പീഡനശ്രമം: ഒരാൾ അറസ്റ്റിൽ : Deepika.com National News |

Click here for detailed news of all items

പീഡനശ്രമം: ഒരാൾ അറസ്റ്റിൽ

Monday, March 27, 2017 1:54 PM IST

വളപട്ടണം: മൂന്നാം ക്ലാസ് വിദ്യാർഥിനിയെ പീഡിപ്പിക്കാൻ ശ്രമിച്ച കേസിൽ മുഖ്യാധ്യാപകൻ അറസ്റ്റിൽ. കാട്ടാമ്പള്ളിയിലെ ഒരു സ്കൂളിലെ മുഖ്യാധ്യാപകൻ പെരളശേരി സ്വദേശി ബാബുരാജിനെ (54) യാണു പോക്സോ ചുമത്തി വളപട്ടണം സിഐയുടെ നേതൃത്വത്തിലുള്ള പോലീസ് സംഘം അറസ്റ്റ്ചെയ്തത്.

കഴിഞ്ഞ ഓണം അവധി കഴിഞ്ഞു സ്കൂൾ തുറന്നപ്പോൾ മൂന്നുതവണ വിദ്യാർഥിയുടെ സ്വകാര്യഭാഗത്ത് സ്പർശിച്ചതായാണു കേസ്. ക്ലാസ് ടീച്ചർ അവധിയായ ദിവസം അധ്യാപകൻ ഇംഗ്ലീഷ് പഠിപ്പിക്കാൻ എത്തിയപ്പോഴാണു പീഡിപ്പിച്ചതെന്നു പറയുന്നു. പിന്നീട് നടത്തിയ കൗൺസിലിംഗാണ് കുട്ടി ഇക്കാര്യം പറഞ്ഞത്.

ചൈൽഡ് ലൈൻ അധികൃതർ മാർച്ച് 20ന് കേസ് വളപട്ടണം പോലീസിനു കൈമാറുകയായിരുന്നു. ഇന്നലെ രാത്രി കണ്ണൂർ ടൗണിൽ സിഐ രത്നകുമാർ, എസ്ഐ ശ്രീജിത്ത് കൊടേരി, അനിൽ കുമാർ, രഞ്ജിത്ത് എന്നിവരുടെ നേതൃത്വത്തിലുള്ള പോലീസ് സംഘമാണ് ഇയാളെ അറസ്റ്റ്ചെയ്തത്. മുഖ്യാധ്യാപകൻ ഇതിനു മുമ്പ് ജോലി ചെയ്തിരുന്ന ചെറിയൂറിലെയും വടകരയിലെയും സ്കൂളുകളിൽ സമാനമായ സംഭവം ഉണ്ടായതായി അന്വേഷണത്തിൽ ബോധ്യമായിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.