National News
മലിനീകരണം: ബിഎസ്-3 വാഹനങ്ങൾ നിരോധിച്ചു
മലിനീകരണം: ബിഎസ്-3 വാഹനങ്ങൾ നിരോധിച്ചു
Wednesday, March 29, 2017 1:12 PM IST
ന്യൂ​ഡ​ൽ​ഹി: മ​ലി​നീ​ക​ര​ണത്തോ ത് കൂ​ടു​ത​ലു​ള്ള ബി​എ​സ്-3 വാ​ഹ​ന​ങ്ങ​ളു​ടെ വി​ല്പ​ന​യും ര​ജി​സ്ട്രേ​ഷ​നും സു​പ്രീം കോ​ട​തി നി​രോ​ധി​ച്ചു. ഏ​പ്രി​ൽ ഒ​ന്നു മു​ത​ൽ ബി​എ​സ്-4 വാ​ഹ​ന​ങ്ങ​ൾ മാ​ത്ര​മേ വി​ൽ​ക്കാ​വൂ​യെ​ന്നും ജ​സ്റ്റീ​സു​മാ​രാ​യ മ​ദ​ൻ ബി. ​ലോ​കു​ർ, ദീ​പ​ക് ഗു​പ്ത എ​ന്നി​വ​രു​ടെ ബെ​ഞ്ച് ഉ​ത്ത​ര​വി​ട്ടു. ബി​എ​സ്-3 വാ​ഹ​ന​ങ്ങ​ൾ വി​ൽ​ക്കു​ന്ന​തിനു സ​മ​യ​പ​രി​ധി നീ​ട്ടി​ന​ൽ​ക​ണ​മെ​ന്ന് ആ​വ​ശ്യ​പ്പെ​ട്ട് വാ​ഹ​ന നി​ർ​മാ​താ​ക്ക​ൾ ന​ൽ​കി​യ ഹ​ർ​ജി​യി​ലാ​ണ് കോ​ട​തി​യു​ടെ ഉ​ത്ത​ര​വ്.

ബിഎസ്-3 വാ​ഹ​ന​ങ്ങ​ൾ വി​ൽ​ക്കു​ന്ന​തു 2010ൽ ​നി​ർ​ത്തി​വ​യ്ക്ക​ണ​മെ​ന്നാണു കേ​ന്ദ്രം നി​ർ​ദേ​ശി​ച്ചി​രു​ന്ന​ത്. പ​ല ത​വ​ണ സ​മ​യ പ​രി​ധി മാ​റ്റി നി​ശ്ച​യി​ച്ച​ത് അ​വ​സാ​നി​ക്കാ​നി​രി​ക്കേ​യാ​ണ് വാ​ഹ​ന നി​ർ​മാ​താ​ക്ക​ളു​ടെ സം​ഘ​ടന സി​യാം സു​പ്രീംകോ​ട​തി​യെ സ​മീ​പി​ച്ച​ത്.

ബി​എ​സ്-3 പ്ര​കാ​രം നി​ർ​മി​ച്ച 8.24 ല​ക്ഷം വാ​ഹ​ന​ങ്ങ​ൾ ബാ​ക്കി​യു​ണ്ടെ​ന്നും അ​വ വി​ൽ​ക്കു​ന്ന​തി​ന് ഒ​രു വ​ർ​ഷ​ത്തോ​ളം സ​മ​യം വേ​ണ​മെ​ന്നും ഹ​ർ​ജി​ക്കാ​ർ​ക്കു വേ​ണ്ടി മു​തി​ർ​ന്ന അ​ഭി​ഭാ​ഷ​ക​ൻ മ​നു അ​ഭി​ഷേ​ക് സിം​ഗ്‌വി വാ​ദി​ച്ചു. വാ​ണി​ജ്യ താ​ത്പ​ര്യ​ങ്ങ​ളേ​ക്കാ​ൾ പ്ര​ധാ​നം രാ​ജ്യ​ത്തെ ജ​ന​ങ്ങ​ളു​ടെ ആ​രോ​ഗ്യ​മാ​ണെ​ന്നു ചൂ​ണ്ടി​ക്കാ​ട്ടി​യ ര​ണ്ടം​ഗ ബെ​ഞ്ച്, ഏ​പ്രി​ൽ ഒ​ന്നു മു​ത​ൽ ബി​എ​സ്-4 സ്റ്റാ​ൻ​ഡേ​ർ​ഡു​ള്ള വാ​ഹ​ന​ങ്ങ​ൾ​ക്കു മാ​ത്രം ര​ജി​സ്ട്രേ​ഷ​ൻ അ​നു​വ​ദി​ച്ചാ​ൽ മ​തി​യെ​ന്നും ഉ​ത്ത​ര​വി​ട്ടു. ഏ​പ്രി​ൽ ഒ​ന്നി​നു മു​ന്പ് വാ​ങ്ങി​യ​ വാ​ഹ​ന​ങ്ങ​ൾ​ക്ക് ര​ജി​സ്ട്രേ​ഷ​ൻ അ​നു​വ​ദി​ക്കാ​മെ​ന്നും കോ​ട​തി വ്യ​ക്ത​മാ​ക്കി.


ബി​എ​സ്-3 വാഹനങ്ങൾ വി​റ്റ​ഴി​ക്കാ​തി​രു​ന്നാ​ൽ 12,000 കോ​ടി രൂ​പ​യു​ടെ ന​ഷ്ട​മു​ണ്ടാ​കും. ഈ വാഹനങ്ങൾ ബിഎസ്-4 ലേക്കു മാറ്റാനാ​ണെ​ങ്കി​ലും പ​തി​നാ​യി​രം കോ​ടി​യി​ല​ധി​കം ചെ​ല​വ് വേ​ണ്ടി​വ​രു​മെ​ന്നും സിം​ഗ്‌വി വാ​ദി​ച്ചു. 2010ൽ ​ത​ന്നെ ബി​എ​സ്-4 മാ​ന​ദ​ണ്ഡ​ങ്ങ​ളെ കു​റി​ച്ചു ക​ന്പ​നി​ക​ൾ​ക്ക് അ​റി​വു​ണ്ടാ​യി​രു​ന്ന​താ​ണെ​ന്നു കോ​ട​തി ചൂണ്ടിക്കാട്ടി.

ജി​ജി ലൂ​ക്കോ​സ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.