National News
രാഷ്‌ട്രപതിസ്ഥാനാർഥി : എല്ലാം അഭ്യൂഹങ്ങളെന്നു സുഷമ സ്വരാജ്
രാഷ്‌ട്രപതിസ്ഥാനാർഥി : എല്ലാം അഭ്യൂഹങ്ങളെന്നു സുഷമ സ്വരാജ്
Saturday, June 17, 2017 12:13 PM IST
ന്യൂ​ഡ​ൽ​ഹി: താൻ രാ​ഷ്‌ട്ര​പ​തിസ്ഥാ​നാ​ർ​ഥി​യാ​ക്കു​മെ​ന്നതു കിം​വ​ദ​ന്തി​ക​യാ​ണെ​ന്ന് വി​ദേ​ശ​കാ​ര്യമ​ന്ത്രി സു​ഷ​മ സ്വ​രാ​ജ്. അ​ഭ്യൂ​ഹ​ങ്ങ​ളാ​ണു പ്ര​ച​രി​ക്കു​ന്ന​ത്. ഞാ​ൻ വി​ദേ​ശ​കാ​ര്യമ​ന്ത്രി​യാ​ണ്. അ​തു സം​ബ​ന്ധി​ച്ച കാ​ര്യ​ങ്ങ​ൾ ചോ​ദി​ക്കൂ എ​ന്നാ​ണ് സ്ഥാ​നാ​ർ​ഥി​ത്വ​ത്തെ​ക്കു​റി​ച്ചു​ള്ള ചോ​ദ്യ​ങ്ങ​ൾ​ക്കു സു​ഷ​മ മ​റു​പ​ടി ന​ൽ​കി​യ​ത്.

ജൂ​ലൈ 17നു ​രാ​ഷ്‌ട്ര​പ​തി തെ​ര​ഞ്ഞെ​ടു​പ്പു ന​ട​ക്കാ​നി​രി​ക്കേ ഭ​ര​ണ​പ​ക്ഷം ഇ​തു​വ​രെ സ്ഥാ​നാ​ർ​ഥി​യെ പ്ര​ഖ്യാ​പി​ച്ചി​ട്ടി​ല്ല. ഭ​ര​ണ​പ​ക്ഷം സ്ഥാ​നാ​ർ​ഥി​യെ പ്ര​ഖ്യാ​പി​ച്ച​ശേ​ഷം തീ​രു​മാ​ന​മെടുക്കാമെന്ന നില​പാ​ടാ​ണ് പ്ര​തി​പ​ക്ഷ ക​ക്ഷി​ക​ൾ​ക്കു​ള്ള​ത്.

എ​ന്നാ​ൽ, ബി​ജെ​പി​യു​ടെ സ്ഥാ​നാ​ർ​ഥി ച​ർ​ച്ച​ക​ളി​ൽ സു​ഷ​മ സ്വ​രാ​ജി​നു പി​ന്തു​ണ വ​ർ​ധി​ക്കു​ന്ന​താ​യാ​ണു റിപ്പോർട്ട്. മറ്റുകക്ഷികളുമായു ള്ള നല്ലബന്ധമാണു സുഷ്മയുടെ ബലം. അ​തി​നി​ടെ പ്ര​ധാ​ന സ​ഖ്യ​ക​ക്ഷി​ക​ളിലൊ​ന്നാ​യ ശി​വ​സേ​ന കാ​ർ​ഷി​ക ശാ​സ്ത്ര​ജ്ഞ​ൻ ഡോ. എം.​എ​സ് സ്വാ​മി​നാ​ഥ​നെ സ്ഥാ​നാ​ർ​ഥി​യാ​ക്ക​ണ​മെ​ന്നു നി​ർ​ദേ​ശി​ച്ചി​രു​ന്നു.

മ​ഹാ​ത്മാ​ഗാ​ന്ധി​യു​ടെ ചെ​റു​മ​ക​ൻ ഗോ​പാ​ൽ കൃ​ഷ്ണ ഗാ​ന്ധി​യെ രാ​ഷ്‌ട്ര​പ​തി സ്ഥാ​നാ​ർ​ഥി​യാ​ക്കാ​ൻ പ്ര​തി​പ​ക്ഷ നിരയിൽ ആലോചനയു ണ്ട്.

കേ​ന്ദ്ര​മ​ന്ത്രി​മാ​രാ​യ വെ​ങ്ക​യ്യ നാ​യി​ഡു, രാ​ജ്നാ​ഥ് സിം​ഗ്, അ​രു​ണ്‍ ജ​യ്റ്റിലി എ​ന്നി​വ​രു​ൾ​പ്പെ​ട്ട സ​മി​തി​യാ​ണു രാ​ഷ്‌ട്ര​പ​തി സ്ഥാ​നാ​ർ​ഥി​യു​മാ​യി ബ​ന്ധ​പ്പെ​ട്ടു മു​ന്ന​ണി​യി​ലും പ്ര​തി​പ​ക്ഷ​ത്തു​മു​ള്ള പാ​ർ​ട്ടി​ക​ളു​മാ​യി ച​ർ​ച്ച​യ്ക്ക് നി​യോ​ഗി​ക്ക​പ്പെ​ട്ടി​രി​ക്കു​ന്ന​ത്. ഇ​വ​ർ ക​ഴി​ഞ്ഞ ദി​വ​സം കോ​ണ്‍ഗ്ര​സ് അ​ധ്യ​ക്ഷ സോ​ണി​യ ഗാ​ന്ധി, സി​പി​എം ജ​ന​റ​ൽ സെ​ക്ര​ട്ട​റി സീ​താ റാം ​യെ​ച്ചൂ​രി, സി​പി​ഐ ജ​ന​റ​ൽ സെ​ക്ര​ട്ട​റി എ​സ്. സു​ധാ​ക​ർ റെ​ഡ്ഡി എ​ന്നി​വ​രു​മാ​യി കൂ​ടി​ക്കാ​ഴ്ച ന​ട​ത്തി​യി​രു​ന്നു.

ഭ​ര​ണ​പ​ക്ഷം സ്ഥാ​നാ​ർ​ഥി​യെ പ്ര​ഖ്യാ​പി​ക്കാ​ത്ത സാ​ഹ​ച​ര്യ​ത്തി​ൽ ച​ർ​ച്ച​ക​ളി​ൽ ഒ​രു കാ​ര്യ​വു​മി​ല്ലെ​ന്നാ​ണ് കോ​ണ്‍ഗ്ര​സും സി​പി​എ​മ്മും പ്ര​തി​ക​രി​ച്ച​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.