീ​ഫ്ജ​സ്റ്റീ​സ് കൂ​ടി​യാ​യ ചെ​ല​മേ​ശ്വ​ർ.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.