National News
നഗരങ്ങളെ ബന്ധിപ്പിച്ചു കേന്ദ്രത്തിന്‍റെ ആഡംബര ഡബിൾ ഡെക്കർ ബസുകൾ
നഗരങ്ങളെ ബന്ധിപ്പിച്ചു കേന്ദ്രത്തിന്‍റെ ആഡംബര ഡബിൾ ഡെക്കർ ബസുകൾ
Wednesday, September 20, 2017 12:59 PM IST
ന്യൂ​ഡ​ൽ​ഹി: കേ​ര​ളം ഉ​ൾ​പ്പെടെ​യു​ള്ള സം​സ്ഥാ​ന​ങ്ങ​ളി​ൽ ന​ഗ​ര​ങ്ങ​ളെ ബ​ന്ധി​പ്പി​ച്ചു ദേ​ശീ​യ പാ​ത​ക​ളി​ലൂ​ടെ ആ​ഡം​ബ​ര ഡ​ബി​ൾ ഡെ​ക്ക​ർ ബ​സ് സ​ർ​വീ​സു​ക​ൾ ആ​രം​ഭി​ക്കും.
സം​സ്ഥാ​ന ഗ​താ​ഗ​ത വ​കു​പ്പി​നു കീ​ഴി​ൽ ദീ​ർ​ഘ​ദൂ​ര എസി സ​ർ​വീ​സു​ക​ൾ ആ​രം​ഭി​ക്ക​ണ​മെ​ന്നാ​ണു കേ​ന്ദ്ര ഉ​പ​രി​ത​ല ഗ​താ​ഗ​ത മ​ന്ത്രാ​ല​യ​ത്തി​ന്‍റെ നി​ർ​ദേ​ശം. കേ​ര​ള​ത്തി​ൽ ഇ​തി​നാ​യി ക​ണ്ടെ​ത്തി​യി​രി​ക്കു​ന്ന​ത് കോ​ഴി​ക്കോ​ട്-​കൊ​ച്ചി റൂ​ട്ടാ​ണ്.

കെ​എ​സ്ആ​ർ​ടി​സി ത​ന്നെ കി​ത​ച്ചോ​ടു​ന്ന കേ​ര​ള​ത്തി​ൽ കേ​ന്ദ്ര നി​ർ​ദേ​ശം എ​ത്ര​ത്തോ​ളം ന​ട​പ്പാ​ക്കാ​ൻ ക​ഴി​യു​മെ​ന്ന​ത് വ​ലി​യ ചോ​ദ്യ​മാ​ണ്. ഇ​ത്ത​രം ബ​സ് സ​ർ​വീ​സു​ക​ൾ സം​സ്ഥാ​നാന്തര റൂ​ട്ടു​ക​ളി​ൽ ഓ​ടി​ക്കു​ന്ന കാ​ര്യം പ​രി​ഗ​ണി​ക്ക​ണ​മെ​ന്നും സം​സ്ഥാ​ന​ങ്ങ​ളോ​ട് ആ​വ​ശ്യ​പ്പെ​ട്ടി​ട്ടു​ണ്ട്.

ദീ​ർ​ഘ​ദൂ​ര ഡ​ബി​ൾ ​ഡെ​ക്ക​ർ ബ​സ് സ​ർ​വീ​സു​ക​ൾ ആ​രം​ഭി​ക്കു​ന്ന​തി​നാ​യി കേ​ന്ദ്രം സം​സ്ഥാ​നങ്ങൾക്കു നി​ശ്ചി​ത ശ​ത​മാ​നം ധ​ന​സ​ഹാ​യ​വും ഉ​റ​പ്പു വ​രു​ത്തും. ആ​ദ്യ മൂ​ന്നു വ​ർ​ഷ​ം സം​സ്ഥാ​നാന്തര ദീ​ർ​ഘ​ദൂ​ര സ​ർ​വീ​സു​ക​ൾ​ക്ക് കി​ലോ​മീ​റ്റ​റി​ന് 10 രൂ​പ നി​ര​ക്കി​ൽ സ​ഹാ​യം കിട്ടി യേക്കും.


കാ​റു​ക​ൾ ഉ​ൾ​പ്പെടെ സ്വകാ​ര്യ വാ​ഹ​ന​ങ്ങ​ളു​ടെ എ​ണ്ണം പ്ര​തി​ദി​നം വ​ർ​ധി​ച്ചു വ​രു​ന്ന​ത് ക​ണ​ക്കി​ലെ​ടു​ത്താ​ണു ഡ​ബി​ൾ ഡെ​ക്ക​ർ ബ​സു​ക​ൾ എ​ന്ന ആ​ശ​യം കേ​ന്ദ്ര സ​ർ​ക്കാ​ർ മു​ന്നോ​ട്ടു വയ്ക്കു​ന്ന​ത്.

ദേ​ശീ​യ പാ​ത​ക​ളി​ൽ ന​ട​ത്തി​യ സ​ർ​വേ അ​നു​സ​രി​ച്ച് ബ​സ് യാ​ത്ര​ക്കാ​രു​ടെ എ​ണ്ണ​ത്തി​ൽ തലേ വ​ർ​ഷ​ത്തെ അ​പേ​ക്ഷി​ച്ച് 45 ശ​ത​മാ​നംവ​രെ കു​റ​വു​ണ്ട്്. അ​തേ​സ​മ​യം, കാ​ർ യാ​ത്ര​ക്കാ​രു​ടെ എ​ണ്ണ​ം ക​ഴി​ഞ്ഞ വ​ർ​ഷ​ത്തേ​തി​ൽനി​ന്ന് 60 ശ​ത​മാ​നം കൂടി. കാ​ർ​യാ​ത്ര​ കു​റ​ച്ച് ബ​സ് യാ​ത്ര വ​ർ​ധിപ്പിച്ചില്ലെങ്കിൽ റോ​ഡ് നി​ർ​മാ​ണ​ത്തി​ന്‍റെ പേ​രി​ൽ ഭാ​രി​ച്ച ചെ​ല​വു​ക​ൾ നേ​രി​ടേ​ണ്ടി വ​രു​മെ​ന്നാ​ണ് കേ​ന്ദ്ര ഗ​താ​ഗ​ത മ​ന്ത്രാ​ല​യ​ത്തി​ലെ ഉ​ന്ന​ത ഉ​ദ്യോ​ഗ​സ്ഥ​ൻ വ്യ​ക്ത​മാ​ക്കി​യ​ത്.

സെ​ബി മാ​ത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.