സിബി ജോർജ് സ്വിറ്റ്സർലൻഡ് - വത്തിക്കാൻ അംബാസഡർ : Deepika.com National News |

Click here for detailed news of all items

സിബി ജോർജ് സ്വിറ്റ്സർലൻഡ് - വത്തിക്കാൻ അംബാസഡർ

Saturday, October 21, 2017 1:18 PM IST

ന്യൂഡൽഹി: സിബി ജോർജ് ഐഎഫ്എസിനെ സ്വിറ്റ്സർലൻഡിലെ ഇന്ത്യൻ അംബാസഡറായി നിയമിച്ചു. വത്തിക്കാൻ അംബാസഡറുടെ അധികചുമതലയും ഇദ്ദേഹത്തിനു നൽകിയേക്കും. പാലാ പൊടിമറ്റം കുടുംബാംഗമായ ഇദ്ദേഹം ഇപ്പോൾ വിദേശകാര്യമന്ത്രാലയത്തിൽ ജോയിന്‍റ് സെക്രട്ടറിയാണ്. നവംബർ അവസാനത്തോടെ പുതിയ ചുമതലയേൽക്കുമെന്ന് അദ്ദേഹം ദീപികയോ ടു പറഞ്ഞു.

സ്മിത പുരുഷോത്തം ആയിരുന്നു സ്വിറ്റ്സർലൻഡിലെ ഇന്ത്യൻ അംബാസഡർ. സ്വിറ്റ്സർലൻഡിലെ അംബാസഡറായി നിയമിതരാവുന്നവർക്കാണ് സാധാരണ വത്തിക്കാൻ അംബാസഡറുടെ ചുമതല കൂടി നൽകുന്നത്.

1993 ബാച്ചിലെ ഐഎഫ്എസ് ഉദ്യോഗസ്ഥനായ സിബി, കെയ്റോ, ദോഹ, ഇസ്‌ലാമാബാദ്, വാഷിംഗ്ടണ്‍, ടെഹ്റാൻ, റിയാദ് എന്നിവിടങ്ങളിലെ എംബസികളിൽ സേവനമനുഷ്ഠിച്ചിട്ടുണ്ട്. റിയാദിലെ ഇന്ത്യൻ എംബസി മിഷൻ ഡെപ്യൂട്ടി ചീഫായി പ്രവർത്തിച്ച ഇദ്ദേഹത്തിന് 2014ൽ മികച്ച വിദേശകാര്യ സേവനത്തിനുള്ള എസ്.കെ. സിംഗ് പുരസ്കാരം ലഭിച്ചിട്ടുണ്ട്.

പാലാ റബർ മാർക്കറ്റിംഗ് സൊസൈറ്റിയുടെ സെക്രട്ടറിയും സിഇഒയുമായിരുന്ന പി.ടി. ജോർജിന്‍റെയും അമ്മിണിയുടെയും മകനാണ് സിബി ജോർജ്. 1967ൽ ജനിച്ച സിബി, പാലാ സെന്‍റ് വിൻസെന്‍റ് സ്കൂൾ, പാലാ സെന്‍റ് തോമസ് കോളജ് എന്നിവിടങ്ങളിൽ പഠിച്ചു. കയ്റോയിലെ അമേരിക്കൻ യൂണിവേഴ്സിറ്റിയിലായിരുന്ന് ഉപരിപഠനം. അറബി ഭാഷയിലും പ്രാവീ ണ്യം നേടിയിട്ടുണ്ട്. ചേർത്തല പാന്പൂരേത്ത് കുടുംബാംഗം ജോയിസാണ് ഭാര്യ. എൽഹിത, ആയില്യ, വക്കൻ എന്നിവർ മക്കളാണ്. സാബു, ദീപ എന്നിവർ സഹോദരങ്ങളാണ്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.