ഉത്തർപ്രദേശിൽ ട്രെയിൻ പാളം തെറ്റി; 52 പേർക്ക് പരിക്ക് : Deepika.com National News |

Click here for detailed news of all items

ഉത്തർപ്രദേശിൽ ട്രെയിൻ പാളം തെറ്റി; 52 പേർക്ക് പരിക്ക്

Thursday, March 30, 2017 12:29 PM IST

ബാന്ദ: ഉത്തർപ്രദേശിലെ മഹോബയിൽ ജബൽപുർ-നിസാമുദ്ദീൻ മഹാകൗശൽ എക്സ്പ്രസ് ട്രെയിൻ പാളം തെറ്റി 52 പേർക്ക് പരിക്ക്. പത്തു പേരുടെ നില ഗുരുതരമാണെന്നാണ് റിപ്പോർട്ട്. മഹോബ, കുൽപഹാദ് റെയിൽവേ സ്റ്റേഷനുകൾക്കു സമീപമുള്ള സുപ ഗ്രാമത്തിലാണു സംഭവം.

ട്രെയിനിന്‍റെ അവസാനത്തെ എട്ട് ബോഗികളാണ് പാളം തെറ്റിയത്. മൂന്ന് എസി കംപാർട്ട്മെന്‍റുകളടക്കമാണ് അപകടത്തിൽപ്പെട്ടത്. പരിക്കേറ്റവരെ മഹോബയിലെ സ്വകാര്യ ആശുപത്രികളിൽ പ്രവേശിപ്പിച്ചു. വ്യാഴാഴ്ച പുലർച്ചെയായിരുന്നു സംഭവം.
സംഭവത്തെക്കുറിച്ച് റെയിൽവേ മന്ത്രാലയം അന്വേഷണത്തിന് ഉത്തരവിട്ടു. സംഭവത്തിനുപിന്നിൽ അട്ടിമറി സാധ്യതയുണ്ടോയെന്ന് സ്ഥലത്തെത്തിയ ഉന്നത റെയിൽവേ സംഘം പരിശോധിക്കും.

സംഭവ സ്ഥലം സന്ദർശിക്കാൻ ഉത്തർപ്രദേശ് ആരോഗ്യമന്ത്രി സിദ്ധാർഥ് നാഥ് സിംഗിനോട് മുഖ്യമന്ത്രി യോഗി ആദിത്യനാഥ് ആവശ്യപ്പെട്ടു. 13 ഡോക്ടർമാരുടെയും 21 ആംബുലൻസുകളും സ്ഥലത്ത് എത്തിയതായി ആരോഗ്യമന്ത്രി അറിയിച്ചു.ഗുരുതര പരിക്കേറ്റവർക്ക് 50,000 രൂപ വീതവും നിസാര പരിക്കേറ്റവർക്ക് 25,000 രൂപവീതവും സഹായധനം പ്രഖ്യാപിച്ചിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.